El clasico

На која програма ќе биде натпреваров?

Andrey напиша: Сега Реал со Мурињо има да руши пред себе се живо и диво!

 

"Ел Класико" - започна војната

Прв кој се огласи пред првото големо дерби кое со нетрпение се очекува во оваа сезона во Примера, беше помошникот на Гвардиола, Тито Вилјанова. Гвардиола и Мурињо премногу се почитуваат и минатата сезона пред дуелите на Барселона и Интер немаше директни коментари. Меѓутоа прв проговори Тито Вилјанова, десната рака на Пеп Гвардиола, па медиумите се прашуваат дали тоа е и мислење на малиот тренер на Барселона.

"Она што е неверојатно кај Мурињо е тоа што тој никогаш не зборува за фудбалот и за самата игра. Се занимава со тоа што кој рекол и со напад на други луѓе без причина, единствено што никогаш нема да слушнете е да зборува за натпреварот" изјави Вилјанова.

Тој додаде дека тоа е лошо за самата игра, бидејќи нејзините учесници и така претрпуваат голем стрес.

"Стресот е присутен, бидејќи фудбалот е резултат. Реал нема резултати, вложија двојно повеќе од Барселона и го донесоа секој кој го посакуваа. И повторно ништо, победуваат но не играат добро. Освен резултатите тука, нема ништо од фудбалската убавина" додаде Вилјанова.

Ел Класико во понеделник!?

Постои голема веројатност супер-дербито на шпанскиот фудбал меѓу Барселона и Реал Мадрид да се игра во несекојдневен термин - понеделник, 29 ноември, пишува каталонскиот спортски дневник Спорт. Во тој период токму овој датум најмногу им одговара на двете екипи, но одговара и на локалното население во Барселона од други причини.

Имено, викендот на 27 и 28 ноември ќе се спроведат парламентарни избори во Каталонија, па политичките страсти во комбинација со фудбалските искри што ги носи најголемото дерби во шпанскиот фудбал може да доведат до немири на и надвор од Ноу Камп. И двата клуба, наводно, го поддржуваат предлогот да играат в понеделник имајќи предвид дека дербито следува по натпреварите од петтото коло во Лигата на шампионите каде Барселона гостува на Панатинаикос во Атина, а Реал на Ајакс во Амстердам.

Во средината на следната недела (од 29 ноември до 5 декември) двете екипи немаат ангажмани во Лигата на шампионите или Купот на Шпанија, па ќе можат добро да се одморат и да се подготват за меѓусебниот дуел кој сигурно ќе одлучува за новиот првак на Шпанија. Како и да, е последниот збор околу промената на терминот ќе го има сопственикот на телевизиските права за Пример - Гол ТВ.

Сигурно дека мечот меѓу Барселона и Реал Мадрид оваа сезона дополнително ќе го привлече вниманието на љубителите на фудбалот од целиот свет бидејќи освен најдобрите фудбалери на планетата, екипите ќе ги водат најдобрите тренери, инаку освојувачи на последните две изданија од Лигата на шампионите, кои во своите кариери заедно имаат над 50 трофеи. Барселона се наоѓа во серија од четири победи против најголемиот ривал и се надева на петти триумф, нешто што досега не му успеало на каталонскиот клуб во меѓусебните дуели. Освен в сабота, недела и среда, Ел Класико никогаш порано не се играло во друг ден од неделата.

e aj nemozis po magareto udi po samarot....

Bravo Barsa...celosno go potopivte i posramivte Real...