Кои сладоледи ви се најубави

Заблуда е дека сладоледот не е калоричен

ВАШИНГТОН, (АП) - Пред да му се препуштите на сладоледот, една група за заштита на здравјето сака да размислите за следново: во еден корнет може да има исто толку масти и калории колку што има во еден стек.
"Сите знаат дека сладоледот не е добар за вас - тој е штетен. Но, најголемиот број луѓе не сфаќаат точно колку многу е штетен" - вели Џејн Харли, нутриционист во центарот за наука за јавно добро.
Овој центар го нарача истражувањето со кое се испитуваа мастите и калориите во некои од најпознатите сладоледи кои се продаваат во САД. Најголемиот дел од информациите употребени во истражувањето ги дадоа самите компании кои ги произведуваат сладоледите. Еве неколку наоди од истражувањето:
н Обичниот чоколаден сладолед во корнет содржи 320 калории и 16 грама масти. Ако во корнетот има и голема топка со сладолед, тогаш има вкупно 820 калории и 26 грама масти - приближно како и едно поголемо парче печени ребра.
н Сладолед со кафе, печени бадеми, карамели, путер од кикиритки и шлаг има исто толку калории и масти како две помали парчиња пица.
н Некои од големите сладоледи можат да содржат и до 1.270 калории и 38 грама масти, што е еднакво како да сте изеле стек, мешана салата и печен компир со кисела павлака.
Сузан Раленд, портпаролка на меѓународната асоцијација на прозводители на сладоледи изјави дека ова истражување не кажува ништо што луѓето веќе не го знаат.
"Јас сметам дека луѓето знаат што е сладоледот и што јадат. Тие го купуват сладоледот заради уживањето, а токму тоа и го добиваат" - рече таа.
Раленд исто така појасни и дека производителите на сладоледи веќе произведуваат сладоледи со помалку маснотии и без маснотии.
Центарот препорачува потрошувачите да обрнат внимание на овие производи, како и на смрзнатиот јогурт и шербетот кои имаат од 100 до 200 калории. И да ги избегнуваат шлаговите, кои можат да го претворат ниско - калоричниот сладолед во сладолед полн со масти.