Хит Леџер-мртов!!

Таткото на покојниот Хит Леџер во големо интервју кое го даде за американските медиуми прв пат отворено проговори за смртта на својот син, прославениот актер. Ким Леџер, професионален возач на автомобилски трки, изјави дека Хит е сам крив за својата смрт, но во целото негово интервју преовладува голема огорченост со што американската јавност и неговите обожаватели останаа шокирани.

- Хит е самиот виновен за својата смрт и требаше да внимава како ги комбинира лековите. Секој си е одговорен за своите постапки и поради тоа јас го обвинувам него бидејќи тој почина од неговата неодговорност. Тој им веруваше повеќе на докторите отколку на семејството и пиеше четири различни лекови препишани од четири доктори кои очигледно не знаеле што прават, рече таткото.

Ким се осврна и за смртта на Мајкл Џексон и ги спореди двете ѕвезди кои починаа на сличен контроверзен начин.

- Хит и Мајкл беа многу повлечени и никогаш не зборуваа за своите проблеми. Не е мое за да го советувам семејството на Џексон како да го преживее ова, но мора да знаат дека болката нема да исчезне. Како одминува времето така медиумите спласнуваат и тогаш е моментот кога тој најмногу му недостига на семејството. Сакам само да можам да му се јавам, но не можам. Хит секогаш се трудеше да ја задоволи американската, односно холивудската јавност. Тој со денови размислуваше за својата кариера и секогаш се трудеше да не ги разочара своите обожаватели. Со таков стрес тешко е човек да се носи, изјави Ким Леџер.