ИЗБОРИ 2009 - генерална дискусија

ДИК денеска со ждрепка ќе го утврди редоследот на претседателските кандидати на гласачкото ливче.

Вкупно седум кандидати за нов претседател на Македонија ќе учествуваат на претстојните претседателски избори: независниот кандидат Љубе Бошкоски, кандидатот на ДУИ Агрон Буџаку, кандидатот на ЛДП Нано Ружин, кандидатот на ДПА Мируше Хоџа, која е единствената жена, кандидатот на СДСМ Љубомир Фрчкоски, кандидатот на Нова демократија Имер Селмани и кандидатот на владејачката ВМРО-ДПМНЕ Ѓорѓи Иванов.

Ќе го почекаме редоследот на кандидатите на гласачкото ливче па ќе направиме една анкета со сите кандидати.

Od sabajle ostanav shokirana...ova pismo vo Utrinski vesnik me iznenadi... Nekoj cita , nekoj ne cita utrinski pa ubavo e ova da se vidi..procita..prokomentira... Shto bidna rabotava?????

Гоjко Јаковлески, основач на ВМРО-ДПМНЕ

Разочаран сум од целата постапка на ВМРО-ДПМНЕ што ја спроведе за избор на кандидат за претседател на Република Македонија. Предизборните случувања редовно ги следам преку информациите во печатените и во електронските медиуми. ВМРО-ДПМНЕ најави дека на демократски начин ќе го избере свoјот фаворит - кандидат за претседател на државата, на конвенција, како што тоа е предвидено со Статутот на партијата. Дотука се' е в ред.

Но, пред да се распише конк*рсот за пријавување кандидати кои ќе учествуваат во трката за номинација, видни членови на партиското ркаоводство потпишаа документ со кој за кандидат за претседател на државата го кандидираа и наедно ја поддржаа кандидатурата на професорот д-р Ѓорге Иванов. И не само тоа: поддршка побараа (или ја изнудија), а се разбира и ја добија, од ректорите на државните универзитети во Скопје, во Битола и во Штип, од неколку академици на МАНУ, од интелектуалци итн. Значи, тоа е демократија. Се прашувам, кого лажат? Членството на ВМРО-ДПМНЕ и македонскиот народ го понижија и најлошо е во тоа што мислат дека некој им верува во оваа манипулација, која се гледа од авион! На овие финти никој не верува! Само послушниците аплаудираат и фалат дека изборот бил најдобар. Се разбира, тоа го прават од страв да не ја загубат работата, функцијата... како и оние кои се надеваат дека ветеното ќе го добијат по изборите: вработување, функција и сл.

Оваа гарнитура на ВМРО-ДПМНЕ ја пропушти шансата да се докаже како демократска. Изборот на претседателскиот кандидат на партијата да го извршеа како што прилега на партијата која се декларира и сака да стане современа европска партија. Но, целата постапка на изборот и со божемниот отворен конк*рс беше лакрдија. Кандидатурата, на веќе избраниот кандидат за претседател, да не биде осамена, како противкандидат, се пријави или го убедија да се пријави Тодор Петров, лидер на друга политичка партија. Ако сакаше процесот да биде демократски, раководството на ВМРО-ДПМНЕ, воопшто не требаше да истакнува свој фаворит, туку секој граѓанин на Република Македонија, кој ги исполнува условите за оваа значајна функција и мисли дека може да одговори на предизвикот, да поднесе кандидатура, а Конвенцијата да го избере најдобриот од пријавените кандидати. Ако кандидатот за претседател не се знаеше однапред и Конвенцијата, која беше чиста формалност, верувам дека ќе се пријавеа неколку истакнати личности - партиски и непартиски и поддршката ќе ја побараа од Конвенцијата, како што беше во 1994 година, кога конк*рираа пет кандидати (д-р Симон Дракул, Љубиша Георгиевски, Димитар Димитров, академик Никола Кљусев и Крсто Поп Стефанија). За претседателски кандидат беше избран Љубиша Георгиевски, по неколку гласања, кои траеја до раните утрински часови. Изборот беше демократски и, за жал, неповторлив!

Ако изборот беше демократски, на Конвенцијата верувам дека ќе се пријавеше и Брат Љубе (Бошкоски), кој е мошне популарен меѓу народот. ВМРО-ДПМНЕ требаше да му даде шанса да учествува на Конвенцијата, нему и на други членови. Овој пат тоа задоволство им беше оневозможено.

Љубе Бошкоски, покажа и докажа, не само со зборови, туку со дела дека е вистински патриот, лојален на државата... Тој беше меѓу ретките политичари и функционери во 2001 година, за време на воениот конфликт, кој застана во одбрана на државата не жалејќи го својот живот. За патриотизмот, за неделата што не ги направил беше обвинет и четири години невин лежеше во затворот во Хаг.

Брат Љубе во ВМРО-ДПМНЕ се приклучи од нејзиното формирање и даде голем придонес во ширењето на платформата и идеите на партијата Македонија да биде самостојна, независна и суверена држава. Токму затоа, граѓаните на Република Македонија на претстојните претседателски избори треба да го дадат гласот за Брат Љубе. Со неговиот избор за шеф на државата верувам дека ќе направи многу за обединувањето на народот од сите етникуми, за афирмација на државата во светот и ќе се избори Македонија да стане членка на НАТО и ЕУ.

Македонски граѓанину, гласај со својот ум и разум, за доброто на Македонија!