Македонија со три екипи во купот на УЕФА

Европската фудбалска асоцијација-УЕФА денеска ја информира ФФМ дека Македонија во купот на УЕФА ќе биде претставена со три претставника.

Покрај второпласираниот тим во првенството и третопласираната екипа ќе учествува во ова елитно натпреварување, додека победникот на купот (или финалистот) ќе се пласира директно во второто квалификациско коло.

Шампионот на Првата македонска фудбалска лига ќе игра квалификации за Лигата на шампионите.

Украинците и Германците во 1/2 финалето на УЕФА

Две германски една против друга, Вердер - Хамбургер и две украински екипи меѓусебе, Динамо Киев - Шахтјор се полуфлиналните двојки од Уефа Купот...      По првиот меч ко заврши со 0:0 во Париз, Динамо рутинирано во Киев го совлада Пари Сен Жермен со 3:0 со погодоците на Бангура и на Вукојевиќ и со автоголот на гостинскиот голман Ландро.      Шахтјор со триумф и на Велодром од 2:1 го елиминираше Марсеј, иако и во Доњецк го совлада со 2:0. Гостинскиот успех беше во реализација на бразилцското дуо Фернандињо-Адријано, голот на Бен Арфа не е утеха за лидерот во француското првенство кој се збогува од ова натпреварување.      За двете германски екипи клучни беа домашните победи од 3:1. Хамбургер загуби од Манчестер Сити само со 2:1, со тоа единствениот англиски претставник во оваа фаза беше исфрлен од ова натпреварување. Најпрвин Хамбугер поведе со голот на Гереро, резултатот го свртија Елано од пенал и Саиседо, недоволно за полуфинале.      Вердер се извлече кај Удинезе, 3:3 иако Италијанците на полувреме имаа 3:1. За Удинезе погодија двапати Кваљарела и Инлер, Диего беше двоен стрелец за Вердер, конечниот резултат го постигна Пизаро за пласман на германците во 1/2 финалето од УЕФА Купот.      За прв пат Украина ќе добие финалист во УЕФА Купот. Тоа ќе биде одлучено од дуелот на ривалите Динамо Киев и Шахтјор.       Вердер и Хамбургер со меѓусебното полуфинале ќе и донесат 14-ти обид на Германија за седмиот трофеј. Последен пат Бундес-победник на Купот на УЕФА беше Шалке пред 12 години.

Изменето од fiks - 29.Април.2009 во 01:34

Триумф на Хамбургер, реми во Киев

Хамбургер со една нога е веќе во финалето на УЕФА-купот, а пресметката за пехарот во Истанбул му се насмевнува и на Шахтјор, по првите дуели од полуфиналето на купот на УЕФА.

Хамбургер со 1:0 славеше кај Вердер во Бремен, а Шахтјор се избори за реми 1:1 кај Динамо во Киев.

Шахтјор извлече одлично реми со постигнат гол на гости во Киев против Динамо, што го носи во подобра позиција за пласман во последното финале на УЕФА-купот.

На „Валери Лобановски“ стадионот, домашниот тренер Јури Семин се надеваше на првата победа во последните пет средби со украинскиот конк*рент, откако на средина од првото полувреме дефанзивецот на Шахтјор Дмитриј Чигрински си даде автогол.

Динамо пропушти неколку шанси за поголема предност, а казна за неефикасноста доби точно на средина од вториот дел, кога Фернандињо го постигна злато вредниот израмнувачки погодок.

Хамбургер му испорача слатка одмазда на омразениот регионален ривал за минатонеделната пенал-елиминација во полуфиналето на германскиот Куп.

Идентично, тимот на Мартин Јол вечерва возврати со успех на гостински терен, победувајќи го вердер на „Везер“ во Бремен со 1:0 со голот на Пјотр Троховски во 28. минута.

За пресврт во двомечот, екипата на Томас Шаф ќе мора да слави во реваншот во Хамбург.

