Изградба на црква на плоштад Македонија?

   Е ова се вика убаво кажано
Владата конечно реши да признае дека буџетот за годинава бил преамбициозен и дека буџетските расходи мора да се приспособат, односно дека мора да се штеди. Среќна околност е што изборите за локалните и за претседателските избори не беа кон крајот на годината бидејќи граѓаните, а пред се стопанствениците можеби ќе требаше дотогаш да чекаат Владата да усвои ребаланс на буџетот и да ги најави толку долго очекуваните антикризни мерки. Рака на срце, партиите од власта покажаа дека се вешти политички играчи. Така, во предизборието јавноста се изнагледа сцени со насмеани министри и функционери од понискиот ешалон на власта. Тие пресекоа еден врзоп црвени ленти и фрлија дузина лопати полни со земја при поставувањето на темелите на нови спортски игралишта, на нови згради и на какви уште не нови ветени објекти. Во тој период, во Македонија немаше економска криза, а замрзнување на платите во стоилјадната администрација не доаѓаше предвид. И така сè до Велигден, односно до последниот круг од изборниот процес. Првиот работен ден по празниците, Владата јавно во полн состав и како ништо да не било соопшти дека се замрзнуваат платите во администрацијата и дека за да се штеди се одлагаат повеќе капитални расходи или дека нема пари за набавка на автобуси, за изградба на игралишта, на филхармонија, на стадионот или на градби вредни безмалку 90 милиони евра. Намалувањето на расходите во буџетот со ребалансот изнесува 173 милиони евра. Владата и пред изборите добро знаеше дека буџетот е преамбициозен и дека овие непродуктивни или нестопански проекти мора да се одложат. Меѓутоа, политичарите не би биле политичари доколку не се способни јавно да лажат кога станува збор за жетва на гласачи. Се разбира ова не е ниту прв, ниту последен пат да се избегнува вистината за време на избори. Го правеле тоа и други владејачки гарнитури на поранешни избори. 

Како и да е, останува еден проект што Владата решила упорно да го тера, па и по цена утре да биде предмет на уривање. Владата нема намера да штеди на изградбата на црква на плоштадот Македонија во Скопје. 

Без да се навлегува во прашањето дали овој објект ги задоволува урбанистичките критериуми и дали некој сака или не сака црква на плоштадот, станува збор за класичен нестопански проект, кој нема никаква врска со економската криза. Да одеа функционерите од Владата наутро на работа со автобусите на Јавното сообраќајно претпријатие или во доцните вечерни часови да се враќаа од работа со полноќната „2-ка“ или полноќната „7-ка“, ќе беа поинакви луѓе. Тие ќе имаа поинакви ставови за трошењето на буџетските пари дури и ако на работа одеа со велосипед како што тоа го прават многу политичари од западниот свет. Ќе имаа чувство дека граѓаните (пешачи, велосипедисти, гласачи) заслужуваат нови автобуси, без разлика дали биле еднокатни или двокатни и дополнително ќе имаа чувство дека тие не сакаат да дишат смог од старите автобуси-нафташи. Со инсистирањето итно да се изгради црква на плоштадот само ќе се потрошат пари за идеолошки цели и можеби ќе им се овозможи на православните бизнисмени да се молат за подобри економски времиња. Уште повеќе, Владата поради инает, ризикува да почне изградба на црквата и потоа објектот да биде предмет на уривање бидејќи пред Уставниот суд веќе има иницијатива за оспорувањето на изградба на верски објект со државни пари. Кој ќе биде потоа виновен што парите отишле во ветер: Владата зашто не почекала со изградбата на црквата или Уставниот суд зашто пресудил неуставност? 

Извор..... Нова Македонија

Прашање: Дали сте за нова црква со работен наслов “Св. Никола“ на плоштадот?
Одговор	Гласови	Статистика
Да	49	[25,79%]
Не	140	[73,68%]
Немам свое мислење	1	[0,53%]
Не може да гласате на оваа анкета

Внеси реплика	страница <1 63 646566 67 114 >
Tweet