МУЗИЧКИ ВЕСТИ

НАЈПОПУЛАРНАТА ЏЕЗ-ВОКАЛИСТКА ПРВПАТ ВО МАКЕДОНИЈА

Дајана Крол во Скопје

Канадската џез-пијанистка и пејачка и двојна добитничка на наградата „Греми“, Дајана Крол, на 20 ноември ќе има концерт во Универзалната сала во Скопје, објави вчера организаторот „Авалон продукција“. Една од најпопуларните џез-вокалистки во изминативе десетина години, што комерцијално се проби и на поп-сцената, ќе го комплетира проектот на македонската продукциска куќа, наречен „Културен шок 2009“. Дел од него се и настапите на Дејвид Брн на 10 јули во Скопје и на Џорџ Бенсон на 25 јули во Охрид.

Крол, која е сопруга на Елвис Костело, на 31 март го промовира својот 12 албум, Quet Nights, комплетно исполнет со боса нова-стандарди. Турнејата за промоција на материјалот, што почна вчера во Калгари и во чии рамки до 6 октомври се вклучени 81 концерт, ќе ја доведе Крол и на прва средба со македонската публика. Гостувањето во Скопје се' уште не е потврдено на официјалната интернет-страница на пејачката, но од „Авалон“ уверуваат дека датумот е резервиран.

ЕКСк*рЗИЈА ВО НЕЖНАТА МУЗИЧКА ЕРОТИКА

Последното издание Крол го подготви со аранжерот Клаус Огерман, веројатно најпознат по соработката со влијателниот музичар Антонио Карлош Жобим. Албумот, промовиран преку издавачката куќа „Верв“, досега доби главно позитивни критики. За цедето, Стивен Холден од „Њујорк тајмс“ неодамна напиша: Звукот и стилот се исти како и на The Look of Love, албумот што во 2001 година Крол го сними со Огерман. Неговите оркестрални бранови и дувачки инструменти создаваат романтична атмосфера со призвук на амбиент од филм-ноар. Крол на клавишите меко солира, а тоновите се губат и испливуваат во оркестрациите како шепотење на перница, но со пијано. Нејзиниот глас е подлабок, речиси спуштен до засипнат шепот, како да се насладува во „сјајот“ по страста во заплетканите чаршафи. Предвесници на ваквите испади во нежноеротски мотиви се албумите со балади од Пеги Ли и од Џули Лондон - истакнува Стивен Холден од „Њујорк тајмс“ во рецензијата за новиот диск на изведувачката.

СОРАБОТКИ СО БЕНЕТ, ЧАРЛС И КОСТЕЛО

Дајана Крол е родена на 16 ноември 1964 година Нанаимо, во сојузната држава Британска Колумбија во Канада. Нејзиното семејство страсно ја сакало музиката, особено татко и' Џим, кој со својата голема колекција на плочи ја изложил идната пејачка на делата на џез-легендите. Таа со пијаното почнала да се дружи на четиригодишна возраст, додека била во средно училиште свирела во мала џез-група, а по прославата на 15. роденден почнала редовно да настапува во ресторани во родниот град. На 17-годишна возраст добила стипендија од Интернационалниот џез-фестивал во Ванкувер за да студира на колеџот „Беркли“ во Бостон.

Професионалната кариера на Крол почна во 1993 година, со објавата на деби-албумот Stepping Out. Оттогаш издаде уште 11 плочи што и донесоа шест номинации и две освоени статуетки „Греми“. Кариерата на Крол изобилува и со соработки со големи имиња како Тони Бенет, Реј Чарлс и Елвис Костело, со кого е во брак од декември 2003 година. Двојката три години подоцна ги доби близнаците Декстер Хенри Лоркан и Френк Харлан Џејмс. Крол е меѓу ретките денешни џез-изведувачи со милионска продажба на своите албуми и искачување на топ-листите за поп-музика како што е „Билборд“ во САД.

ИНФО- Џез и поп-ѕвезда

Дајана Крол е родена на 16 ноември 1964 година Нанаимо, во сојузната држава Британска Колумбија во Канада. Во својата кариера објави 12 албуми што и донесоа шест номинации и две статуетки од наградата „Греми“. Соработуваше со големи имиња како Тони Бенет, Реј Чарлс и Елвис Костело, со кого е во брак од 2003 година и има близнаци. Таа е меѓу ретките денешни џез-изведувачи со успех на поп и топ-листите.

Откако дознала дека е HIV позитивна, Nadja Benaiss од No Angels сменила неколку партнери и имала редовни интимни контакти покрај сознанието дека директно им го загрозува здравјето и животите. Пејачката е уапсена во Frankfurt, пред почетокот на долгонајавуваниот соло концерт. Таа е уапсена поради основно сомневање за ширење на хив вирусот. Еден од тројцата партнери на Nadja открил дека е заразен и покренал истрага а сега пејачката ќе се соочи и со сериозни обвинувања.



