Фан клуб Манчестер Јунајтед

Како би можел да му речам НЕ на таков клуб


Преговарачите на Манчестер Јунајтед овие денови овие денови имаа полни раце работа. Според пишувањата на островските медиуми не само што управата на "црвените ѓаволи" ќе му понуди сочно продолжување на договорот на Вејн Руни, туку и одржала многу плоден состанок и со претставниците на Бразилецот Кака.

Руни е на "Олд Трафорд" од 2004 година кога стигна од Евертон, а актуелниот договор според кој неделно заработува 100 илјади фунти му истекува за две години. Управата на Манчетер Јунајтед традиционално не им дозволува на своите главни играчи да влезат во последните две години без преговори околу продолжување на соработката, па таков е и случајот со Руни.

Според "Сан" на Руни ќе му биде понуден шестгодишен договор според кој би заработувал 125 илјади фунти неделно, со што би се изедначил со најплатените играчи во клубот како Рио Фердинанд и Кристијано Роналдо. Имајќи предвид дека Руни веќе во повеќе случаи изјави дека сака да го продолжи договорот со Јунајтед, се чини дека потписот кој ќе го означи продолжувањето на соработката е само прашање на време.

Сепак, многу поинтересна е приказната за ангажирање на еден од најдобрите играчи за врска во светот, Кака. Бразилецот беше на прагот од преселба во Манчестер Сити, а потоа кокетираше и со Реал Мадрид, за на крајот да изјави дека во Милан ќе остане до крајот на кариерата. Но како што пренесува "Сан", минатата недела управата на Манчестер Јунајтед одржала многу успешен состанок со играчот од средината на теренот на Милан. Според информациите на маса биле ставени 40 милиони евра, но не е јасно дали таа цифра ќе ги задоволи сите три страни. Познато е дека "росоњерите" за својата најголема ѕвезда бараат речиси двојно, односно близу 80 милиони евра.

"Тоа беше многу позитивен состанок иако ништо не договоривме. Во Манчестер играат одлични фудбалери како Рајан Гигс, Пол Сколс, и особено Вејн Руни. Еден од моите пријатели, Андерсон, е исто така таму. Како би можел да кажам НЕ? Тие се англиски и европски шампиони и тоа е одлично" - наводно им изјавил Кака на своите пријатели.

Според пишувањето на "Сан", за трансферот да се реализира, Манчестер прво треба да го продаде Кристијано Роналдо во Реал Мадрид.


Aj da vidime dali e ova samo edna od mnogute spekulacii vo vrska so transferite

Тевез си оди од Јунајтед, но останува во Англија

Аргентинскиот репрезентативец Карлос Тевез уште еднаш потврди дека ќе си оди од Манчестер Јунајтед на крајот од оваа сезона бидејќи се чувствува непосакуван во овој клуб. Напаѓачот во последно време постојано се жалеше на малата минутажа во составот на Алекс Фергусон што е основна причина за желбата да си оди од сегашниот клуб. Во исто време, Тевез постојано беше поврзуван со екипи од Шпанија и Италија, пред се Реал Мадрид и Интер, но сега категорично изјави дека ќе остане на Островот, дури и за помала плата од оваа во Јунајтед.

"Време е за разделба. Ги почитувам напаѓачите бидејќи во последните две сезони беа постојано на мојата страна. Сепак, станува јасно дека ова е мој последен месец во Манчестер Јунајтед и тоа не по мој избор. Можам само да кажам дека постојано го давав максимумот за тимот и благодарен сум им на сите овде, затоа можам со крената глава да си одам", изјави Тевез.

Втора, и тоа многу голема причина за се поверојатната разделба на Аргентинецот и Манчестер Јунајтед е комплицираната состојба околу неговиот договор. Како што е познато, тој во моментов не е сопственост на клуб, туку на компанијата на контроверзниот ирански бизнисмен Киа Џорапчиан, МСИ. Тој бараше од Јунајтед 32 милиони фунти за да го продаде Тевез, а сега тврди дека добил понуда од 40 милиони.

Тевез е категоричен дека останува во Англија затоа што се навикнал на Островот и не планира сега нешто да менува.

"Мојата ќерка Флоренција има четири години и зборува англиски подобро од мене. И мојата сопруга е среќна овде, затоа сакаме да продолжиме да живееме", додаде Тевез.

Во својата прва сезона во Јунајтед, Аргентинецот имаше 39 настапи во сите натпреварувања и постигна 19 голови, но и покрај тоа не успеа да се избори за место во стартната постава.

Glory Glory Man United

 

http://www.youtube.com/watch?v=D4T3g4gGqHQ

WE ARE THE CHAMPIONS 

НЕКА ПУКНАТ ДУШМАНИТЕ....