Шахтјор ќе ја брка својата прва Евро титула

 

Тимот на Шахтјор е првиот финалист во Купот на Уефа по победата над Динмо Киев во првото 1/2 финале.

 

      Тоа претставува првиот тим кој ќе стигне до завршницата на Уефа Купот. Се очекуваше тврд натпревар со малку погодоци, но украинското 1/2 финале не беше такво. Гледавме добар меч кој возбудливата завршница го даде победникот, т.е Шахтјор на самиот крај дојде до 2:1.
      На самото отваранје на мечот нешто подобра игра понуди Динамо Киево, но многу брзо Шахтјор успеа да воспостави рамнотежа и од првата опасна ситуација пристигна водството. Во 17-тата минута кога Срдна сјајно нафрли во опасниот дел пред голот, по лошата реакција од страна на одбраната на Динамо искористи Жадсон со топовит удар од 15 метри ја испрати топката под пречката на немоќниот Богуш.
      Погодокот на Жадсон додатно ги ослаби и онака бледите обиди на гостите. Единствената шанса за гол во првиот дел Динамо Киев ја оствари во 38-та минута. Алијев од слободен удар упати остар центаршут во 16-тикот на Шахтјор, а Вукојевиќ ја подметна ногата и ја затреси мрежата на домаќините. Славјето на хрватскиот репрезентативец кратко траеше, затоа што судијата оправдно го поништи погодокот поради офсајд.
      Подобро отварање на 2-от дел Динамо Киев не можеше да посака, затоа што во 2-та минута од 2-от дел момците од Киев стигнаа до изедначуцање. Беше тоа мат од 3 потези. Милевски беше со грб свртен кон голот па затоа му подаде на Алијев, па тој му намести шанса на Бангура, која напаѓачот од Гвинеја рутински ја искористи за 1:1.
      Раниот погодок на Динамо прилично ги здрма момците на Луческу кој требаше 10 минути да го сврти мечот. Откако Шахтјор повторно ја превзеде инцијативата, додека Динамо пред се се ориентираше на одбрана на својот гол преку контранапади беше незгоден преку Бангура.
      Кога веќе се чинеше дека мечот ќе оди на продолженија, на сцената во 89-тата минута повторно на сцена стапија Шахјоровите бразилци. Вилиам ја нафрли топката на десната страна за Илсињо, а бразилецот со сјајен дриблинг го сломи Аил и ја пласира топката во спротивниот агол за големо славје на домаќините.

Се очекува последниот победник на Купот на УЕФА

Украинскиот Шахтјор и германскиот Вердер ја добија честа да го одиграат последниот натпревар во постоењето на Купот на УЕФА кое од идната сезона ќе се вика Лига на Европа. Ова натпреварување постои од 1955 година, но прво го носеше името Куп на саемски градови, а во 1971 година го смени името во Куп на УЕФА. Со цел да се зголеми атрактивноста на овој куп кој по формирањето на Лигата на шампионите комплетно падна во втор план, раководството на УЕФА одлучи да го смени форматот, па од есен во главната фаза ќе учествуваат 48 екипи поделени во 12 групи.

Двете екипи имаат големи мотиви да го освојат последниот трофеј во Купот на УЕФА. Шахтјор има шанса да стане првиот украински клуб со титула во ова натпреварување, додека Вердер може да го додаде овој пехар на оној од Купот на победниците на куповите од 1992 година. И двете екипи дојдоа до финалето откако сезоната ја почнаа во Лигата на шампионите и ова ќе биде трет случај во финалниот натпревар од Купот на УЕФА да се сретнат противници кои претходното играле во елитното европско натпреварување. Шахтјор и Вердер на патот до ова финале елиминираа голем број славни европски клубови. Украинците беа поуспешни од Тотенхем, ЦСКА Москва, Марсеј и Динамо Киев, додека Вердер ги елиминира Милан, С.Етјен, Удинезе и Хамбургер. Сепак, мала предност во финалето и покрај тоа што доаѓа од послаба лига има Шахтјор поради играчките проблеми со кои се соочува противникот. Тимот од Доњецк неодамна ги загуби шансите да ја освои титулата во домашниот шампионатот, но затоа има шанса сезоната да ја заврши со два трофеи: во Купот на Украина и во Купот на УЕФА.

