ПЕСНАРИЦА НА МАКЕДОНСКИ НАРОДНИ ПЕСНИ

Стани ми сине Стојане

Стани ми, сине Стојане,
големо оро се збрало Стојане,
големо оро се збрало.

На гергелички чаири
играат сине и пеат, Стојане,
играат сине и пеат.

До секоја мома и момче,
до Ратка твоја двамина, Стојане,
до Ратка твоја двамина.

Два мина, сине овчари,
овчари сине, чобани Стојане,
овчари сине, чобани.

- Нек' пеат мамо, нек' играат,
Ратка е моја, па моја, мамо ле,
Ратка е моја, па моја.

Прстенот ми е уф неа,
гривните ѝ се уф мене, мамо ле,
гривните ѝ се уф мене.


Стани моме да заиграш

Стани моме да заиграш
да те гледам весел јас,
чифте, чамче игриво
наше оро убаво. [2х]
Опа нинанинај нинај нај
нинанај мило моме нинанајнај. [2х]

Изви моме снагата ти
твојта снага убава,
да те гледам да пејам
оти само еднаш живеам. [2х]
Опа нинанинај нинај нај
нинанај мило моме нинанајнај. [2х]

Само еднаш се живее
овој живот лажовен,
дур сум сум жив да се радвам
и да умрам да не жалам. [2х]
Опа нинанинај нинај нај
нинанај мило моме нинанајнај. [2х]


Стани Станке

Стани Станке, стани ќерко
сонце те огреа
сонце те огреа Станке мори
на белото лице.

Стани Станке, стани ќерко
дворој да изметиш
дворој да изметиш Станке мори
стројници ќе дојдат.

Стројници ќе дојдат, Станке
тебе ќе те земат
тебе ќе те земат Станке мори
многу на далеку.

Многу на далеку,Станке
многу на далеку
многу на далеку Станке мори
преку три планини.

Сторил ниет зајко, зајко кокорајко

Сторил ниет зајко, зајко да се жени
зајко кокорајко, токмо младожења
Сторил ниет зајко, зајко да се жени
зајко кокорајко, зајко да се жени, зајко кокорајко
зајко сербеслија упрчил мустаќи
си натресол гаќи, нагрнал џамадан
капа писќулија, море, токмо младожења.

Ми оженил зајко лиса удовица
свеска испосница, личи на невеста.
Ми поканил зајко, китени сватови
мечка месарија, вучица кумица, ежо тапанџија.
Се накити лиса, лиса удовица,
маза размазана, селска визитарка.
Кога виде зајко, 'рти ем ловџии,
се уплашил зајо, личен младожења.

Па си тргна зајко, низ Солунско поле,
там' си сретнал зајко, до два-три ловчии
ем они си носат пушки сачмајлии,
'рти ем загари, све одбор ловџии,
море, силни нишанџии.
Па си летнал зајко, зајко да ми бега,
зајко кокорајко, лишен младожења
си искинал гаќи, размрсил мустаќи,
искинал гаќи, расмрсил мустаќи,
искинал џамадан, викнал се, провикнал;
море не сум младожења!


Судбо моја

Судбо моја, судбо ти проклета,
што грев стори, ти што ме запусти?
Мојта младост ти ми ја поцрне,
либе имав, оно ме остави.
Што бре судбо јазе ти направив,
цел век судбо болка ми остави?

Дојде време с' либе се разделив,
солзи ронам и со душа зборам.
Зошто либе мене ме остави,
се љубевме време три години?
Срце болно за тебе изгубив,
лоша дума јазе не ти реков.

Субдо моја, судбо ти проклета,
зошто судбо мене ме проколна?
Јас останав сирак без родбина,
немам судбо кој да ме превира.
Далеку во пустиња ќе идам,
кај што судбо сонце не огрева.


Сулејман ага

Сулејман седит на кула, џанам
Милјана одит на вода.
Извикнал Сулејман ага, џанам:
- „Милјано моме убаво,
остави стомни шарени.“

Остави стомни шарени, џанам,
качи се горе на кула.
Качи се горе на кула, џанам,
отвори долап мусандра.

Извади шише ракија, џанам,
тури ми да се напијам.
Да пијам, да се опијам, џанам,
на скути да ти преспијам,
од грло да ти летувам.

а ја знаете... АЈДЕ ШТО СИ БЕВМЕ, ГОЛЕМОТО ДРУШТВО, ГОЛЕМОТО ДРУШТВО СИТЕ ПАТРИОТИ... !!!!?????

ај ве замолувам ако може некој да ми го најде текстот за песната
Помолила Бога Маца?

Да не има некој текстови од етно-бендот Баклава?

Те видов тебе и се заљубив

Те видов тебе и се заљубив
и сакав да те имам јас.
и срцето да ти го подарам
пак не можам сè да искажам.

Гласот твој е ангелски
а думите ти се нежни.
Тешко е да те слушам јас
срце имам но ќе изгаснит.

И твојата убава руса коса
сплетена е со мека коприна.
Не си вода да те испијам,
a ни река да те препливам.

Дење и ноќе на тебе мислам јас,
o, ангел мој за тебе умирам.
И светот кога би се изменил
ти ќе бидеш моја пак моја.


