После разделба...пријатели?

Досега самото пријателство меѓу маж и жена предизвикува бројни полемики и сомнежи, а како е тогаш со пријателството меѓу поранешни љубовници? Можат ли две личности после љубовна врска да бидат пријатели? Престанува ли сексуалната привлечност, и дали останува чиста, пријателска љубов?



Ќе се сложите – тешко е да се каже. Зависи од случај до случај. Но дали е воопшто можно? Често после раскинувањето, поранешните партнери имаат потреба да останат пријатели. Ги врзуваат спомени, а и меѓу другото и понатаму имате емоции кон та личност. Сепак, многу парови со право ќе кажат дека пријателството после љубовна врска е чекорење по работ на провалија. Зашто? Затоа што многу ретко односите завршуваат на обострана желба. Едната личност и понатаму има чувство кон другата, но кога тогаш тоа не сакаме да си го признаеме. Тоа докажуваат и следните неколку примери.

“Пријателството за мене на некој начин е многу подлабоко и поинтимно од љубовна врска, затоа што во него нема ирационалност како кај љубовните врски. Нема потреба за силно размислување, нема условување и сите оние човекови потреби, потсвесни борби и слично. Да, имам една поранешна девојка која ја сметам за најквалитетна личност на светот, за жал јас не неа повеќе не можев да и го дадам она што и беше потребно, па ставив точка на таа врска. Страдав поради тоа со месеци, но за жал мислам дека она пати се уште, иако сега сме само пријатели.“

Пријатели? Иако има добар вовед, момчето сепак на крајот открива дека неговиот однос со поранешната девојка не може да се нарече пријателство.

“Мене токму поради минатото кое го делиме ми е драго ако останеме пријатели. Тоа момче ме знае подобро од било кого, и физички и психички. Ако сме биле долго време заедно тогаш на некој начин ми бил најдобар пријател и би било убаво да можам на него да му се јавам во 2 наутро ако ме боли коленото, затоа што ќе знае да изреагира како што треба, како вистински пријател...Само што работата е во тоа што тој фамозен секс ќе треба да се избегне после врска, во спротивно се паѓа во вода. Затоа што ако имаме секс после раскинувањето, тешко дека ќе останеме во добри односи. Ќе имаме секс додека некој од нас не најде некој друг и готово. Ако немаме секс, тогаш имаме добри шанси да одиме на нормално кафе, да разговараме и да развиеме добро пријателски односи.“

Ок, оваа верзија е нешто подобра, но – без искуство. Убаво е да се теоретизира, но работите се малку поинакви во пракса. Како што девојката сама вели, сексот е голем проблем. Може да се продолжи со негово ’консумирање’ и после раскинувањето. Но и без тоа, тешко е да се поверува дека поранешни љубовници може да останат прави вистински пријатели. Додека не не’ убеди некој во спротивното, заклучуваме дека: Љубовници некогаш – пријатели никогаш.