Епидемија на заушки во РМ

повозрасните

   Ако порано се сметало дека заушките претставуваат исклучиво детска болест- денес веќе не е така. Сведоци сме дека не постои старосна граница и дека подеднакво заболуваат деца, тинејџери, возрасни луѓе. 
Предизвикувач на епидемиските заушки е од вирусно потекло кој најпрво ги напаѓа плунковите жлезди и симптоматски за ова заболување е отокот околу ушите. Првите симптоми се болно грло и болки во вратот,сува уста,отежнато голтање,џвакање и отварање на устата,отокот околу ушите, висока температура, главоболка, болки во ушите. Болниот чувствува општа слабост, намален апетит.
Инкубацијата трае 5-9 дена, а симптомите се појавуваат од 16 до 18 дена по инфицирањето со вирусот.
Болеста многу брзо се шири,преку воздушен пат( кивање,кашлање), преку бакнување, користење на ист прибор за јадење, но исто и преку контакт со предмети кои претходно биле во допир со лице заразено од болеста.
Бидејќи многу лесно се шири треба многу да се внимава на тоа како да се заштитиме. Како најидеална заштита се препорачува вакцинација против болеста, а самите треба да внимаваме на личната хигиена( редовно миење на рацете), да се избегнува престој во затворени простории каде што има многу луѓе, да се избегнува прегрнување и бакнување, да се засили храната со дополнителен внес на витамини со кои би се зајакнал имуниот систем....
Компликации од болеста се јавуваат ретко. Најопасни се воспалението на тестисите кое може(но не мора да значи) да доведе до стерилитет,а  кое се јавува претежно кај повозрасните заболени од заушки и воспаление на мозокот,мозочните обвивки и течноста што го опкружува мозокот(менингитис). Исто, може да предизвика воспаление на панкреасот,воспаление на јајниците(кое најчесто минува без последици по плодноста), губење на слухот, а кај трудниците може да доведе и до спонтан абортус.
Бидејќи станува збор за вирусно заболување, тука антибиотици не помагаат,па затоа како и при другите вирусни заболувања болеста едноставно треба да се прележи. 