Хороскоп

Бубачки во главата

        Многу древни култури верувале дека секој човек си има своја бубачка заштитничка и дека секоја си има свои сопствени одлики. Египјаните верувале во волшебната моќ на бубачката Скарабеј, а пак други народи ја претскажувале иднината набљудувајќи ги пчелите.

             Сигурно ти се случило да ти удрат бубачките во глава и тогаш никој не  знае што се си спремна да направиш. Откриј ја својата бубачка.

Комарец ( 1-31 јануари )

Ти си весела, по малку расеана, а со текот на годините се потврдоглава. Најверојатно никогаш нема да пораснеш. Се правиш од своја рака. Се однесуваш наивно и ништо не може да те спречи во она што сакаш да го оствариш. Секогаш си директна и искрена и не ти е важно дали некој ќе те разбере или не. Тешко моше некој да ти го промене мислењето. Можно е да се случи да добиеш напад на бес и тогаш приредуваш сцени.

      Во љубовта создаваш долги и бурни врски со жестоки расправии. Од партнерот бараш постојани докази на љубов зашто се вљубуваш страсно и стануваш болно љубоморна. Никако не дозволуваш да се почувствуваш запоставена.

            Слаби точки – поради немирниот карактер подложена си на мали повреди од паѓање и удари. Можни се проблеми со забите и анемија.

            Омилена боја – темно-црвена

            Среќен ден – сабота

            Идеален партнер – оса

Пеперутка ( 1-28 февруари )

        Ти си “светска девојка”. Многу си интелигентна, љубопитна, сакаш да патуваш. Нестабилна си и затоа никогаш немаш само една професија. Поседуваш двојна природа која тешко може да се запознае. Ако ти се појави можност за нешто, никако не ја пропушташ. На прв поглед делуваш површна, но ти си поетски надарена и живееш во свој свет на фантазии и соништа.

            Во љубовта секогаш бараш апсолутна духовност. Ја идеализираш личноста што ја сакаш, а поради тоа често се разочаруваш.

            Слаби точки – екстремитетите. Постои опасност од сообраќајни незгоди. Страдаш од минливи, периодични болести ( пр. грип ).

            Омилена боја – портокалова

            Среќен ден – сабота

            Идеален партнер - мравка

Болва ( 29 февруари )

        Посебна си по многу нешта. Сигурна си во себе, амбициозна и ретко да не успееш во она што си го замилила. Ти си “чудо од дете” и во интелектуалени и во физички поглед. Убедена си во своите намери затоа секогаш успеваш да ги оствариш. Сакаш другите да ти се восхитуваат и не се плашиш од нивната завист. Чувството за хумор те приближува до другите кои никако не те сметаат за претерано совршена, ладнокрвна или нехумана.

            Во љубовта рано се врзуваш за едно момче за кое мислиш дека е за цел живот не поради тоа што си претерано заљубена туку од практични причини.

            Слаби точки – страдаш од температурни промени и лесно настинуваш зашто уживаш во топлина.

            Омилена боја – виолетова

            Идеален партнер - болва

            Виолинскао коњче ( 1-31 март )

            Леташ исто како и виолинското коњче. Сигурна си во себе и урамнотежена. Сакаш да се осамостоиш. Често ја менуваш професијата, лесно наоѓаш работа и секогаш се раководиш од своето ”шесто сетило”. Поседуваш ентузијазам и моќ на зближување. Само она што те интересира може да ти го задржи вниманието и да те мотивира.Не можеш да се задржиш на едно место подолго време, често се селиш, но секогаш копнееш по родното место. Рано го напушташ родното огниште.

 
            Во љубовта си внимателна и традиционална. Тешко се врзуваш за едно момче, а кога ќе го најдеш никако не флертуваш со друго.

            Слаби точки – имаш брз метаболизам и никогаш нема да се здебелиш зашто јадеј умерено. Проблеми со бубрезите и џигерот.