Фудбалерите на Луческу можат да се пофалат дека се единствените кои оваа сезона ја совладале Барселона во европските купови и тоа во последното коло од фазата по групи кога Шахтјор славеше со 2:3 на Ноу Камп иако каталонскиот тим настапи со младинскиот состав. Луческу нема апсолутно никакви проблеми околу составувањето на екипата, бразилското трио Жадсон-Фернандињо-Луис Адриано се подготвени за настап, како и целиот тим на Шахтјор, кој сезонава се одликуваше со офанзивна игра.

"Во последните години квалитетот на украинскиот фудбал имаше голем напредок и затоа дојдоа и успесите на меѓународна сцена. Оваа сезона три екипи од Украина дојдоа до четврт-финалето на Купот на УЕФА, а еве имаме и претставник во големото финале. Заслуживме да бидеме овде и се надевам дека во Доњецк ќе се вратиме со трофејот", изјави 63-годишниот тренер на Шахтјор, Мирчеа Луческу.

"Многу ќе ни недостасува Диего во Истанбул, но не смееме поради тоа да се предадеме. Мислам дека за гледачите ќе биде најважно тоа што ќе видат добар фудбал затоа што двете екипи негуваат напаѓачка игра и веројатно ќе има многу голови. Ние игравме слабо во домашното првенство, но во Купот на УЕФА остваривме неколку добри резултати како онаа елиминација на Милан - тим кој беше најсериозен фаворит за титулата во Купот на УЕФА. Сега треба да ја земеме наградата за тоа", смета тренерот на Вердер, Томас Шаф.

Познавачите на фудбалот не ја исклучуваат можноста последниот победник на Купот на УЕФА да се добие по изведување пенали. Тоа би бил трет таков случај откако финалните натпревари се играат со еден натпревар. Прв победник на пенали беше Галатасарај против Арсенал во 2000 година, а Севиља пред две сезони го совлада Еспањол. Шахтјор и Вердер немаат големо искуство со пенали. Германците досега немале можност на овој начин да го решаваат победникот, додека Шахтјор само еднаш играл на пенали и тоа против Бриж во 2003 година кога загуби со 4:1.

