Кој е најзаслужен за рејтингот на ВМРО?

MENE

Е ова не им требаше. Мерење рејтинг, споредување со западните политичари. Сепак премиерот во наши услови има најголем рејтинг бидејки другите очигледно за ништо не ги бивало. Зошто во краен служај и нашиве не мерат како што с емери рејтинг на запад?

Според испитувањата на јавното мислење, 68 проценти од Американците имаат позитивно мислење за претседателот Барак Обама. Неговиот француски колега Никола Саркози ужива 47 проценти поддршка во неговата земја, а во германската канцеларка Ангел Меркел веруваат околу 60 проценти од Германците. Убедливо најпопуларен е италијанскиот премиер Силвио Берлускони. И самиот деновиве се пофали дека дури 75 проценти од Италијанците му даваат поддршка. Ова се само неколку примери за големата поддршка што ја уживаат лидерите во своите земји. Рејтингот на македонскиот премиер Никола Груевски, кој континуирано е околу 30 проценти, останува недостижен за другите македонски политичари, но споредено со светските лидери воопшто не е голем. Според последната анкета на Институтот за демократија, спроведена по барање на институтот „Павел Шатев“, Груевски има рејтинг од 30,9 проценти, а втор по него е Бранко Црвенковски, актуелен претседател и наскоро шеф на опозициската СДСМ. Тој ќе се обиде да го достигне својот политички ривал стартувајќи со рејтинг од 8,7 проценти. Иако на прв поглед разликата во поддршката меѓу нашиот најпопуларен политичар и светските лидери е двојна, а во некои случаи и тројна, сепак процентите не може едноставно да се споредуваат, коментираат експертите. Ѓорги Кимов, директор на Брима Галуп, агенција за испитување на јавното мислење, објаснува дека рејтингот се пресметува врз основа на различни методи за испитување на јавното мислење. - Во Македонија при анкетирањето се поставуваат таканаречени отворени прашања, при што граѓаните се прашуваат во кој политичар имаат најмногу доверба. Практиката во другите земји, пак, е да се набројуваат сите во моментот актуелни политичари и граѓаните да го даваат своето мислење за секој од нив. Потоа има разлика и во пресметување на процентите - вели Кимов. На сличен начин оваа разлика ја објаснува и Владимир Мисев, директор на Институтот за демократија. Тој додава дека процентот на поддршка кај нас најчесто се пресметува од вкупниот број анкетирани, без разлика дали тие се изјасниле и како неопределени. - Доколку процентот се пресмета само од определените, односно од граѓаните што имаат став за некој од лидерите, Груевски би имал рејтинг од околу 50 проценти, а Црвенковски околу 20 проценти - вели Мисев. Но и ако доверба во македонскиот најпопуларен политичар имаат 50 проценти од граѓаните, тоа сепак не е многу во споредба со другите земји. Речиси сличниот рејтинг на францускиот претседател Никола Саркози во тамошната јавност веќе се коментира како низок. Според една анкета спроведена минатиот месец, актуелниот претседател Саркози има поддршка од 47 проценти, а неговиот претходник Жак Ширак го поддржуваат дури 74 проценти од граѓаните. Алберт Муслиу, политички аналитичар, смета дека кај нас политичарите не можат да добијат поголема поддршка, бидејќи народот веќе ја има загубено довербата во нив. - Ниту еден политичар досега кај нас не излезе со конкретни предлози за клучните проблеми, а ниту, пак, постигна резултати откога дојде на власт. Затоа неопределените граѓани се уморни и не гледаат причина да му ја дадат поддршката на некого. Друга причина е што економската состојба постојано се влошува - вели Муслиу. Тој додава дека таа незаинтересираност на граѓаните се гледа и на избори на кои одвај се постигнува потребниот цензус. - Во западните држави, со неколку исклучоци, излезеноста на избори речиси секогаш е поголема од 60 проценти. Тоа покажува дека политичарите таму знаат да го мотивираат народот- вели Муслиу. Путин и како премиер најпопуларен во Русија Владимир Путин останува најпопуларен политичар во Русија иако од функцијата претседател замина на позицијата премиер на која нема многу ингеренции. Според истражувања спроведени годинава, тој има рејтинг од околу 80 проценти. Втор по него е претседателот Дмитри Медведев чиј рејтинг е во благ пораст. На него поддршката му ја даваат 74 проценти од граѓаните. Но Путин го постигна и рекордот во Русија. Додека ја извршуваше функцијата претседател, задоволни од неговата работа беа 83 проценти од граѓаните. Обама со историска поддршка Американскиот претседател Барак Обама го почна својот мандат со најголем рејтинг во историјата на САД. На денот на инаугурацијата Обама имаше поддршка од 83 проценти од граѓаните, со што го надмина претходниот рекорд на Џон Кенеди. Тој на денот на инаугурацијата во 1961 година уживал поддршка од 72 проценти. Џорџ Буш, пак, кој му ја предаде функцијата на Обама, ќе остане запаметен како еден од американските претседатели што си заминале од Белата куќа со многу мала поддршка. Позитивно мислење за него имаа само 22 проценти од граѓаните, за разлика од Бил Клинтон, кој ја напушти функцијата со рејтинг од 68 проценти. Но Буш е рекордер и по поддршката што ја уживал за време на мандатот. По терористичките напади на кулите близначки, кои се случија на 11 септември 2001 година, рејтингот на поранешниот американски претседател изнесувал 90 проценти.

Зошто високиот рејтинг на Груевски е мал за Обама и за Меркел?

Изменето од mamamd - 06.Мај.2009 во 15:29

i jas se slozuvam deka ne treba da ima partii na baza etnikum. ama vo momentot rasteckiot nacionalizam mu dava rejting na partiite.....

http://www.youtube.com/watch?v=_2GZRDjWfFQ&feature=related