            Омилена боја – розева

           Среќен ден – недела

           Идеален партнер - комарец

Мува ( 1-30 април )

Ти си храбра, тврдоглава и често ги нервираш другите. Никогаш не ги менуваш ставовите- невозможно е некој да влијае на тебе. Нечувствителна си на совети, дури и од најблиските. Никогаш не прифаќаш пораз, не си подготвена на компромиси и поради тоа лесно влетуваш во непријатни ситуации и си создаваш непријатели. Одиш од една крајност во друга. Храбра си, но не и бестрешна. Екстравертна си. Секогаш ја кажуваш вистината, дури и да е на твоја штета, за што во друштвото, како и во љубовта важиш за здодевна и недоделкана личност.

Во љубовта можеш да доживееш огромна страст која може да започне со љубов на прв поглед, а да заврши на груб начин.

Слаби точки - подложна си на опасност од сообраќајни незгоди и инфекции поради својот карактер.

Омилена боја - небесно-сина

Среќен ден - понеделник

Идеален партнер- пеперутка

Мајски бумбар ( 1-31 мај )

            Поседуваш неодолив шарм и харизма. Одлучна си, а понекогаш и нежна. Љубезноста и убавото воспитување се вродени карактеристики. Секогаш си резервирана и уживаш во моментите на осаменост. Одлуките ги донесуваш авторитативно и ладнокрвно. Поседуваш особини на водач и би била добра во дипломатија, политика или некоја слободна професија.

  Во љубовта си воздржана и никогаш не го правиш првиот чекор, но затоа можеш да чекаш долго и да го избереш вистинскиот миг.

                 Слаби точки - депресии и проблеми со гениталиите и уринарниот тракт. Можност од алергии.

Омилена боја - сина

Среќен ден - вторник

Идеален партнер - вилинско коњче

Бубамара ( 1-30 јуни )

Симпатична, добродушна и верна пријателка. Лесно создаваш пријателства, никогаш не остануваш без друштво зашто не поднесуваш самотија. На прв поглед делуваш наметливо, многу зборуваш, но затоа љубоморно ја чуваш сопствената приватност. Те привлекуваат далечни и напуштени места.

Во љубовта си романтична и дури и најмалите вниманија ти значат многу. Сакаш да се чувствуваш заштитена и од сите бубачки имаш најголема среќа во љубовта.

Слаби точки - имаш солидно здравје, но можни се проблеми со респираторните органи (бронхитис и запаление на белите дробови или синусите).

Омилена боја- огнено -црвена

Среќен ден - вторник

Идеален партнер - мува

Скакулец ( 1-31 јули )

       Ти си голем сонувач. Непредвидлива си, а тоа е причината за честите конфликти со околината. Кога си бесна не умееш да се контролираш, многу брзо избувнуваш, но и брзо се смируваш. Не обрнуваш внимание на парите, сакаш да трошиш и да даруваш. Обожаваш луксуз, поседуваш вкус и елеганција, а понекогаш имаш и преголеми барања. Често ти се случува да те измами надворешниот изглед, без разлика дали се работи за предмет или личност и ваквата површност ти создава лични проблеми.

            Во љубовта понекогаш си расеана. Немаш правила и ред во сентименталните односи. Често ги занемаруваш внатрешните мотиви.Оригинална си и темпераментна, а тоа ти се најсилните оружја.

            Слаби точки - склона си кон реуматични промени и артроза, затоа треба да се занимаваш постојано со спорт. Не се храниш правилно, јадеш малку и нередовно.

            Омилена боја - зелена

            Среќен ден - среда

            Идеален партнер - мајски бумбар

            Штурец ( 1-31 август )

Поседуваш двојна личност- едната страсна, весела, оптимистичка, а другата срамежлива, пречувствителна, скоро тмурна. Некои штурци многу зборуваат, импулсивно реагираат и го сакаат “слаткиот живот”, а други се затворени и бегаат од луѓето зашто уживаат во самотија. Гласот е твоето најсилно оружје и затоа како идна професија можеш да одбереш несто поврзано со глума, адвокатура, говорништво. Поседуваш дарба за музика.