ПАТОТ НА ШАХТЈОР ДО ФИНАЛЕТО

ЛИГА НА ШАМПИОНИ

16.09.2008 Базел - Шахтјор 1:2

01.10.2008 Шахтјор - Барселона 1:2

22.10.2008 Шахтјор - Спортинг 0:1

04.11.2008 Спортинг - Шахтјор 1:0

26.11.2008 Шахтјор - Базел 5:0

09.12.2009 Барселона - Шахтјор 2:3

КУП НА УЕФА

1/16-ФИНАЛЕ

19.02.2009 Шахтјор - Тотенхем 2:0

26.02.2009 Тотенхем - Шахтјор 1:1

1/8-ФИНАЛЕ

12.03.2009 ЦСКА - Шахтјор 1:0

19.03.2009 Шахтјор - ЦСКА 2:0

1/4-ФИНАЛЕ

09.04.2009 Шахтјор - Марсеј 2:0

16.04.2009 Марсеј - Шахтјор 1:2

1/2-ФИНАЛЕ

30.04.2009 Динамо К. - Шахтјор 1:1

07.05.2009 Шахтјор - Динамо К. 2:1

ПАТОТ НА ВЕРДЕР ДО ФИНАЛЕТО

ЛИГА НА ШАМПИОНИ

16.09.2008 Вердер - Анортозис 0:0

01.10.2008 Интер - Вердер 1:1

22.10.2008 Панатинаикос - Вердер 2:2

04.11.2008 Вердер - Панатинаикос 0:3

26.11.2008 Анортозис - Вердер 2:2

09.12.2008 Вердер - Интер 2:1

КУП НА УЕФА

1/16-ФИНАЛЕ

18.02.2009 Вердер - Милан 1:1

26.02.2009 Милан - Вердер 2:2

1/8-ФИНАЛЕ

12.03.2009 Вердер - С.Етјен 1:0

18.03.2009 С.Етјен - Вердер 2:2

1/4-ФИНАЛЕ

09.04.2009 Вердер - Удинезе 3:1

16.04.2009 Удинезе - Вердер 3:3

1/2-ФИНАЛЕ

30.04.2009 Вердер - Хамбургер 0:1

07.05.2009 Хамбургер - Вердер 2:3

*Шахтјор е основан во 1936 година како ФК Стакановец (според основачот Александар Стаканов), а десет години подоцна го смени името во ова кое го носи денес. Прекарот на клубот е "Рудари" поради тоа што Доњецк е рударски град, а и на логото го имаат рударскиот симбол - два вкрстени чекани. Ова е прво европско финале во историјата на клубот.

*Шахтјор освои четири Купа на СССР и дв пати заврши на второто место во првенството на поранешната држава. Во 1980 година го даде и најдобриот стрелец во шампионатот, Виталиј Старукин, кој постигна 26 гола и беше прогласен за играч на годината.

*Шахтјор е познат на просторите на поранешниот СССР по својата извонредна младинска школа. Оттаму излегоа екс-фудбалерот на Манчестер Јунајтед, Андриј Канчелскис, потоа некогашниот капитен на руската репрезентација Виктор Онопко, како и големиот талент Сергеј Ребров, кој заедно со Шевченко во 1999 година го однесоа Динамо Киев до полуфиналето на Лигата на шампионите.

*Вердер е формиран во 1899 година како ФВ Вердер. Во 1920 името е сменето во СВ Вердер Бремен и само една сезона поминал надвор од Бундес-лигата, и тоа 1963/64.

*Вердер е познат по големите, речиси неверојатни, пресврти на домашен терен во европските натпреварувања. Во сеќавањата се уште се четири натпревари кои се наречени "чудата од Весер":

1. Во сезоната 1987/88 во Купот на УЕФА загуби на гости од Спартак Москва со 4:1 на гости на првиот меч, но дома победи со 6:2.

2. Во 1988/89 во КЕШ беше поразен од Динамо Берлин со 3:0 како гостин, но на Весер славеше со 5:0.

3. Во сезоната 1993/94 во втората сезона од Лигата на шампионите губеше од Андерлехт со 3:0, но победи 5:3.

4. Во сезоната 1999/00 во третото коло од Купот на УЕФА загуби од Лион на гости со 3:0, а дома славеше со 4:0.

*Таткото на Месут Озил, Мустафа, и мајка му Зонгулдак се од Турција каде вечерва ќе се игра финалето. Мустафа имал само две години кога неговите родители се преселиле во Германија, па Месут Озил има германско државјанство и настапува за репрезентацијата на оваа земја.

ФИНАЛИСТИТЕ НИЗ КУПОТ НА УЕФА

ШАХТЈОР

Одиграни натпревари 52

Биланс 25-8-19

Гол-разлика 71:68

Најубедлива победа Биркиркара - Шахтјор 0:4

Најубедлив пораз Австрија - Шахтјор 5:1

ВЕРДЕР

Одиграни натпревари 86

Биланс 38-21-27

Гол-разлика 165:105

Најубедлива победа Вердер - Металург Д. 8:0

Најубедлив пораз Бордо - Вердер 4:1

КУПОТ НА УЕФА НИЗ БРОЈКИ

НАЈМНОГУ ТИТУЛИ

3 Интер (1991, 1994, 1998)

