ЦРКОВНИ ПРОТЕСТИ???

Odlicno brate pravoveren!

No kako bi poglednale vo oci na vistinata!

Koga samite se protiv Vistinata!

Евангелист - ова ми звучи како: Едноумието заврши - да живее Едноумието!

Секој настан во Македонија, секој проблем, секоја ситуација, буквално се - се прави по старата добро испробана домашна рецепта наречена "Турлитава"!

Заклучок од целава случка е дека ниту некој знае зошто точно се протестираше, ниту некој знае зошто точно се контра-протестираше. Аргументите и на двете страни се неиздржани и во голема мера лажни. Ни едната ни другата страна не наоѓаат доволно сила, доблест, убеденост, за да ги искажат своите ставови јасно, да ги критикуваат негативните елементи (од двете страни) и уште помалку, да дозволат другиот (да не речам противникот) да се искаже, да се изјасни, да дојде до збор.

Ако во неделата излезеа "студентите" (интересна формулација - 90% од нив не се) и беа оставени мирно да стојат со табли во раце на плоштадот, денес немаше муабет да правиме за нив. Зошто? Затоа што 50-тина луѓе со транспаренти на улица се жална и доста небитна глетка, а не фактор за кој треба да се дискутира веќе трет ден.
Ако следниот ден излезеа приврзаниците на идејата да се гради црква и со молитва, со песни и со бројност ја искажеа таа своја желба - ќе беше јасно дека не е тоа само план и желба на владата, туку на многу граѓани на Скопје, кои сакаат на тоа место да има храм.

Но... Првите - мораа да го направат тоа овој викенд, за да биде точно меѓу избори и за да докажат како власта е тоталитарна, недемократска и се што оди во тој кош... Мораше да го направат на начин кој е доста апсурден, затоа што мислам дека вчера и денес на интернет има десетократно повеќе блог постови и написи по странски блогови (многу важно!), отколку што имаше присутни на протестот.
Вторите - мораа со сила да докажат дека ако треба ќе умрат за Македонија, па макар и на сред Скопје, без никој да им се заканува, и ако треба до последен здив ќе го бранат Православието, па макар и ако треба со грев и со анти-православни методи. Со тоа - само ги оцрнија оние кои навистина сакаат таму да има Храм, и кои се вистински Христољупци.

Интересно е што никој во целава ситуација не ги спомнува вистинските демократски методи со кои се решава една ваква ситуација - Референдум! Многу едноставно. Владата предлага проект, уставниот суд се согласува со него (по поднесената тужба), останува само граѓаните, на кои навистина им смета идејата да спроведат референдум. Резултатите на референдумот се обврзувачки за власта.
Интересно - иако неколкумина од организаторите на протестот имаат дипломирано од областа на политичките науки (нели требаше архитекти, ама нејсе) - никој од нив не ни спомнува референдум, ни за лек.
Што значи - се враќаме на излитените методи од 1997-ма година, кои партијата која сега е на власт ги применуваше против партијата која тогаш беше на власт, а сега протестира, апсолутно некоректно вовлекувајќи во тоа невини луѓе кои навистина се грижат за идеите кои ги застапуваат.

И навистина сум згрозен од односот на многумина православни... проштевајте браќа - но како и секогаш, ќе си го кажам мојот став.
Што ако се одржа протест против Храмот? Што ако има луѓе кои се противат на таа идеја? Дали тоа ќе ви ја наруши верата? Дали тоа ќе ви ја наруши убеденоста во исправноста на вашата вера? Дали тоа ќе ве воведе во искушение? Дали толку тивка е во вас верата за да морате на глас да ја браните пред другите?!
Нека помине уште некој ден, нека се оладат страстите и искушенијата на лукавиот... помолете се во мир и во тишина... и можеби ќе разберете зошто ова го велам.

Со почит,
Зидарски

Интересен феномен.

Тепачите на плоштад не се достојни да бидат членови на ВМРО-ДПМНЕ рече денес нивниот портпарол.




Изменето од Dogi - 31.Март.2009 во 01:59

Васкапраска - дали виде некој поп да истепа некого на плоштадот?! Или некој верник кој бил таму на молитва, да истепа некого?!
Или е поважно да се плука на МПЦ, по секоја цена?!

Аладин - што значи црковен протест?!

