Постои ли верен маж

Постои !!!

                    Постоеше !!!

Кога жените изневеруваат

Довербата и интимноста се клучни за една врска, а неверството им штети на двете. Ако се сомневате дека ве изневерува, значи дека пукнатините во врската станале доволно видливи.

Најдобриот начин да дознаете дали ве изневерува е да размислите за вашето однесување, кое би можело да даде одговор на многу прашања. Дали работата ви станала поважна, дали често патувате, поминувате ли повеќе време со неа, или пак дремете пред компјутерот или телевизорот?

Најлесно е другиот кога е виновен за се, но ако партнерката ве изневерува, мора и вие да преземете дел од одговорноста. Можеби токму вашето однесување било клучно за таа да скокне во нечиј друг кревет.

Жените, па и мажите, најчесто изневеруваат поради сексуални или емотивни причини. Обично изневерувањето е последица на конфликтот меѓу физичките и емотивните потреби. Луѓето по природа се опортунисти и секогаш сакаат нешто подобро. Без обѕир на чувството дека сте нашле нешто добро, секогаш сакате нешто подобро, односно верувате дека ќе биде подобро. Станува збор за љубовта кон себе, за мерењето на чувствата да се сака и да се биде сакан. Дуалитетот во неверството (сексуално и емотивно) во пракса е најголемиот проблем. Имено не е потребно некој да има сексуални односи со друга личности за да ги промени чувствата кон партнерот.

Од една врска се бара стабилност, емотивна поврзаност, физичко задоволство, комуникација, добро родителство и финансиска сигурност. Кога поголем дел од условите недостасуваат, неверството се наѕира и врската може да пукне. Затоа бидете внимателни и реагирајте на следните „аларми“ за неверство:

- Премногу сте сконцентрирани на секс, а премалку на емотивна блискост

- Забележувате значителна промена во нејзиното вообичаено однесување и навики

- Не изразува емотивни потреби. Лошо се однесувате кон неа, но таа не реагира

- Станала таинствена, помалку зборува за себе и дури избегнува разговор

- Своето неверство го надоместува со скапи подароци и невообичаена љубезност

- Имате претчувство дека ве изневерува

- Со неа комуницирате се помалку, и повеќе гледате телевизија отколку што разговарате

- Оди во крајности: почнува да ја интересира жежок секс, секс што почесто, нови техники или пак се помалку се интересира за сексуалните односи

- Неразумно сте љубоморни, не и‘ верувате и сакате да ја следите што прави

- Крие сметки од банка

Ако навистина ве изневерува, сфатете го тоа како повик на помош дека во вашата врска мора нешто да се промени во односот на обајцата. Доколку не оди, прекинете го тој однос. Само мал број луѓе успеале да продолжат понатаму во врска, иако биле изневерени, бидејќи во нашите мисли идеалот за верноста е присутен цел живот.