ВРАБОТУВАЊА

Еве каде имало слободни работни места, на минус 89 степени:

На Британците, кои останаа без работа, деновиве им се понудени работни места во најстудената област на Земјата, на Јужниот Пол.

Работници од различни профили се повикани да дојдат да работат на Антарктикот, каде треба да пополнат стотина работни места.

Во овој дел на светот, меѓудругото се потребни, шест ѕидари, шест електричари, седум водоинсталатери и повеќе кувари.

Работните мести ги нуди британската агенција „Бритиш Антарктик срвеј“, која има пет истражувачки станици на Јужниот Пол. И покрај неповолните климатски услови, агенцијата очекува добар одѕив за својата понуда со оглед на рецесијата во Велика Британија.

За секое понудено работно минатата година се јавија стотина кандидати.

И овој пат понудените вработувања имаат свои предности, како што е годишна заработувачка од 28 илјади евра за оние кои се на почетокот на кариерата.

Антарктикот е најслабо населениот дел на светот, каде на простор 58 пати поголем од Велика Британија, летно време, кога условите за живот се помалку сурови, има околу десет илјади жители.

Просечната температура летно време се движи околу 27,5 степени, а во текот на зимите во најекстремните услови може да се намали и до минус 89 степени.