ИЗБОРИ 2009 - генерална дискусија

Повеќе гласачи од жители!?

Синдромот повеќе гласачи отколку жители го најдовме во уште неколку македонски општини. Маврово-Ростуше има осум илјади и 618 жители а девет илјади и 84 гласачи.

Слично и во Вранештица каде има илјада и 551 гласач, а жители илјада и 322. На овој список е и општина Новаци, каде има 200 гласачи повеќе од запишаните жители. Во Дебарца на пет илјади и 507 жители се изброени пет илјади и 598 гласачи.

од Државната Изборна Комисија, надлежни за предавање на списоците до општинските комисии, се амнестираат од вината. Велат податоците ги преземале од Министерството за Правда.

„Ажурирањето на избирачкиот список е во надлежност на Министерството за правда. ДО 1 септември оваа година тоа останува нивна надлежност, така што тие ги имаат сите податоци, околу движењето на бројот на населението во населените места, во избирачките места, и во изборните единици“, изјави Зоран Таневски, портпарол на ДИК.

Во Министерството објаснуваат дека не постои никаква грешка во екстремното несогласување на податоците, и дека не значи оти информациите од избирачкиот список на Министерството и Заводот за статистика, треба да бидат усогласени.

Методологијата за спроведување на попис на населението, од страна на Заводот за статистика, е различна од методологијата на водење на избирачки списоци, каде се ставени сите тие кои имаат адреса во Македонија, а кои пак работат и живеат надвор од земјата, велат од МНР.

Објаснувајќи дека нивните податоци не се базирани врз тие од Заводот за статистика туку од Министерството за внатрешни работи, каде се води евиденција на иселениците.

Но наспроти образложенијата од Министерството за Правда ваква диспропорција на гласачи и жители нема во општините каде живеат претежно Албанци, и каде иселениците традиционално се во голем број.

Но според статистичките податоци ова општина брои 19 илјади и 542 жители од кои две илјади и 843 се без право на глас, додека гласачи има 17 илјади и 824.

Слични состојби со дебарско се приметуваат и во општините Зајас, Осломеј, Теарце, Боговиње, Желино. Демографот Аслан Селмани смета дека ваквата диспропорција може да води и до манипулации.

„Веројатно има многу грешки што државата, органите, посебните комисии треба тој список на гласачи да го исчистат, и тој проблем се провлекува неколку години, и веројатно тука има елементи за манипулирање“, вели Аслан Селмани, демограф.

За точната бројка на иселеници од Македонија во странство до денеска не е реализирана никаква пресметка, ниту од заводот од статистика, ниту од Агенција иселеништво ниту од МНР.

„Наместо да ги броиме, буквално речено како овци, немојте ова да го сфатите пежоративно, мислам дека наша работа е да им помагаме и да остваруваме соработка со нив“, рече Сашо Тодоровски, МНР, Сектор за дијаспора.

Поголемиот број на гласачи од жители, во одредени општини, е само дел од изборните аномалии. Во Куманово пак од државните институции се избришани цели улици, жителите кои веќе трета година не можат да извадат ниту еден личен документ се плашат дека некој ќе гласа во нивно име.