МУЗИЧКИ ВЕСТИ

Британците го украдоа шоуто на „Греми“

Поранешниот фронтмен на „Лед цепелин“, Роберт Плант, триумфира во пет категории, раперот Лил Вејн доби четири, а „Колдплеј“ три златни грамофони

„У2“ промовира сингл од новиот албум, Соработката на Роберт Плант со Алисон Купер беше наградена со пет статуетки

Рок-легендата Роберт Плант, кој никогаш не освоил голема награда со својот поранешен бенд „Лед цепелин“, триумфира во пет категории на музичките награди „Греми“, кои завчера беа доделени во Лос Анџелес. Шеесетгодишниот музичар меѓу другото доби „златен грамофон“ за најдобар албум и за соработката со блуграс-кралицата Алисон Краус. Раперот Лил Вејн, кој имаше осум номинации, освои четири награди, вклучувајќи ја и таа за најдобар рап-албум за изданието Tha Carter III, кое во минатата година беше најпродавано во САД.Британскиот бенд „Колдплеј“ освои три статуетки: за песна на годината, најдобар рок-албум (за Viva La Vida) и за најдобра поп-изведба на дует и група со вокали.


„Џонас брадерс“ настапија со легендата Стиви Вондер

Поради обвинувањата за плагијат, тапанарот на овој состав, Вил Чемпион, во саркастичен дух, му се извини на Пол Макартни за сличностите на нивната облека со таа на „Битлси“. Со својот настап Макартни го збогати ова издание на „Греми“, кое помина во знакот на британските музичари Плант, Адел, „Колдплеј“ и „Редиохед“ - кои настапија со бендот за паради на Универзитетот од Јужна Калифорнија, кој повеќе од една декада не настапил на американска телевизиска станица. Адел ги освои наградите за најдобар нов изведувач и за најдобра женска вокална поп-изведба за песната Chasing Pavements.


М.И.А. подвижна и во поодмината бременост, Спектакуларен настап на Кети Пери

Најважната награда на вечерта - најдобар албум - им припадна на Плант и Краус, која следуваше по освојувањето на песна на годината (за песната Please Read This Letter), најдобар современ фолк-американа албум, најдобра кантри-соработка и најдобра поп-соработка со вокали. Тие имаа пет номинации и освоија исто толку награди. Плант и Краус, кои на албумот Raising Sand обработуваат стари фолк-балади и аренби-хитови, а изданието веднаш доби пофалби од критиката и стана комерцијален хит. Со ова поранешниот фронтмен на „Цепелин“ ги закопа сите шпекулации за нивното повторно обединување откако закажа турнеја со Краус. Американската пејачка со 26 освоени награди „Греми“, се изедначи со Пјер Боуле на третата позиција на најнаградувани изведувачи во 51-годишната историја на манифестацијата. Пред неа се починатиот сер Џорџ Солти со 31 награда и Квинси Џонс со 27 награди.

На сцената се појавија и „Џонас брадерс“, Стиви Вондер, „У2“ и Кети Пери. Поренашната натпреварувачка на „Американски идол“, Џенифер Хадсон, чиј брат, мајка и внук беа убиени во минатата година, ја изведе песната You Pulled Me Through. Таа ја доби и наградата за најдобар аренби-албум, а и' ја додели Витни Хјустон, која покрај сите проблеми што ја мачеа во последниот период, изгледаше како во своите најдобри денови.

Скандали на церемонијата

Годинава на церемонијата имаше неколку скандали. Еден час пред почетокот на шоуто, полицијата им соопшти на организаторите дека номинираниот Крис Браун е приведен зашто претходната вечер нападнал жена. Малку подоцна, неговата девојка Ријана го откажа своето учество и настап, а шпекулациите велат дека таа е нападнатата жена. Нејзиниот настап беше заменет со изведбата на Ал Грин, Џастин Тимберлејк, Кит Урбан и „Бојс ту мен“, кои ја изведоа песната Let’s Stay Together. Успехот на британската група „Колдплеј“ беше засенет поради обвинувањето од Џо Сатријани дека нивниот хит Viva La Vida има рифови од негова песна. Мнозинството од коментарите на интернет-страницата „Јутјуб“, на која е пуштена компилација од двете песни велат дека песната на „Колдплеј“ навистина многу потсетува на инструменталката на Сатријани. Во телевизискиот магазин „60 минути“, кој се емитува на Си-би-ес, Крис Мартин, фронтменот на „Колдплеј“ ги отфрли обвинувањата за плагијат.