На напорните турнеи на ѕвездите се чини најтешко им е да запомнат во кој град се наоѓаат. Публиката во San Jose со сигурност не беше воодушевена кога кралицата на лапсузи Britney Spears ги поздравила со зборовите, 'What's Up, Sacramento? Публиката во San Jose, Калифорнија се збунила,а пејачката се оправдала со фактот дека ден порано настапувала баш во Sacramentо.


AMY WINEHOUSE не е срамежлива кога станува збор за освежување со тревки додека пак SNOOP DOGG својата кариера ја изгради на пушење марихуана. Е, сега...замислете ги овие двајца заедно во студио ? Тие соработуваа минатата година на неколку траки во Los Angeles, но и двајцата беа премногу стонирани за да го завршат снимањето. Се собраа повторно, Amy полна со идеи а Snoop со апостолки што предизвика и многу смеа во студиото, но повторно ништо од работата. Amy си игра на плажа со клинците од Кариби и изгледа уште не и е време за снимање.


Ветераните AC/DC во нивните училишни униформи од денес ја стартуваат својата турнеја. BRIAN JOHNSON најави дека сетот ќе ги вклучува и класиците You Shook Me All Night Long и Hell’s Bells. На концертите со нив ќе настапува и хор кој ќе го дополни впечатокот на сцената.


Изгледа дека LILY ALLEN е следниот ANGELINA кошмар за JENNIFER ANISTON. Пејачката на The Smile се вљубила во JOHN MAYER. Lily напишала на својата Twitter страна : "Мислам дека го сакам john mayer, гледав двд од неговиот концерт. Многу е секси. Актерката од Friends ,Jen ноторно е несреќна во љубовта , прво BRAD PITT, па VINCE VAUGHAN а сега и John. На целава приказна уште само и LILY недостасуваше.


Досега невидени фотографии на поп кралицата. Madonnа гола ќе бидат претставени во една уметничка галерија во Brighton. Во далечната 1979, фотографот Martin H. M. Schreiber се јавил во една агенција и им понудил актови на тогаш непознатиот модел кој подоцна станува икона на поп музиката и највлијателна жена во шоу бизнисот. Фотографиите премиерата ја доживуваат дури сега, триесет години подоцна. Madonna позирала за само 30 долари. Фотографиите своевремено биле објавени само за Playboy откако дознале дека тоа е тогашната нова ѕвезда Madona.


Nicole го уверила шампионот на Формула 1 да сними албум. Nicole Scherzinger, пејачката на Pussycat Dolls и девојката на Lewis Hamilton, се доверила на новинарот на порталот contactmusic.com дека Lewis убаво пее и дека таа ќе му помогне да си ја оствари желбата. Најверојатно ќе завршиме заедно во студио, тој ги обожава Pussycat Dolls и ги знае сите текстови од нашите песни.


Во раните 80, Prince ја отпеа песната за која може да се каже дека му ја донесе и светската слава, а станува збор за Purple Rain. Сега одлучи да направи уште еден маркетинг трик повторно на слава на песната, па тој ќе го продава својот пурпурен iPod. На него ќе се наоѓаат и видео спотови снимени на концерт во O2 арена пред две години.


Во новото интервју за MTV, Bob Dylan беше остар кон Rolling Stones, за кои вели дека не се вистинските без Bill Wyman. Музичарот кој за десетина дена го објавува својот албум "Together Through Life" на Stones, без Wyman гледа како на обичен "funk bend". Stones не се завршена приказна тие остануваат најголем рок бенд на светот. –сепак се корегираше на крајот.


2000, Fragma дојдоа на прво место на Британската листа на синглови со 'Toca's Miracle.'

1994, На 37-от објавен сингл, Prince успеа да дојде до врвот на Британската листа на синглови со 'The Most Beautiful Girl In The World.'

EВРОВИЗИСКАТА ДЕЛЕГАЦИЈА ЗАМИНА ЗА руската престолнина
Сакаме да ја усреќиме Македонија од Москва

Нема да дозволиме прогнози на обложувачниците да ни го расипат расположението, знаеме колку можеме и што сакаме да постигнеме на изборот, велат браќата Мартин и Стефан

Македонските евровизиски претставници Стефан и Мартин од дуото „Некст тајм“, придружните вокали и дел од македонската делегација вчера заминаа во Москва, надевајќи се дека ќе остварат добар пласман и достојно ќе ја претстават нашата земја на Евросонг во Русија. На прес-конференција истакнаа дека евровизискиот тим интензивно и напорно се подготвувал, а парите за целокупното претставување во Москва ги обезбедила Македонската радио-телевизија.

