Педофилија и инцест во семејството

АНАЛИЗА НА МВР
Годинава сексуално злоставени 83 деца
Точно 95 лица на овој или на оној начин сексуално злоставувале 83 деца, велат полициските анализи.
Лани за истиот период бројката на оваа девијантна појава била незначително помала за 31 отсто од годинава, односно 73 педофили нападнале 79 малолетници и деца.
Според МВР, зголемувањето на бројката било поради зголеменото внимание на медиумите, невладините организации но и на полицијата и зголемениот број на извршените контроли.
Најголем број од регистрираните напади биле врз малолетници кои немале наполнето 14 години, односно 53 дела. Овие напади на малолетници најмногу или осум биле извршени во Скопје, а имало злоставувања во Штип, Велес, Тетово и Струмица.

За овие регистрирани случаи, кривично пријавени се 61 лице, од кој најмладиот имал 18 години а најстариот 35.

Како жртви на ова кривично дело најголем број се девојчиња или 48, а момчињата биле нападнати во 10 случаи. Најмалата жртва имала шест години.
Карактеристично е дека жртвите, велат полициските аналитичари, во најголем број случаи потекнуваат од социјално загрозени семејства, а пет од нив се штитеници на институции за згрижување на деца.

Маж силувал деветгодишно дете

Гевгеличанец силувал и тешко повредил деветгодишно машко дете, во четвртокот, во близина на Гевгелија. Полицијата го уапси С.К. (30) и против него поднесе кривична пријава за полов напад врз малолетник. Истражен судија му одреди 30-дневен притвор.

Истрагата утврдила дека дента околу 11 часот осомничениот со автомобил дошол пред училиштето каде што учел малолетникот. Детето излегло од училишната зграда, а пријавениот сосила го вовлекол во автомобилот и го однесол во близина на Гевгелија, каде што го силувал и го повредил. Поради сериозноста на повредите, детето е згрижено на лекување во скопскиот Клинички центар.