МАКЕДОНИЈА во НАТО: кога, како, зошто...?

„Албанците во Македонија нема да сакаат да ја ризикуваат евро-атлантската иднина“

Претседател Црвенковски во интервјуто за А1 изјави и дека Република Македонија, пред само пред две или три години, пред доаѓањето на оваа гарнитура на власт, била посочувана како пример.

Зошто отстапивте од двојната формула како преговарачка позиција во спорот со Грција?

-Затоа што на самитот на Алијансата во Бук*решт се случија работи коишто создадоа сосема нова реалност. Се до пред тој самит, во еден долг временски период, ние успеавме да го продолжуваме патот на нашето интегрирање на кон ЕУ и НАТО користејќи ја времената спогодба од 95. година. Со својот завршен заклучок, во Бук*решт, Алијансата во целина, сите нејзини членки, индиректно ја ставија таа времена спогодба вон сила, бидејќи заклучокот вели дека Република Македонија ќе ја добие поканата тогаш, или со други зборови и само тогаш, кога ќе постигне взаемно прифатлив компромис со Грција. Верувам дека истиот пристап не очекува во рамките на ЕУ, можеби и уште поригиден, бидејќи грчкото влијание во Европската унија е посилно отколку во НАТО, заради самата структура на членките, или со други зборови, ако ние остануваме определени да станеме членка на НАТО и ЕУ, и таму ја гледаме нашата иднина и тоа останува нашата стратешка определба, една пречка којашто мора да ја надминеме, тоа е да влеземе во реални преговори со Грција, да се обидеме, значи никој не може да гарантира, да се обидеме до заемно прифатлив компромис и на тој начин да ги деблокираме процесите на наше интегрирање на во овие структури.

Тука повикувате на некој разумен компромис, меѓутоа каков е тој разумен компромис, кога нема подготвеност од спротивната страна на никакви отстапки во делот што се однесува на гаранциите за нашиот идентитет и јазик?

-Јас се согласувам дека сите изјави кои што доаѓаат од Атина се ригидни, непопустливи и не ветуваат, значи не оставаат место за оптимизам, дека е можен некаков фер компромис. Меѓутоа ние не можеме да бидеме на чисто до каде ќе оди со таа цврста политика, Грција, ако не влеземе во реални преговори, единствен начин да ја извадиме на површина, на чистина, Грција е да преговараме и да видиме дали нивната почетна позиција ќе биде и крајна или се работи само за тактика во преговорите. На крајот на краиштата ние тоа треба да го направиме не заради Грција, не заради тоа што така ни советуваат од Вашингтон или од Брисел, туку заради нашите сопствени интереси. Наш интерес е интерес на нашите граѓани, иднината на нашите деца ќе биде подобра ако станеме дел од ЕУ и НАТО алијансата. Времето не отчукува подеднакво за Грција и за Македонија, за нас е многу послабо.

Со оглед на сензитивноста на прашањето, зошто дозволите целиот свет да го види неединството во државниот врв во однос на спорот со Грција?

- Од едноставна причина што тоа не едниство постои и тоа е концептуално, значи не се работи за некаков резултат на лични суети и недоразбирања или бркање на престиж помеѓу мене и премиерот Груевски.

Меѓутоа така се урива преговарачката позиција на земјата?

-Не, ние немаме преговарачка позиција, ниту имаме преговори. Тоа треба да го соопштиме пред македонската јавност. Со оваа политика на Владата ние дефакто преговори немаме. И оваа следна рунда на преговори во Њујорк, всушност нема да бидат преговори, туку еден формален собир, или средба, така е и најавено, на која што само ќе се запознаат учесниците во тие разговори, претставниците на двете земји. Бидејќи со позициите коишто ги зазеде Владата, а заради уставното уредување на нашата земја, сосема е јасно дека кога има разлики помеѓу претседателот и премиерот и Владата, моќта на Владата е многу посилна, парламентарното мнозинство е под нејзина контрола, и тоа станува официјална политика на државата. Значи како што забележувате, Владата нас не не подготвува за преговори или евентуален компромис, туку за долгогодишна изолација и блокада во процесите на нашето интегрирање кон ЕУ и НАТО.