Во љубовта си голема заводничка. Доживуваш најголема страст. Но понекогаш брзо се заситуваш и изморуваш од заведувањето, а тоа е причина да се откажеш. Секогаш си во потрага по нешто совршено.

Слаби точки - вртоглавица и главоболки. Деформитети на рбетот.

Омилена боја - црна

Среќен ден - среда

Идеално момче - бубамара

Светулка ( 1-30 септември )

Сите бараат поткрепа од тебе, ти им влеваш доверба. По природа си рационална, љубезна, искрена. Во состојба си да се соочиш со секаква ситуација и да останеш прибрана. Тешко е некој да те налути, ретко го губиш трепението, но тоа не значи дека си спремна на компромис, Поседуваш моќ за раководење, одличен си организатор и програмер. Би била добра како научник или хирург. Ја сакаш природата - растенијата и животните, имаш барем еден домашен миленик. Обожаваш големи пространства.

Во љубовта си верна, а ако те напушти продолжуваш да живееш со спомените. Никогаш нема да се обидеш повторно да го освоиш, колку и да го сакаш.

Слаби точки - склона си кон еднолична храна и затоа се можни проблеми со гастритис. Проблеми со крвниот притисок – многу низок или многу висок.

Омилена боја - бела

Среќен ден - четврток

Идеален партнер - скакулец

Пајак ( 1-31 октомври )

Добродушна си. Го сакаш домот и можно е да посакаш да се омажиш многу млада. Но, од друга страна си голем авантурист и те привлекуваат патувања и опасни ситуации.

Во љубовта целосно се предаваш и секогаш си подготвена на жртви. Но, нека внимава оној кој што ќе те изневери или неправедно те навреди зашто кога-тогаш ќе му вратиш “мило за драго”. Во состојба си со години да смислуваш префинета одмазда.

Слаби точки - нервни проблеми поради преголемата емотивност. Астматични напади и проблеми со варењето на храната.

Омилена боја - сива

Среќен ден - четврток

Идеален партнер - штурец

Оса ( 1-30 ноември )

Никој не може да ти оддолее.Физички ти си најпривлечна меѓу бубачките. Се водиш од сопствените инстинкти кои ти овозможуваат да ја одбегнеш работата и да не размислуваш. Секогаш си ги поедноставуваш работите- ги користиш предностите, ги одбегнуваш опасностите. Се потпираш на “шестото сетило”, а тоа те прави непостојана. Темпераментна си, се интересираш за различни работи, но не си во состојба да се соочиш со тешкокиите.

Во љубовта не се врзуваш лесно за една личност, а ако тоа се случи, ќе биде по долго и упорно додворување. Несвесно заведуваш, но не забележуваш кога тебе те заведуваат другите.

Слаби точки - подложна си на сезонски болести. Проблеми со очите уште од раѓање, затоа не се исклучуваа можноста од сообраќајни незгоди.

Омилена боја - жолта

Среќен ден - петок

Идеален партнер – пајак

Мравка ( 1-31 декември )

Подготвена си секоја работа да ја извршиш без размислување. Работлива си и неуморна. Ретко правиш непромислени грешки. Се соочуваш со секоја ситуација со голема прецизност и огромно чувство за обврска. Препознатлива си по овие карактеристики.

Во љубовта имаш потешкотии зашто бараш совршенство и не ги толерираш грешките и недостатоците кај партнерот кој има чувство како да е под лупа. Верна си и доверлива, но можеш да станеш здодевна поради тоа што си голем перфекционост.

Слаби точки – си наметнуваш преголеми обврски, а поради тоа страда срцето, крвотокот и нервниот систем. Проблеми со органите за варење и спиењето.

Омилена боја – црна

Среќен ден – петок

Идеален партнер - пајак