Саем на книгата

EСЕНСКИ САЕМ НА КНИГАТА ВО ОРГАНИЗАЦИЈА НА „ФЕНИКС“

Издавачката куќа „Феникс“ од утре до 20 ноември организира Есенски саем на книгата.

Саемот ќе се одржува во трите книжарници на „Феникс“ во Скопје, како и во над 50 книжарници, домови на култура и библиотеки во Скопје и Македонија.

Како што најавуваат од „Феникс“, саемскиот попуст на книгите ќе биде 30-80 насто, а сите посетители на Саемот ќе добијат и бесплатни ВИП картички за попуст во текот на целата година.

Меѓу книгите кои ќе бидат презентирани на саемската манифестација се и „Тајни“ и „Подарок“ од Даниела Стил, „Сликата на Доријан Греј“ од Оскар Вајлд, „Лажна свршеница“ и „Опасна желба“ од Аманда Квик, „Корзиканско писмо“ од Роберт Ладлам, „Слободна како ветер“ од Мари Луиз Фишер, „Која игра ја играш“ од Ерик Берн, „Принцезата Султана“ од Џин Сасон, „Сексот и градот“ од Кендас Бушнел, „Хобитот“ од Толкин, „Дванаесеттиот ангел“ од Ог Мандино, „Нарцис и Златоуст“ од Херман Хесе, „Дневникот на мотоциклистот“ од Ернесто Че Гевара, „Моќта е во вас“ и „Живот“ од Лујза Хеј, „Страст“ од Барбара де Анџелис, „Прирачник за менаџери“ од Ефраим Кишон, „Трговец за една минута“ од Спенсер Џонсон, „Елеганција“ од Кетлин Тесаро, „Љубовта трае три години“ од Фредерик Бегбеде и други.

Во рамките на Саемот ќе започне со работа и новоотворениот Клуб на книгата во кој ќе се одржуваат промоции на нови книги, трибини и средби со писатели.

Од 8 до 14 април, љубителите на пишаниот збор ќе можат да го посетат 21 издание на ,,Меѓународниот саем на книгата‘‘. Книга 2009, ќе се одржува во посебно уредениот атрактивен простор на првата хала во Метрополис Арена.Се очекува овој саем да биде еден од најпосетените саемски манифестации кај нас, на која домашните и странските издавачки куќи ќе се претстават со голем број на најнови изданија, промоции, вечери на литературни читања, пригодни изложби.