ДПА распали по ДУИ

   ДПА вчера ги обвини партиите од власта дека се виновни за престрелката што се случи во понеделникот вечерта во Кичево, во која едно лице беше повредено со огнено оружје, тврдејќи дека пиштолџијата бил висок функционер на ДУИ. Во партијата велат дека причините за инцидентот биле банални политички расправии и дека на овој начин власта сака да ги заплаши и да им ги украде гласовите на Албанците. - Прашуваме дали и на функционерот на ДУИ, Реџеп Асани, кој пукаше во жителот на село Тухин, ќе му биде повлечена тужбата исто како на Бесир Деари, кој пукаше во Камењане минатите избори, а сега е директор на „Македонски железници“ - изјави Адриатик Имери, портпарол на ДПА. ДПА најави дека за овој инцидент ќе го информира и меѓународниот фактор. Ова е втор инцидент деновиве за кој ДПА тврди дека е поврзан со изборите. Минатата недела беше демолиран штаб на ДПА во ТЦ „Мавровка“ во Скопје. Коментирајќи го овој случај, министерката Гордана Јанкулоска вчера изјави дека МВР ги презема сите неопходни активности за негово расчистување и оти се уште се работи на него. - Ваквото однесување без оглед од каде доаѓа е за најостра осуда, особено ако се има предвид дека изборите се врвен приоритет за Република Македонија - рече Јанкулоска.

Внеси реплика	страница 12 3 4 >
Tweet