Грузија на Евросонг со песна која го исмејува Путин

Откако сепак одлучија да земат учество на годинешниот Евросонг кој ќе се одржи во Москва, Грузијците за најдобра ја избраа песната „Wе Don’T Wanna PUT IN”.

Откако минатогодишната песна под наслов „Мирот ќе дојде“ не вроди со плод, Грузија годинава одлучи поинаку да им пристапи на проблемите кои ги има со Русија и посебно со премиерот Владимир Путин.

Преку песната, Грузија го исмејува Путин и ја пренесува пораката дека не го прифаќаат неговиот режим.

Нема да ме зачуди и да победи песнава...

Откако веста за бруталниот чин на младиот Браун го заобиколи светот, за кратко време во јавноста се појави  и ексклузивна фотографија со претепаната Ријана. Познатиот американски интернет сајт TMZ, кој прв ја објави фотографијата не даде информација од каде е сликата, а полицијата во Лос Анџелес не ја потврди автентичноста.

По објавување на спорната фотографија, полицијата покрена заштитна истрага во своите редови бидејќи според наводите, сликата е украдена од нивните простории. Според некои информации фотографијата е идентична со онаа што ја направила полицијата по примањето на Ријана во болница.

- Ние не сме ја пуштиле фотографијата во јавност. Ќе спроведеме внатрешна истрага и ќе мора да се дознае кој ја извадил оваа слика од полициската станица. Не можеме службено да потврдиме дека жртвата е Ријана, соопшти началникот на полицијата во Лос Анџелес.

Иако нигде официјално не е потврдено дека на фотографијата е познатата R&B пејачка, на сликата јасно се гледа нејзината препознатлива тетоважа.

На 8, овој месец, Браун физички ја нападна својата девојка, а притоа и нанесе телесни повреди, поради кои наводно Ријана морала да посети пластичен хирург.

Откако се појавија многу претпоставки за нападот и расправијата помеѓу пејачот Крис Браун и R&B ѕвездата Ријана, близок пријател на музичката двојка ја откри вистинската причина за тепачката. Наводно додека се возеле во автомобилот Браун добил смс порака од девојка со која претходно ја изневерил 21-годишната пејачка од Бахамите. По големата расправија Ријана го земала клучот од автомобилот и го фрлила низ прозорот. Откако Крис ги нашол клучевите, разбеснето тргнал кон својата девојка и почнал да ја гуши и да вика дека ќе ја убие. Од силниот удар кој го добила, Ријана се онесвестила, но тоа не го спречило бесниот пејач да продолжи со ударите. Кога симпатичната пејачка дошла при свест, Крис веќе бил уапсен, но поради отоците не можела да ги отвори очите.

Необјавениот албум на U2 се најде на интернет

Новиот албум на U2 е „провален“ на интернет две недели пред официјалното објавување и тоа поради грешка „во чекори“ на австралиска интернет страница.

„No Line On The Horizon“ е 12-ти по ред албум на ирската рок атракција U2 и до вчера е достапен на Pirate Bay страницата и тоа бесплатно.

Еден од downloder-ите оставил дури и порака: „Се обложувам дека Боно ќе добие мозочен удар од бес“.

Се верува дека песните од новиот албум почнале да се вртат на интернет откако австралиската интернет страница по грешка пуштила во online продажба албум, но за кратко го повлекла.

Но, изгледа не било доволно брзо. Сите 11 нови песни во среда вечерта се нашле на Pirate Bay, само два часа откако бил пуштен на австралиската страница, а потоа повлечен од продажба „No Line On The Horizon“.

U2 со концерт во Загреб

Легендарната ирска рок група U2 официјално соопшти дека ова лето ќе одржи концерт во Загреб, Хрватска.

На службената страница на бендот е објавено дека групата ќе одржи концерт на 10 август на стадионот Максимир во Загреб.

Интересот за настапите на оваа група ширум светот е огромен, а тоа го потврдува и фактот дека утрово, по објавувањето на распоредот на концертите, поради големиот број влезови се урнала официјалната веб страна на групата.