Син или ќерка?

Традиционалното преферирање синови е особено рапространето во Кина, Северна Кореја, Индија и Пакистан. Женските доенчиња како и девојчињата и жените се запоставуваат како при исхраната така и при здравствената нега. Со напредокот на техниката можно е одредување на родот на фетусот во утробата на мајката. Девојчињата се абортираат или се убиваат и оставаат по раѓањето.

Според демографските пресметки ширум светот „недостасуваат“ повеќе од 90 милиони жени, и тоа иако тие при еднаква исхрана и здравствена нега, статистички гледано достигнуваат подолг животен век од мажите. Во Јужна Азија, Кина, Блискиот и Среден Исток стапките на смртност кај девојчињата во споредба со момчињата на иста возраст честопати се двојно повисоки. Просечно, на 100 машки новороденчиња се раѓаат 93 до 96 женски. Во 21 земја на земјината топка се раѓаат помалку од 95 жени на 100 мажи, пред сé во Азија и на Пацификот, додека во другите земји како Европа, Америка и поранешниот Советски Сојуз присутен е минимален „вишок на жени“. Во Кина, преку селективни абортуси на 100 раѓања на момчиња се раѓаат 88 девојчиња.

Традиционалното преферирање синови е длабоко вкоренето во општествената структура. Во Кина и Индија синовите уживаат висок социјален престиж. Само мажите можат да го спроведат традиционалниот култ на обожување. Бидејќи девојките се мажат во друго семејство, синовите нудат сигурност за старосна нега на родителите. Во општествата, во кои семејствата при мажењето на ќерката мораат да дадат мираз, посилно е распространето практикувањето на дискриминација на ќерката отколку таму, каде според традицијата младоженецот треба да даде пари или каде е можно мажење без трансфер на пари. Убивањето женски новороденчиња како последен излез од проблемот со миразот, сé повеќе се прифаќа во најсиромашните предели во Индија. 

Во Кина проблемот е закоренет во тоа што од страна на државата насилно се создаваат „семејства со едно дете“. Ова едно дете што му се припишува на семејството, би требало според желбата на родителите да биде момче. Во регионите, каде жените имаат повеќе економска моќ во семејството, бидејќи одат да работат или работат земјоделство и доколку тие играат улога при старосната нега, тогаш синовите не се преферираат воопшто или не се преферираат толку јасно.

Што се прави против традиционалното преферирање синови? Во Кина и Индија забрането е пренаталното одредување на полот и селективните абортуси. Но, самите закони не можат да ја блокираат ваквата пракса...........