Колку долго се памети првата љубов?

Првата љубов не се заборава...

Првата љубов активира посебни врски во невроните кои предизвикуваат мешавина од страв и мачнина.

Она што го нарекуваме "пеперутки во стомакот", всушност е коктел од чувства како што е нервозата, стравот и опсесивноста.

Кога на тоа ќе се додадат страста и физичката привлечност, добиваме "мешавина" која ја нарекуваме прва љубов.

Тоа прво, интезивно чувство на љубов предизвикува специфични невронски реакции кои се поинакви, но не и помалку силни од рекациите до кои се доаѓа при второто, третото или секое следно заљубување.

Сепак, првата љубов останува длабоко врежана во нас затоа што при таа прилика се активираат деловите од мозокот кои се одговорни за управување со механизмите за завнисност и ментална рамнотежа.

Меѓутоа, интересно е тоа што првата љубов се разликува од "вистинската".

Имено, кај вистинската љубов се активираат сосема поинакви делови од мозокот кои се поврзани со мотивацијата. Поради тоа таа секогаш е помалку опсесивна од првата љубов.

Психијатарот Донатела Маричети, авторка на книгата "Природата на љубовта", ги потврдува овие резултати.

Таа вели дека со првото силно чувство се активираат деловите од меѓумозокот под влијание на амигдалите, што буквално ги опива невроните и резултира, како што вели таа, со "биохемиска олуја".

Првата љубов понекогаш преминува во вистинска, за што е "крив" окситоцинот, кој ги гаси зоните на амигдалите и ги активира деловите од мозокот поврзани со уживањето.

Накратко, чувството на мачнина и напнатост со текот на времето се претвора во уживање.

Сепак, многу често првата љубов останува само прва, а др. Маричети го објаснува тоа со фактот што нашиот мозок не е подготвен за такви промени пред 19-та или 20-та година.