- „Некст тајм“ и придружниот бенд се максимално подготвени, а темата „Нешто што ќе остане“ звучи фантастично. Во вокалните способности на дуото ќе се уверат и гостите на македонската вечер закажана за 8 мај, на која ќе отпеат колаж на стари македонски песни - рече Љупчо Мирковски, уметничкиот директор на националниот избор.Стефан и Мартин на бина ќе настапат со придружните вокали Драган Ѓуровски и Дамјан Лазаров, тапанарот Горан Михајловски и басистот Марио Станковиќ. Првата генерална проба нашите претставници ќе ја одржат на 4 мај, а потоа ќе следува и прво соочување со медиумите.

- Не дозволуваме интернет-порталите и обложувачниците да ни го расипат расположението и да ни ја разнишаат самодовербата. Знаеме колку можеме и што сакаме да постигнеме. Целта ни е да ја направиме Македонија среќна со тоа што достоинствено и професионално ќе настапиме - ни изјави Стефан, вокалистот на групата. Изминатиов период дуото посети повеќе земји промовирајќи ја песната. Тие се надеваат дека ќе ги освојат симпатиите на европската публика со едноставноста, професионалноста, но и со нумерата.

- Одлично не' прифатија на настапите. Според реакциите од публиката, очекуваме поени од Србија и Босна и Херцеговина и од Македонците што живеат во Швајцарија. Стефан како вокалист ќе има пооодговорна задача на бината, но сите ќе ја носиме одговорноста за настапот. Соработката со МТВ беше на ниво и благодарни сме што ни овозможија одлични услови за работа - појасни Мартин.Пред поаѓањето за Москва, близнаците, во знак на почит кон својот музички идол, го посетија гробот на Тоше Проески во Крушево. Според шефицата на македонската евровизиска делегација, Гордана Андрашевска, постои голема заинтересираност на странските медиуми за „Некст тајм“. Таа верува дека новиот систем на гласање, чиј дел се телевоутингот и жирито, ќе даде пореална слика на изборот.

- обив над 600 мејла во кои претставниците на различни медиуми бараа прес-материјали за „Некст тајм“. Тие нагласуваат дека песната им се допаѓа многу. Треба да бидеме среќни ако влеземе во финале, но ако не се случи тоа, да не очајуваме. Добриот пласман е сплет на околности, а врз некои од нив немаме влијание - вели Андрашевска.Во организација на македонската вечер ќе помогне нашата амбасада во Русија. Министерството за економија обезбеди промотивни материјали за земјава, а тимот добил помош и од Министерството за надворешни работи, Државната агенција за развој на туризмот и асоцијацијата „Тиквешки вински пат“.

Рок-имиџ со барокни елементи
За сценскиот настап на нашите претставници ќе се погрижи режисерот Иван Поповски, кој живее во Москва, а имиџот е на креаторот Томас. Кога имате идеална комбинација, како Стефан и Мартин, тогаш е лесно да го замислите нивниот имиџ. Нема да откривам многу, освен дека нивната облека ќе биде рок-комбинација, со носталгична нота на барокот, но и фрагменти од облеката на руските генерали бидејќи овој настан се одржува во Русија. Нивните комбинации се во бела, црна и сива боја, која е доминантна - ни откри Томас.

Сантана на 10 јули на концерт во Скопје

Легендарниот гитарист Сантана во рамки на својата летна турнеја на 10 јули ќе одржи концерт на Градскиот стадион во Скопје.

Два дена пред концертот во Скопје што ќе се одржи во организација на Авалон продукција, Сантана ќе настапи на стадионот Караискас во Атина и на Белградско Ушќе.

Сантана во неговата долгогодишна кариера има продадено повеќе од 90 милиони примероци од своите албуми.

Досега настапувал пред повеќе од 100 милиони луѓе, има освоено десет Греми награди и три латино Греми награди.

Тој се наоѓа на 15 место на вечната листа на 100 најдобри гитаристи во светот и е единствен музичар кој успеал да соработува со најголемите музичари од џез, рок, блуз, латино и поп музиката.

Rianna vo nov skandal na nudi-forografii

http://macedoniaonline.eu/content/view/6655/55/

 

 

Знае некој колку ќе биде влезница за концертот на Сантана?

fiks напиша: „Депеш мод“ ги откажаа концертите во балканските земји Концертот на „Депеш мод“ во Бук*решт, кој требаше да се одржи на 16 мај е откажан, јавија денеска романските медиуми. Групата веќе ги откажа концертите во Атина и во Истанбул на 12 и на 14 мај поради здравствени проблеми на вокалистот Дејвид Гахан. „Депеш мод“ исто така ги откажа концертите и во Софија (18 мај), Белград (20 мај) и Загреб (21) мај. Според некои западни медиуми, Дејвид Гахан страда од гастроентероколит и може да се јави потреба да замине во САД за натамошно лекување.