Тогаш како провокација ги доживувате владините повици вие да ги преземете во ваша надлежност, во делот кој ги обезбедува функцијата, преговорите со Грција, и да дојдете до решение ако имате?

-Ја го кажував тоа решение, односно како може да се дојде, кој е патот да се дојде до тоа решение. Мене ме прозиваат дали давам гаранција. Јас гаранции не можам да дадам. Јас не можам да претпоставам како Грција во тој процес ќе се однесува. Меѓутоа знам дека ако од наша страна се даде максимум, а на крајот не се успее бидејќи Грција има непопустлив став, нашата совест ќе биде чиста, од една страна не ќе можеме да си префрламе дека заради наша грешка сме ја изолирале земјата и сме ја оставиле надвор од глобалниот тренд којшто го прифаќаат сите околу нас, и втора работа, Меѓународна заедница барем ќе може да процени дека компромис не е можен заради грчките позиции. Во овој момент, гледано од позициите на Вашингтон, Брисел, Берлин или било која европска престолнина, нивната оценка е дека се работи за две подеднакво непопустливи страни.

Грците бараат едно име со географска одредница за сите употреби, не сакаме да разговараме за идентитетот, ние викаме двојна формула. Тука уште повеќе ако се додадат оние потези што ги направивме пред Нова година, ја би ги нарекол на глупост да одговориш со две глупости, значи на некоја провокација од Грција да наседнеме и да правиме дополнителни грешки, како што беше именувањето на автопатот, именувањето на стадионот, именувањето на не изграден аеродром, значи потези од коишто ние немаме никаква корист, а од друга страна имаме голема штета, бидејќи го уриваме сопствениот меѓународен углед.

Претседателе, загрозена ли е стабилноста на земјата, ако во перспектива остане надвор од НАТО и ЕУ, од аспект на меѓуетничките односи?

-Постои можност да во еден одреден момент, а дека такво нешто може да се случи ни говорат и одредени изјави коишто доаѓаат од различни политички партии на Албанците во Македонија во овој период, и како што гледам никој сериозно не ги сфаќа, а најмалку Владата, а тоа е дека во еден момент, политичките претставници на Албанците во Македонија можат да излезат со следниот став, ние не сакаме да ја ризикуваме нашата европска или евро-атлантска иднина заради вашите битки околу античка Македонија, тоа е ваша битка, тоа не е битка во која ние сакаме да учествуваме и не сакаме да ја платиме цената за такво нешто. Видете, јас ниту го посакувам тоа, нити пак би се согласил со еден таков став. Меѓутоа, предупредува дека таква опасност постои и токму заради тоа треба благовремено превентивно да се делува.

Кој е одговорен за неповолната меѓународна позиција на Македонија. Чувствувате ли ваша вина? Тука имаме отворени прашања со сите пет соседи.

-Не чувствувам вина. Ако пред малку ви кажав дека чувствувам одговорност за некои работи што не се направени порано, којшто можеби ќе го одбранеа демократскиот амбиент без разлика на намерите на актуелната власт, во делот на меѓународниот углед и авторитет на Република Македонија, апсолутно сметам дека во сите овие пет години како претседател на државата, претходно и како премиер, давав позитивен придонес тој углед да јакне. И тој углед беше силен и моќен. Потсетете се само пред две или три години, значи пред доаѓањето на оваа гарнитура на власт, Македонија беше посочувана како пример. Ние бевме веднаш зад Хрватска, многу пред Србија, Црна Гора, Албанија, во секој поглед. Тоа не се наши субјективни оценки, тоа беа оценки искажувани од Брисел, членки на ЕУ, искажувани и таму, искажувани и овдека. Што значи ние имавме една силна меѓународна позиција. Имавме големи, меѓународни пријатели во САД. Симпатиите беа на наша страна. Во краток временски период тој углед се сруши. Самите проценете што е тоа што се случи овие три години за да дојдеме на едно вакво ниско ниво.

http://www.a1.com.mk/vesti/default.aspx?VestID=104079

Изменето од anastea - 07.Февруари.2009 во 17:18

Внеси реплика	страница <1 63 646566 67 79 >
Tweet