БИЗНИС ВЕСТИ, НОВОСТИ, ИНФОРМАЦИИ...

Најголем рудник на бакар во Југоисточна Европа ќе никне на јужната страна на планината Огражден кај Струмица, над селото Иловица.

Четиригодишните истражувања што ги започна компанијата „Фелпс Доџ“, а ги продолжи „Припорт Макморан “ од САД со компанијата „Крајзберг“ од Малезија, покажале дека на овој терен постојат резерви од 303 милиони тони бакарна руда и 110 милиони тони златоносна руда со содржина на злато од 0,3% во тон руда.

Оваа исклучително надежна приказна за македонската економија се очекува да продолжи, бидејќи истрагите, кои моментално се стопирани, ќе потраат уште најмалку од две до четири години, период во кој е предвидено да се заврши целокупниот процес на утврдување на рудните резерви на ова подрачје, пишува весникот.

Наведените компании вршат истражни геолошки работи и на теренот Кадиица над Пехчево, каде што биле утврдени значајни резерви на бакар и на други метали.

Двете компании, кои ги водат истражувањата, поседуваат вкупно 15 рудници, меѓу кои е и најголемиот рудник на бакар во светот, кој се наоѓа во Малезија.

Дали тие, откако ќе се комплетира геолошката слика за резервите на бакар и злато на двете спомнати локации во Македонија, ќе се одлучат во Струмичко да градат и рудник, засега не е познато, пишува „Утрински весник“.

Анџи, веста не ја ставив заради нови инвестиции, тоа е неизвесно и додека завршат истражувањата, кои може да траат 2, 4 или 10 години, којзнае што ќе биде, туку поради важноста на откритието.
303 милиони тони бакарна руда и 110 милиони тони златоносна руда не е мала работа. И ако владата (оваа или било која) за ова не успее да пронајде заинтересиран инвеститор, би било огромна срамота!

По изборите ќе не’ фати струја

Ново поскапување на струјата ги очекува македонските домаќинства по изборите во март иако на светските берзи паѓа нејзината цена поради ниската побарувачка предизвикана од рецесијата.Од Регулаторната комисија за енергетика (РКЕ) велат дека се' уште не е познат процентот на зголемување.

Трите енергетски компании, имаат рок до крајот на неделата да ги достават пресметките за приходите и трошоците до регулаторното тело. Според овие податоци, ќе се донесе одлука колку ќе изнесува покачувањето.

Експертите сметаат дека поскапувањето не смее да биде големо бидејќи цената на струјата на светските берзи, иако беше многу висока, во последниот период бележи пад.

Економската криза предизвика помала побарувачка на берзите на струја, а со тоа и пониски цени. Така, цената на еден мегават-час од 80 евра сега е намалена на околу 50 евра и таквиот тренд се предвидува дека ќе се задржи се' до 2010 година. Според аналитичарите, тоа значи дека корекцијата на цената на струјата ќе биде минимална.

Цената на електричната енергија мора да поскапи ако сакаме да привлечеме нови инвестиции во енергетскиот сектор, препорачува МАНУ во стратегијата за развој на енергетиката во земјава. Од друга страна, ММФ неодамна порача дека мора да се зголеми цената на струјата, но истовремено да се утврдат и механизми за заштита на социјално загрозените семејства.

- Повисоките цени ќе ја поттикнат многу потребната економична употреба на струјата и ќе го стимулираат домашното производство. Ова ќе помогне да се намалат квази-фискалните загуби во секторот (кои се очекува да бидат 5% од БДП за 2008 година) и исто така ќе го намалат големото влијание на електричната енергија врз трговскиот дефицит (5% од БДП во 2008) - велат експертите од ММФ.

Тие потенцираат дека цената на струјата за домаќинствата вештачки се држи на ниско ниво, дисциплината на наплата е слаба, а техничките загуби се високи. Во Фондот пресметале дека цената на струја за македонските домаќинства е меѓу најниските во регионот и е многу пониска од увозната. „Зголемувањето од 13% во ноември ја зголеми дневната тарифа за домаќинствата на 47 евра за мегават-час. Сепак, увозните цени се многу повисоки. Во првите осум месеци на 2008 година, МЕПСО увезе струја за 82 евра за мегават-час. Разликата меѓу увезената и регулираната цена укажува дека МЕПСО предизвикува загуби за секој киловат-час што го купил надвор и го продава внатре на дистрибутерот ЕВН за регулирана цена од 30 евра за мегават-час“, се вели во извештајот.

Според аналитичарите на ММФ, во последните години, загубите на МЕПСО ја принудиле Владата да го снабдува со кеш преку дополнителен буџет, кој за 2008 година изнесувал 8 милиони евра, а за 2006 дури 20 милиони евра, како надокнада за загубите од купувањето по повисоки цени надвор и продажбата пониски дома.

„Обемот на овие проблеми генерира битни макроекономски последици: секторот го цеди владиниот буџет и го зголемува трговскиот дефицит. Потрошувачката расте многу бргу водејќи кон зголемен увоз на струја, кој за 2008 се предвидува да изнесува 35 % од вкупните потреби. Исцрпувањето на домашните резерви на јаглен предвидува дека увозот ќе се зголеми, или директно, преку увоз на поголеми количество струја или индиректно, преку увоз на јаглен“, предвидуваат од Фондот.

Оттаму ги коментираат и реформите во секторот со донесувањето на новиот Закон за енергетика во јули минатата година. Со овие реформи ЕЛЕМ доби право директно да ја снабдува ЕВН со струја, не преку МЕПСО како дотогаш. Исто така, ЕЛЕМ може слободно да тргува со вишоците струја, односно да набавува кога има недостиг од отворен пазар. На австрискиот инвеститор ЕВН му беше ограничено правото да ги покрива техничките загуби по регулирани цени само до 11%.

„Иако овие реформи најверојатно ќе го намалат фискалниот ризик од електросекторот (особено преку наплатата на загубите на ЕВН по повисоки цени), сепак, тие не ја стимулираат по ефикасната употреба на електричната енергија кај крајните корисници“, се посочува во извештајот на монетарците.

Цената на работната рака во еврозоната се зголемила за 3,8 проценти во четвртото тримесечје

Брисел, 13 март (МИА) - Цената на работната рака во еврозоната се зголемила за 3,8 проценти на годишна основа во четвртото тримесечје, во целата Европска унија зголемувањето е 4,6 отсто, додека во Бугарија - 17,9 отсто, а во Романија - 21,5 проценти, покажуваат податоците на Евростат.

Освен во Романија и во Бугарија, најголемо зголемување е регистрирано во Летонија (17,2 проценти).

Најслабо зголемување е забележано во Малта (0,4 проценти).


< style="HEIGHT: 50px" align=middle marginWidth=0 marginHeight=0 ="http://www.idividi.com.mk/UpdateBrCitana.aspx?VestID=511976" Border=0 scrolling=no height=30 ="#efefef">

Prodavam 2.5 jutra (okolu 1.5 ha)parcela na Mesecinata,zagradena ,4km odalecena od kraterot Shackleton,bez struja i voda, pristapen pat od site strani,pogodna za ziveenje vo posebno-prijatni uslovi,za mal ili golem biznis,locirana vednas do placot na Bili od sever,i na Maki od zapad....Parcelata moze da se vidi sekoj den od 18-20h.....

...Kina ja odbila ponudata od 2.500.000.000 USD ,na KOKA-KOLA....!..NISTO NE RAZBIRAAT OVA KINEZIVE.....