Груевски и ВМРО-ДПМНЕ пред тотален колапс?

orlov напиша: [QUOTE=mamamd] Ајде сега гледајте како полека ВМРО ќе ја растура ептен широката коалција. Сега не и е потребна. Сега коалицијата само ќе и е од штета. Сега ќе бара возврат. Ама затоа Грујо на брзина ќе ја растури и ете ни го распуштањето на Парламентот и вонредни парламентарни избори.

По неуспехот на изборите, ДУИ ќе бара нов договор со премиерот Никола Груевски околу клучните прашања, односно редефинирање на досегашните односи затоа што, во спротивно, и се заканува натамошно тонење, тврдат партиски функционери. Според нив, по завршувањето на изборите ќе се разгледуваат спорните прашања во коалицијата и „жртвата“, која, според нивна оцена, ја поднеле поради јавната поддршка на претседателскиот кандидат на ВМРО-ДПМНЕ. ДУИ уште пред изборите, преку некои од своите функционери, сигнализираше дека е незадоволна од односите во коалицијата. Сепак, во партијата велат дека се уште е рано да се зборува за следните потези затоа што партиските тела се уште не направиле анализи на изборните резултати. И политичките аналитичари се согласуваат дека редефинирањето на односите со Груевски е неминовност за партијата на Ахмети. - ДУИ се чувствува загрозена. Искуството покажа дека партијата на Албанците што ќе го загуби Полог подоцна станува маргинална. Од друга страна, Груевски постојано презема чекори со кои ја ослабнува ДУИ и тие го чувствуваат тоа. Токму неснаодливоста и инфериорноста во односот со Груевски, но и недостигот од внатрешни реформи во партијата е причина за лошиот резултат на ДУИ - вели политичкиот аналитичар Мерсел Биљали. Тој смета дека ДУИ, и покрај слабиот резултат, може рамноправно да преговара со Груевски затоа што другите политички партии од албанскиот блок немаат интерес да влезат во некаква нова изменета коалиција. Доколку не дојде до сериозни промени во коалицијата, прогнозира Биљали, ДУИ може политички да не преживее ни до следната есен. - Реконструкцијата е едно од решенијата, но тешко дека Нова демократија или ДПА ќе влезат во владата. Не верувам дека Селмани би прифатил сега да влезе во владата затоа што тоа би било самоубиство за неговата нова партија. Тој и во своите изјави нагласува дека ќе чека нови избори. Ниту ДПА не би влегла во владата на Груевски, поради нарушените односи со него, а и затоа што со тоа би згазнале врз победата во Тетово, која беше извојувана со кампања сосема спротивна од ставовите на Груевски - објаснува Биљали. И политичкиот аналитичар Ризван Сулејмани очекува ДУИ по изборите да го наметне прашањето за нови релации со ВМРО-ДПМНЕ. Според него, ДУИ, и покрај поразите во Тетово и во Гостивар, се уште е партија со најголем легитимитет кај Албанците и прашање на вештината е како ќе ја искористи својата позиција. - ДУИ по изборите мора да го смени својот однос кон клучните прашања и тоа јасно да му го соопшти на Груевски. Албанските политичари и премиерот треба да сфатат дека албанскиот гласач им порача оти немаат мандат да зборуваат за покрупните прашања на овој начин. И апстиненцијата е начин на изразување на волјата - објаснува Сулејмани. Според него, ниту ДПА ниту ДУИ сега немаат легитимитет да дебатираат на лидерските средби ако не го сменат пристапот. - Треба да се отвори интеретнички дијалог кај Албанците и да се дефинира како да се продолжи по ваквиот начин на гласање на Албанците. И ДУИ сега мора да седне со Груевски и да му каже дека нема повеќе да тоне поради поддршката на неговите ставови - објаснува Сулејмани. Аналитичарот Ким Мехмети смета дека ДУИ ќе мора да ја сфати пораката од гласачите, доколку сака да опстане на политичката сцена. - Албанците на ДУИ и испратија порака дека не сакаат таа да коалицира со партија што води антиалбанска политика. Тие не им дадоа легитимитет за таква коалиција и нешто мора да се промени - смета Мехмети.