Семејно насилство

Добро е да се знае дека жртвите на семејното насилство имаат каде да се обратат ,кога ке соберат доволно храброст да го напуштат својот дом.

Помош за жртвите на семејно насилство во скопскиот Центар за социјална работа

Кога топлиот дом станува пекол

Советувалиштето ќе нуди директна психосоцијална поддршка за сите жртви и помош во доменот на превенцијата, советувањето и кризната или посттрауматската интервенција


Повеќе од една деценија 32-годишната Н.Н. живее во вистински пекол, секојдневно трпејќи ја невидената тортурата на сопругот алкохоличар. На почетокот молкум ги криела модринките и на телото и во душата мислејќи дека сето тоа е минливо. Потоа обичните шлаканици преминале во ќотек до изнемоштеност, имало и скршеници, но, кога тој почнал да ги тепа и децата, почнала да размислува да го напушти. Слушнала дека постојат институции кои им помагаат на жртвите на семејно насилство и таа сега со нивна помош се обидува да најде вистинско решение за својот проблем.
Н.Н. е една од 614 новоевидентирани случаи жртви во 2008 година, од кои 528 се жени, 17 деца, а 69 жртви се припадници на посилниот пол. Според статистиките, секоја втора жена во Македонија е жртва на психолошко, секоја петта на физичко, а секоја десетта на сексуално насилство.
Сите тие најчесто бараат помош во Центрите за социјална работа на Министерството за труд и социјална политика кое има воспоставено и мрежа на засолништа за заштита и згрижување на жртвите во Скопје, Куманово, Битола Охрид, Струмица и Кочани.
Од вчера, пак, во просториите на Меѓуопштинскиот центар за социјална работа на Град Скопје почна да функционира и првото Советувалиште за работа со жртви на семејно насилство кое ресорното Министерство го отвори во партнерство со Здружението за еманципација, солидарност и еднаквост на жените ЕСЕ и со финансиска поддршка на Министерството за социјална работа на Австрија.

На отворањето, министерот Џељаљ Бајрами истакна дека Советувалиштето ќе нуди директна психосоцијална поддршка за сите жртви и помош во доменот на превенцијата, советувањето и кризната или посттрауматската интервенција.
- Ова е еден значаен чекор во превенцијата и заштитата на жртвите на семејното насилство. Од денеска тие ќе имаат на располагање стручен тим кој ќе работи со нив индивидуално и групно, рече Бајрами.
Австрискиот амбасадор во Македонија Алојз Краут истакна дека австрискиот закон за семејно насилство се смета како еден од најдобрите во ЕУ и дека претставува одличен пример за соработка меѓу Владата на Австрија и невладините организации.
Јасмина Фришчиќ од ЕСЕ најави дека советувалиштето ќе работи по четири часа секој ден од понеделник до петок.
Отворањето на Советувалиштето е во рамки на реализацијата на активностите од Националната стратегија за заштита од семејно насилство 2008-2011

 

Маж ја истрижал и ја истепал сопругата

Средновечен скопјанец си ја претепал својата сопруга а потоа и ја истрижал косата, за што вчера бил кривично пријавен од полицијата

Средновечен скопјанец си ја претепал својата сопруга а потоа и ја истрижал косата, за што вчера бил кривично пријавен од полицијата. Инцидентот се случил на почетокот на овој месец, во семејниот дом на сопружниците на улицата "Босна и Херцеговина", во Скопје. Тогаш избила расправија во домот на скопјаните, сопругот ја претепал жената а потоа заканувајќи и се дека ќе ја убие зел ножици и и ја истрижал косата. Извесно време по семејната трагедија жената заминала в болница, каде скопските лекари и констатирале скршеница на левата надлактица. Оттаму по санацијата на повредите, жената случајот го пријавила во најблиската полициска станица. Ова е само една од сликите кои се секојдневие во македонските семејства. Убиства, тепања, силувања и закани со оружје не се само сцени од филм туку реалност и бројки што се во пораст, што го прави семејното насилство да претставува проблем со кој се соочуваат сите општества, вклучително и македонското.

Во последнава година бројките покажуваат дека се бележи тренд на опаѓање на бројот на поплаки, но зголемување на бројот на кривични пријави, што покажува дека конечно свеста за постоење на семејното насилство расте и граѓаните стануваат свесни за инструментите кои им стојат на располагање, а жртвите свесни за методите и можностите за нивна заштита, објаснуваат од МВР.

Експертите велат дека домашното насилство има големо влијание врз развојот на децата што можеби самите и не биле физички малтретирани, но биле сведоци на насилно однесување помеѓу родителите. Според статистичките податоци, дури во 70 отсто од случаите децата биле сведоци на насилство. Како жртви на семејното насилство најчесто се јавуваат сопругите, а полицијата во првото полугодие регистрирала 686 такви случаи. Во 538 случаи жртви биле родители, а настрадале и 259 деца. Четири малолетници биле жртви на малтретирање и запуштање, а други десет биле одземени од еден од родителите.

Според резултатите од децениското истражување на семејното насилство во земјава, дури 86 отсто од насилниците биле мажи, а само 14 отсто жени.
Во половина од случаите насилниците биле алкохоличари, а една третина од жртвите биле на возраст од 25 до 35 години. Невработените жени биле изложени на насилство почесто отколку вработените, а 44 отсто од жртвите биле во брак. Неретко семејното насилство може да кулминира со убиство на насилникот од страна на жртвата. Според министерството за труд и социјална политика, кампањата бара заедничка акција на сите релевантни фактори во рамките на државите и владите што мора да го откријат, спречат и казнат секој случај на насилство, бидејќи според статистиката, во Европа секоја четврта жена била барем еднаш претепана, секоја 10-та силувана, а многу не ги преживеале насилствата.

Како додаток

Откога случајот бил пријавен во полиција, педофилот бил пронајден и уапсен. Според податоците на Министерство за внатрешни работи, секоја недела во Македонија се пријавувааат еден до два случаи на сексуална злоупотреба на деца и млади. Македонија ја промени законската регулатива и максималната казна сега е доживотен затвор. Изречени се повеќе казни од 15 години затвор, а максималната казна е доживотен затвор ако станува збор за сексуална злоупотреба извршена на свиреп начин со тешки физички и психички последици. Казните во европските земји се ригорозни.

Данска донесе закон за хемиска кастрација на лица кои сексуално злоставувале деца и млади, а обиди за донесување на овој закон има и во Полска и Хрватска. Во Македонија се почесто се откриваат случаи на педофилија, односно сексуална злоупотреба на деца до 14 годишна возраст. Многу често децата не зборуваат за сексуалната злоупотреба затоа што добиваат закани од педофилот или пак имаат чувство на вина. Децата, жртви на педофилија, имаат трауми што многу тешко се надминуваат.

 

  Уште една причина повеќе, да се запрашам ...има ли Бог ??? Го гледа ли тој сево ова ??? Ако не можат ова да го средат институциите, барем  ТОЈ нека им пресуди на ваквите ,,изроди,,