Крстоносци, масони, темплари...

Руска задгранична Црква, синодско соопштение од 1932 (само едно делче):

Масонството е тајна, интернационална организација чија цел е да се бори против Бога, христијанството и сите началства, особено христијанските началства.
....
Заради сите овие причини, забрането е на сите православни христијани да станат масони.
....
Се препорачува до сите епископи да го известат клирот со сите информации за поучување на верните, во врска со горе споменатите ереси и доктрини на масонството.

Синод на ГПЦ (21 век):

... Како последица на ова, на свештенството му се забранува да зема учество во масонството. Секој клир кој учествува, сметаме дека се деградирал самиот.
....
Сите оние пак (мирјани и свештенство), кои станале масони без да размислат и да испитаат што е тоа масонство, да ги прекинат сите врски со него, затоа што христијанството ја учи апсолутната вистина и ги исполнува сите верски и морални потреби на човекот.

Синод на РПЦ (21 век):

Кој и да е православен, кој се приклучува на масонеријата, ги губи сите права и привилегии во Црквата.

Како што реков - непознавањето на тематиката доведува до бесмислени осуди.
Сеуште чекам валиден аргумент за било која од овие писанија. Според тоа што го цитираше од Галатјаните - јас само можам дека апсолутно се согласувам со цитатот и не гледам какво место има во конкретнава дискусија?!?!

Сите луѓе се грешни по својата природа... и како такви можат да направат грешки, зарем не?
Во конкретниов случај е така. Со оглед на тоа што ниедна од горенаведените причини не е валидна (ниту точна) - не можам да изведам поинаков заклучок.
За да можеш да изнесеш такво категорично мислење за нешто, мора да го познаваш истото. Владици кои имале познавања (Егзарх Јосиф, Његош, Св.Николај Жички итн.), биле дури и членови на братството. Со што заклучуваш дека тие не биле водени од Светиот Дух да го сторат тоа?!

Изменето од zidarski - 25.Мај.2009 во 23:10

И уште нешто би додал...
Ако е точно дека масоните се "во потрага по ѓаволштина и беззаконие", тогаш зошто истите тие синоди не ги забранат и делата и откритијата на масони - тие сигурно се исто толку "ѓаволштини и беззаконија"... како на пример - Црвениот Крст е формиран од масон, пеницилинот е откриен од масон, двонасочната струја која ја користиме денес е истотака откриена од масон, како и половината од уредите во енергетиката... зошто не се забранат песните кои се пеат во речиси секоја православна црква, како - Тебе Поем, Многаја Лета, Буди Имје Господне - истотака напишани од масон (Мокрањац). Зошто не се забрани целата литература и книжевни дела напишани од масони, како детските басни на Доситеј Обрадовиќ, или романите на Иво Андриќ, пиесите на Мирослав Крлежа или поезијата на Пушкин... или пак да се забрани користењето на принципот "еден глас - една буква" во азбуките на Србија и Македонија, исто така поставен од масонот Вук Караџиќ...
Како тоа овие луѓе, водени од "ѓаволштина и беззаконие", направиле дела кои ден денес Црквата активно ги користи, а некои од нив биле и нејзини видни членови?
Очекувам искрен и личен одговор, не цитат од некаде.

Прво ти искрено одговори во врска со Светиот Дух.

Ако одиме по таа логика, муслиманите имаат откриено многу работи кои денеска сите ние ги ползуваме, исто и будистите и која било друга религија/вера. Да не зборувам за протестантите и римокатолиците.

Но, тоа не го оспорува фактот дека масонеријата е синкретистичка религија, во врска со некакво супремално битие, некаков си идеолошки и апстрактен бог.

Ваквите мистици на Црквата и се познати од многу порано, затоа и беше многу лесно да го препознае лажниот плашт на масонството.

Јас само знам дека Светите Отци дале анатема за оние кои се молат со луѓе кои не се дел од Црквата, и се водам по тоа.

Не сакам да испитувам и да влегувам во нешто што Црквата го смета за опасно. За мене спасение е Христос, и до Него можам да стасам преку православната Црква.

Тоа ми е доволно. Не ми е потребен никаков спиритизам ниту интелектуализам. Доволен е Христос!