Ракометарките бесни на Владата

   Репрезентативките ги мачи впечатокот дека остана заборавено и недоволно вреднувано нивното седмо место на Европскиот шампионат. Сметаат дека заслужуваат повеќе од ветената колективна награда која и онака се уште не им е исплатена.

„Причината за овој прес со женската ракометна репрезентација е иритирачката одлука на Владата за доделување на награда на машките репрезентативци за успешниот настап на Светското првенство, за нивното залагање, за подигање на националниот дух. Притоа, заборавајќи дека некој друг, не толку далеку, исто така успеа да го подигне националниот дух, исто така го остави своето срце, душа и тело на теренот, за боите на оваа држава, за националниот дрес, за постигнување на висок резултат“, изјави Владимир Глигоров, селектор на женската репрезентација.

„Нека не го забораваат нашиот успех, а посебно Владата и државата за која ние секоја поединечно го дадовме максимумот за државата, а не за клубот. Значи таа која што треба нас да ни го честита тоа, ние немаме приеми ни кај премиерот, ни кај претседателот пред да почне Европското, а камоли после тој успех нас да ни рече: Еве ви девојки по едно бонбонче, браво што така достојно ја претставивте државата. Тука е нашиот револт значи секоја чест за мажите, да не се осетат сега дека ние ги напаѓаме, но каде е нашиот успех“, рече револтирано Драгана Пецевска.

„Би сакала да прашам, има едни изјави, машките се бореа со срце. Тогаш со што се боревме ние за да освоиме седмо место? Многу сме разочарани и не знаеме каде да најдеме мотив понатаму за да постигнеме поголеми резултати“, заклучи Јулија Портјанко.

Јас потолно се согласувам со девојките, со право се бунат.Хаос, срамота е ова што се случува во врска со женската ракометна репрезентација. 

Затоа што нашите спортисти се наша гордост.

Ако некој се сеќава оваа приказна се повторува. Истото беше и со Кометал кога изгубија во финалето во 2005 од данскиот Шлагелсе. Сепак беа втори во Европа и тоа е за респект и тогаш беа девојките изреволтирани од односот на високите органи кои не покажаа ни грам поддршка и благодарност за тоа што тие го остварија на Европскиот Шампионат.

Само напред девојки, Македонија е со вас! 