МПЦ уште вчера излезе со критика на настаните.
Екскомуникацијата не е првата мерка, туку последната која се применува кај грешниците. Првин им се укажува на грешките и им се дава можност да се покаат.

zidarski напиша: МПЦ уште вчера излезе со критика на настаните. Екскомуникацијата не е првата мерка, туку последната која се применува кај грешниците. Првин им се укажува на грешките и им се дава можност да се покаат.

Не со критика. Со фалба на настанатите.

Како што стои во извештајот од МПЦ, верниот народ се вооружил со крстови.

Повторно, една партија покажува поголемо чувство за морал и етика од МПЦ. Не дека партијата е нешто супер, напротив. Ама со ова е јасно на кое ниво е културата на МПЦ, кога партиите се поморални од нив.

sunshine_baby напиша: Луѓето кои стоеа на плоштад со транспаренти НЕ ГО СИЛУВАЈТЕ СКОПЈЕ! беа,секако и се сеуште се студенти на архитектонскиот факултет.Ликовите кои дополнително се спомнуваат и се врзуваат со политика немаат никаква врска со сето ова,освен во едниот случај кој подоцна ќе го кажам.Ќерката на Исмаил нема никаква врска со ова,момчето и неговите пријатели кои го организираа ова лично го познавам.Не знам зошто се крена толкава прашина околу тоа што некој сакаше да го искористи своето демократско,со устав загарантирано право да го искаже своето мислење и револт и да организира мирен протест.За срамота!Не се работи за неверници,пагани,ниту било какво богохулие,напротив сите од нив се воспитани во христијанскиот дух и ја негуваат својата традиција.Не зборам на памет,ги познавам лично.По својата вокација се архитекти нели,многу подобро знаат што е подобро за градот кој пошто-зашто од ден на ден се полни со непотребни објекти на сите страни отколку обичниот граѓанин и заслепениот верник. Точно е дека во многу светски метрополи има големи катедрали на плоштадите,но да се разбереме,тоа се КАТЕДРАЛИ,а не манастирчиња како она што би требало да никне на плоштадот.Ме провоцира и фактот што и онака плоштадот е во минимални рамки,па уште фали некое дополнителен објект кој ќе го смали,а да не правиме муабет што и тоа тро ветренце што знае да продувка низ процепине меѓу зградите ќе го снема,па ќе можеме комотно да се молиме во манастирчето за грст воздух.И кажете ми кој е тој морал,влагате во продавница за долна облека,влегувате подоцна во црква за да излезете и влезете во Дал мет фу на ѓезме. Си имаме голема црква,има преку камени мост црква,има новоизградена Богородица исто,има доволно место за сите верници да си ги задоволат потребите за молтива,мир,барање прошка за грев и што и да е.Почитувам!Но,моето размислување е,местото на црквата не е на плоштадот,нека се најде соодветно решение во согласност со урбанистичкиот план,молим лепо,нека се гради! Апсолутно неважно е во кое време се организира протестот,јунаците на мака се познаваат.Па еве нека повелат јунаците од влада нек средат!Демократијата не бара закажување термини!Никој не им е крив што сами си скокнаа во стомак и обвинуваат опозиција,а самите се виновни со испраќање на партијски војничиња,како и наводни верници со крстови кои до вчера ги гледав раскалашени и аморални на секој чекор,па индиректно и ноншалантно да укажат на двоен отпор и наводна воља на народот за градење на црквата.Приказни за мали деца,битно опозицијата е крива и за ланскиот снег кој не падна! Што се однесува до категорија *студент*...за момент посакав да ни се случи она што се случи во грција во декември.Знаете ли што значи да се удри по студент?!По иднина?!Штета што нашава младина е растестена и некоординирана,партизирана,исплашена...Одамна излегов од студентските амфитеатри,но рамно со нив би протестирала.За срамота! Да не почнам да говорам за инквизиција.Само ќе ви речам *Сепак се врти!*.Сум верник,но како што овие гнасни верници ме изреволтираа никогаш не ми се случило.Средновековието одамна помина за среќа. Со тивка молитва решете се од гневот и свртете го другиот образ како што ве учеле,а не да скокате.На се личеше освен на верници не!Особено таа тетката со црвена коса која пцуеше и се дереше,наводен верник!

а бре деца, па вие сте сакале да ве тепаат?!
е тоа не чини. демек провоцирај, па ќе чекаме да тепаат, па ќе им спуштиме тужби, па ќе си лапниме милиони, па ќе се сончаме во Грција.