Дали се сметате за мамино или татино гале

Мамини синови
преземено од Шпиц

Прво треба да го дефинираме поимот мамин син. Едноставно кажано, тоа е маж кој премногу е врзан за својата мајка. Приврзаноста оди до степен што тој не обрнува внимание на своите машки интереси. Нормалниот однос меѓу синот и мајката треба да се базира на меѓусебно почитување, бидејќи, пред се, таа е жената која се грижела за вас и што ве израснала во зрела личност, која е независна и знае како да функционира.
Сепак, во реалноста се повеќе се среќаваат случаи кога мајката не сака да се оддели од својот син и се уште го третира како бебе, како и случаи кога синот едноставно не сака да се оттргне од мајката. Таквиот маж откако ќе стане возрасна личност, има сериозни проблеми во воспоставувањето на нормален однос со женскиот пол.
Се препорачува во периодот на пубертетот, кога тинејџерите се најчувствителни, повеќе да се дружат со својот татко и да се занимаваат со интереси кои најчесто се дефинираат како машки. На тој начин, тие нема да бидат изложени на влијанието на мајката во толку голема мера и ќе научат како да бидат независни.
Сепак, немојте да се лажете дека ако мажот е силен и мажествен, тој не е мамин син. За волја на вистината, секој маж може да е мамин син, без разлика на тоа како изгледа однадвор. Во суштина се се сведува на комплексна човечка психологија, која е резултат на начинот на кој ве воспитале вашите родители.