3 Јувентус (1977, 1990, 1993)

3 Ливерпул (1972, 1976, 2001)

ИГРАЧИ СО НАЈМНОГУ ТИТУЛИ

3 Реј Клеменс (Ливерпул и Тотенхем)

3 Џузепе Бергоми (Интер)

3 Никола Берти (Интер)

ТРЕНЕРИ СО НАЈМНОГУ ТИТУЛИ

3 Џовани Трапатони (Јувентус)

2 Хуанде Рамос (Севиља)


ЗЕМЈИ СО НАЈМНОГУ ТИТУЛИ

9 Италија

6 Англија, Германија

5 Шпанија

ИГРАЧИ СО НАЈМНОГУ НАТПРЕВАРИ

96 Џузепе Бергоми (Интер)

76 Франк Рост (Вердер, Шалке, Хамбургер)

69 Енцо Шифо (Андерлехт, Интер, Бордо, Оксер, Торино, Монако)

НАЈМНОГУ ПОСТИГНАТИ ГОЛОВИ

37 Хенрик Ларсон (Феенорд, Селтик, Хелсингборг)

29 Дитер Милер (Келн, Штутгарт, Бордо)

27 Шота Арвеладѕе (Динамо Тбилиси, Трабзон, Ајакс, Ренџерс, АЗ Алкмар)

НАЈМНОГУ ГОЛОВИ ВО ЕДНА СЕЗОНА

15 Јирген Клинсман (Баерн 1996)

14 Џон Ворк (Ипсвич 1982)

12 Дерлеи (Порто 2003)

nemase potreba da odat do prodolzenija...vo tekot na celiot natprevar Shahtjor imaa poveke sansi i bukvalno gi nadigraa i ja iskoristija prednosta sto klucnite napagaci na Verder ne igraa....

Европска лига квалификации

1 КОЛО КВАЛИФИКАЦИИ			02/07/2009	09/07/2009
	Agg		Прв натпревар	Втор натпревар
Олимпи	4 - 0	Б36	2 - 0	2 - 0
Анартозис	7 - 1	Каерјенг	5 - 0	2 - 1
Славен Белупо	1 - 0	Биркиркара	1 - 0	0 - 0
Зимбру	3 - 2	Окзетепес	1 - 2	2 - 0
Лисбурн	1 - 11	Застафони	1 - 5	0 - 6
Хелсингборг	4 - 2	МИКА	3 - 1	1 - 1
Валета	5 - 2	Кафлавик	3 - 0	2 - 2
Динабург	2 - 1	Номе Калју	2 - 1	0 - 0
Транс	1 - 6	Рудар Велење	0 - 3	1 - 3
Мадервел	3 - 1	Ланели	0 - 1	3 - 0
Банантс	1 - 2	Широки Брег	0 - 2	1 - 0
Спартак Трнава	5 - 2	Интер Баки	2 - 1	3 - 1
Динамо Минск	3 - 2	Ренова	2 - 1	1 - 1
Рандерс	7 - 0	Линфилд	4 - 0	3 - 0
Симург	0 - 4	Бнеи Јехуда	0 - 1	0 - 3
Фрам	4 - 2	ТНС	2 - 1	2 - 1
Сутијеска	2 - 3	МТЗ РИПО (aet)	1 - 1	1 - 2
Лахти	4 - 3	Динамо Тирана	4 - 1	0 - 2
Гревнмачер	0 - 6	Ветра	0 - 3	0 - 3
НСИ	1 - 6	Розенборг	0 - 3	1 - 3
Халадас(ag)	2 - 2	Иртиш	1 - 0	1 - 2
Слиго	2 - 3	Влазниа	1 - 2	1 - 1
Будичност	1 - 2	Полонија	0 - 2	1 - 0