Tенис

Шпанија го освои Дејвис Купот

Тенисерите на Шпанија и без својот најдобриот играч Рафаел Надал, по трети пат во историјата го освоија Дејвис Купот. Одлучувачкиот поен во финалето против Аргентина на Шпанија и го донесе Фернандо Вердаско триумфирајќи во првиот дуел од денешната програма над Хосе Акасусо со 3:2, по сетови 6:3, 6:7, 4:6, 6:3, 6:1.

Програмата требаше да ја отворат Дел Порто, кој во последен час отпадна поради повреда, па шанса доби Акасусо, додека шпанскиот селектор најавениот Давид Ферер го замени со Вердаско.

Шпанија претходно победуваше во Дејвис Купот 2000. и 2004. година, додека за Аргентина ова трети пораз во финалните мечеви.

Ѓоковиќ победи со новиот рекет

Актуелниот шампион од Австралискиот опен, Србинот Новак Ѓоковиќ, се "смири" со својот нов рекет откако со 6:1/6:2 го совлада Французинот Пол-Анри Матју на Сиднеј Интернешнл турнирот. Минатата недела светскиот рекет број 3 се пожали по поразот од првото коло во Бризбејн дека се уште се навикнува на работата со Хед рекетите, откако претходно играше со Вилсон.

"Тешка е промената. Тоа можеби е најтешката одлука во тенисот, да се промени рекет", признава Ѓоковиќ, кој признава дека поразот во Бризбејн му дал време да се одмори.

Федерер се врати со победа, Јанковиќ и Дементиева во "аут"

Рожер Федерер се врати со победа по шест недели пауза, но неговиот лесен премин во третото коло на Мастерсот во Индијан Велс, беше во целосен контраст од настапот на најдобрите тенисерки во Калифорнија. Две од топ 3 носителките излетаа во второто коло во саботата - втората носителка Јелена Јанковиќ и третата носителка Елена Дементиева.

Одлуката на Федерер да земе пауза по поразот во финалето на Австралискиот опен од Рафаел Надал се исплатеше откако со 7:6(7:4)/6:4 го совлада Французинот Марк Жиквел.

"Беше ОК и задоволен сум. Можеби сум малку бавен, но не играв долго време. Важно е само да се победува", вели Швајцарецот.

Федерер, кој има три титули по ред од Индијан Велс од 2004 до 2006 не мораше да спасува ниту еден брејк поен против 52-рангираниот Французин, правејќи брејк во седмиот гем од вториот сет за да го запечати мечот. Федерер вели дека паузата била добра.

"Морав да потрошам толку многу енергија да се вратам на моето ниво по минатогодишната болест. Потоа дојдоа Олимписките игри, и тоа не помогна. Ми требаше пауза и повеќе тренинг. Грбот ме убиваше на крајот на минатата година. Морав да се одморам и ова беше одлично време за тоа", вели Федерер.

Четвртиот носител, Британецот Енди Мареј исто така имаше победнички кам-бек откако во февруари беше во "аут" поради вирус. Четврторангираниот Шкотланѓанец со 7:5/6:3 го совлада Шпанецот Алберт Монтањес, откако се врати од брејк во првиот сет.

"Мислам дека се движев одлично, можеби најдобро во оваа година. Се чувствувам ОК и можев да играм уште 45 минути", вели Мареј.

Во третото коло е и осмиот носител, Французинот Жил Симон, откако со 5:7/6:4/6:4 го совлада Тајванецот Лу Јен-Хсун. Лу направи брејк за 4:2 водство во третиот сет и водеше со 30:0, пред да го загуби следниот гем. Симон потоа се врати со брејк на 5:4 и за победа.

17-годишната Русинка Анастасија Пављученкова, која е 42-рангирана на ВТА листата, со 6:4/6:4 ја шокираше Јанковиќ, што е уште еден чекор назад за Србинката, која ја заврши 2008 како прворангирана тенисерка, а сега продолжува со "слободниот пад".

"Возбудена сум. Се додека победуваш секако дека си среќен. Се обидов да се смирам бидејќи морам да продолжам на овој турнир", вели Пављученкова, поранешната светска јуниорска тенисерка број 1.

Чешката квалификантка Петра Четковска со 7:6(7:2)/2:6/6:1 ја совлада Дементеива. Олимписката шампионка Дементиева вели дека е уморена, откако по првиот дел од сезоната и титулите во Сиднеј и Оукленд е во лоша форма. Се на се, 15 од 32 носителки не успеаја да го поминат второто коло.

Актуелната шампионка, Ана Ивановиќ, како петта носителка го избегна овој тренд, совладувајќи ја со 6:4/6:3 Белорусинката Анастасија Јакимова, додека во третото коло е и седмата носителка Агниешка Радванска, откако Полјачката со 3:6/6:3/7:5 ја совлада Австралијката Саманта Стосур.

mislis zena mu e trudna 

zaso broj 1 vo svetot?

nema vrska toa. na Kire Lazarov sin mu ne podnasa rakomet