Неажурнoст на државните институции

Педесет и четири годишниот, Исен Бајрами, поранешен работник на дебарската гипсара, со инвалидска количка, го продолжува две годишното патешествие. По прележан мозочен удар, и многу други болести кои го надвасале, попусто се обидува соодветната комисија во Фондот за ПИОМ да ја согледа неговата реална здравствена и работна способност.

Откако го добил последното решение доставил жалба до второстепена владина комисија, но разочаран во правичноста на институциите кај него не постои надеж за позитивен одговор. Ќе има ли правда се прашува и неговата сопруга Софка, која се грижи за четиричленото семејството, во кое е и малата внука од прерано почината ќерка.

Добиваме социјална помош и помош и нега од друго лице, додава Софка но повеќето одат на купување лекови.

Во дебарската подрачна единица на Фондот добро го знаат случајот на Исен, но, додаваат оти тоа не е во нивна надлежност Првиот пат комисијата, според нив го одбила поради незавршено лекување и му препорачала физикална терапија а со последното решение во образложението стоело дека тој е способен за работа. Доколку навистина е така, тогаш останува отворено прашањето, по кој основ семејството Бајрами го остварило правото на помош и нега од друго лице, токму за Исен и колку има веродостојност во лекарските извештаи.