Кафе

Kafeto nekako vo posledno vreme go namaliv od 7-8 kafinja ,na 3

За Турците кои се страствени пушачи, бидејќи пушат околу 60 отсто од населението, многумина мислат дека се најголеми консументи на кафе во Европа, бидејќи цигарите и кафето се неразделни во навиките на тој народ, но тоа не е точно.

Не се во право ниту тие кои сметаат дека најмногу кафе пијат Италијанците, големи љубители на „еспресо“ и други видови на кафе.

Истражувањето на водечките светски марки на кафе и чај „Илија“ и „Липтон“ всушност покажа дека најголемите консументи на кафе се на Стариот континент - Финците. Ова е изненадување за многу Европјани, но тоа е така.

Меѓутоа, ова не е единствен неочекуван показател кога се работи за склоностите и навиките на европските нации кон чајот и кафето, кои, глобално гледано тие се најчести пијалаци кои се консумираат не само во Европа.

Можеби и поголемо изненадување од податокот дека Финците се најголеми консументи на кафе, претставува сознанието дека Британците не се на врвот на листата на најголеми консументи на чај.

По истражувањето, оваа „титула“ припадна на Турците.

Статистиката на двете познати фирми, која се објави овие денови, вели дека просечен Финец годишно троши 12 килограми кафе, т.е. еден килограм месечно. Тоа е двојно повеќе од потрошувачката на кафе во Италија, чии жители ги следи стереотипот дека многу често уживаат во консумирањето на различни видови на кафе, и тоа од најдобар вид.

Секако, интересно е дека од досегашното мислење, многу повеќе кафе пијат и Норвежаните и Данците кои се блиску до врвот на листата, на кој се најдоа нивните соседи Финците.

- Начинот на подготвување на кафето е многу различен во европските држави, како и времето кога најмногу се пие, изјави Џакомо Бовиани, од италијанската фирма „Илија“. На медитеранците повеќе им годи концентрирано „еспресо“, во кое на прво место се Италијанците според неговото консумирање, кои за една година, судејќи според статистиката, пијат 14 милијарди шољички кафе.

Турците, како и многу други Балканци, пијат „силно“ кафе, т.е. мешавина многу погуста од кафето што го пијат Нордијците. Нордијците исто така, кафето го мешаат со млеко, што на пример не е честа пракса кај Италијанците или Грците. Кога се работи за чајот, тој, идејќи од север кон југ е се посладок или послаб.

Во Велика Британија кесичка чај обично тежи три грама, кај Французите е полесна за еден грам, а кај Италијанците грам и половина, соопшти претставник на компанијата „Липтон“. Британците и Ирците имаат и навика често да ставаат млеко во чајот.

Во земјите на југот и истокот во Европа, како што се Русија, Турција и Италија на чаевите по правило се додава сок од лимон. По Турција, која е рекордер, најдобар национален просек по потрошувачка на чај има Ирска, додека Велика Британија е дури на третото место.