Дали е потребен штрајк во образованието

Повеќето даскали се уште без плата

Само во училиштата од седум општини од вкупно 84, била исплатена првата бруто-плата во законскиот рок што истече завчера

Училиштата од само седум од вкупно 84 општини во земјава ја исплатиле првата бруто-плата на своите вработени иако истече законскиот рок. Исто така неколку министерства вчера чекаа да им биде исплатена платата на истекот на рокот зададен со новата реформа.Според претседателот на Самостојниот синдикат за образование, наука и култура Дојчин Цветановски, најголем дел од вработените во образовните институции се' уште ја чекаат првата плата.Како причина за доцнењето на платите Цветановски ја посочи неажурноста на голем број училишта што не ја собирале навреме потребната документација, но и погрешните пресметки, кои веќе еднаш Управата за јавни приходи ги вратила.

- Дел ќе земат денес плата, но преостанатите се' уште чекаат. Сега пресметките ќе треба да се пратат до УЈП, па оттаму во Министерството за образование и наука, па на крај во Министерство за финансии и ќе помине време додека сите да добијат плата - вели Цветановски.Од Министерството за образование не можеа да кажат кои општини доставиле пресметки и колкав е точниот број на вработените што не зеле плата со оправдување дека тие информации не се од јавен карактер.Наставниците од скопските средни училишта велат дека за платите уште не знаат кога ќе ги добијат, но велат дека пресметката им била вратена.

- Наместо да им покажат како да ги прават пресметките, тие секој ден им ги враќаат. Сега платата доцни затоа што постојано наоѓаат грешки. Нема да земеме ни плата, а ќе плаќаме казна - вели професор во скопско средно училишта.Според информациите на портпаролите, до затворањето на весникот плата се' уште немаа добиено голем дел од министерствата. Така, првата плата вчера се очекуваше во Министерствата за внатрешни работи, за одбрана, за земјоделство, за правда и за образование. Од друга страна, вработените во Министерствата за финансии, за култура, за здравство, за економија и за труд и социјална политика веќе ја добиле првата плата годинава. Портпаролот на Владата, Шефик Дураки, вчера не беше достапен да одговори дали владините служби и премиерот зеле плата. Од претседателскиот кабинет информираа дека и тие зеле плата уште пред десетина дена.

УЈП не излезе со точни податоци за бројот на исплатените плати во државава иако вчера истече последниот рок за исплатата на првата плата според новата реформа. УЈП и Министерството за финансии најавија дека денеска ќе ги објават целосните податоци за првата исплата по воведувањето на реформата. Оттаму треба да информираат и дали тие што го пробиле рокот ќе бидат казнети. Казната изнесува од 2.000 до 3.000 евра за компаниите и институциите, а од 500 до 1.000 евра за вработен што нема да го пријави својот работодавец ако не му се платени придонесите навреме.Според последните податоци, до петокот во УЈП пристигнале пресметки за 54.660 фирми, од кои се одобрени 52.888. Заклучно со четвртокот, плати исплатиле 22.145 субјекти на 186.576 вработени, а преостанатите, околу 30.000 фирми имаат дозвола од УЈП да им исплатат плата на 177.520 вработени.

Превозот до училиштата, наставниците сами си го плаќаат

Некои училишта ќе одработуваат за штрајкот

Некои од основните и средните училишта во Скопје денеска ќе ги дополнуваат часовите изгубени за време на штрајкот во декември.

Иако синдикатот (СОНК) и Министерството за образование не одлучиле како и кога ќе се одработуваат деновите од штрајкот, денеска ќе се одржи настава во училиштата во Карпош, зашто такво известување добиле од општинскиот просветен инспектор. Училиштата во Бутел вчера најавија дека ќе работат, но потоа ја сменија одлуката.

- Ако не ги одработиме деновите, има шанси инспекторите да не' казнат и да не можеме да ги потпишеме свидетелствата. Од СОНК не' информираа да не работиме, повикувајќи се на спогодбата со Министерството, но се плашиме дека Синдикатот нема да не' заштити од можна казна - велат директорите на учлиштата. Претседателот на СОНК, Дојчин Цветановски, е шокиран од притисокот што го врши општинскиот инспектор врз училиштата.