Те кажувает бре, Илиној моме

Те кажувает бре, Илиној моме
да си тенко плело
и ситно си ткало.

Ја ќа ти дада бре, Илино моме
еден стодрам памук,
еден сто драм памук.

Ти да ми исткајеш бре, Илиној моме
триста лакти платно,
триста лакти платно.

Шо ќе ти останет бре, Илиној моме
една бела риза,
една бела риза.

Те кажувајет бре, ковенџи Петре
(кувенџи Ѓорѓи)
да си мајстор било,
да си мајстор било.

Ја ќа ти дада бре, ковенџи Петре
една стара пара,
една златна пара.

Ти да ми направиш бре, ковенџи Петре
еден сребрен разбој,
еден сребрен разбој.

Шо ќе ти престанет бре, ковенџи Петре
еден сребрен прстен,
еден сребрен прстен.


Те сакам песно македонска

Љубов си ми ти,
младост си ми ти,
песно убава
јас без тебе
знај не можам.

Радост си ми ти,
тага си ми ти,
песно убава
што и да си
ти моја си.

Рефрен:
Те сакам песно македонска, македонска
љубов моја ти песно македонска.
Те сакам песно македонска, македонска
младост моја ти песно македонска.

Љубов си ми ти,
младост си ми ти,
песно убава
јас без тебе
знај не можам.

Цвеќе си ми ти
ѕвезда си ми ти,
песно убава
што и да си
ти моја си.

Рефрен:
Те сакам песно македонска, македонска
љубов моја ти песно македонска.
Те сакам песно македонска, македонска
младост моја ти песно македонска.


Тешка беше нашата разделба
(Збогум мила дојде време)

Збогум мила дојде време
јас од тебе да се разделам.
Јас пак беден роден сум без к'смет
сè со мака, тага голема.

Тешка беше нашата разделба,
кога тргнав од својот роден крај.
Мојте солзи патот го топеа,
по патот за непознат крај.

Дојдов тука како јабанџија,
далеку од својот роден крај.
Срце плачи нигде среќа нема,
тежок гурбет тага голема.
Срце плачи нигде среќа нема,
тежок гурбет в' туѓа туѓина.

Ако бог дај јас да се вратам
тебе Стојне да те прегрнам.
Да ти кажам мојте маки,
мојте маки, таги големи.

Тргна ми Донка да оди

Тргна ми Донка да оди
на таа чешма шарена
на таа вода студена
низ тоа поле широко.

Оздола иде беќарче
на Донка вели говори
постој ми Донке почекај
јас да ти речам два збора.

Прсна ми Донка да бега
низ тоа поле широко
низ тоа поле широко
низ тие пусти капини.

Пуста капина ја фатила
за свиленото фустанче
држи ја капино не пуштај
голема фалба за тебе
голема фалба за тебе
убава Донка за мене.


Тргнала си Рума мома

Тргнала си Рума мома
низ гора зелена,
и по неа Стојан овчар
с' меден кавал свири.

Руме, моме
Руме, умирам за тебе
Руме моме
Руме, изгорев за тебе.

С' кавал свири Стојан овчар
ситна роса паѓа,
и на Руме подвикнува:
Стој, почекај Руме.

Руме, моме
Руме, умирам за тебе
Руме моме
Руме, изгорев за тебе.

Ќе ти колам рудо јагне
дали би ме зело?
Зело би те, зело лудо
ама куќа немаш.

Руме, моме
Руме, умирам за тебе
Руме моме
Руме, изгорев за тебе.

Ќе ти купам свилен фустан
дали ќе го носиш?
Не купувај не арчи се
тебе не те сакам.

Руме, моме
Руме, умирам за тебе
Руме моме
Руме, изгорев за тебе.


Тргнала Тода мома за вода да оди

Тргнала Тода мома за вода да оди,
на таа чешма, Тода, чешма шарена.
Одила Тода мома што одила,
на пат Тода мома потера сретнала.

Тогај се Тода мома назад вратила,
и на братот Тода мома му кажала.
- Ај стани, стани брату, стани Ѓорѓи,
лоша потера, Ѓорѓи, нè сардиса.

Не бој се, Тодо мори, гајле не бери,
подај ми, Тодо мори, берданка пушка.
И дај ми, Тодо мори, ситни к*ршуми,
тури ми, Тодо мори, чаша ракија.

Па да видиш, Тодо мори, што чудо ќе правам,
потера ќе бега, Тодо, до бога ќе плаче.


Тргнало ми лудо младо

Тргнало ми лудо младо
за солунски пазар
и на моме проговара
рачај, порачувај.

Рачај порачувај моме
што да ти донесам
срмено елече моме
или ѓерданче.

Купи лудо, купи младо
што ти срце сака
што ти срце сака лудо
што го нема тука.


Три години болен лежав

Три години болен лежав
аман, аман, аман
за твоите црни очи. [х2]

Отвори го пенџерчето
аман, аман, аман
да ти речам до два збора [х2]
и пак затвори го.

Очите ми, очите ти
аман, аман, аман
тие ми се стројниците. [х2]

Милувај ме, бакнувај ме
аман, аман, аман
тие се велат прикаски. [х2]

Ај повтори избаци ме
аман, аман, аман
да не легнам и да умрам. [х2]


Три години Кате болен лежав

Три години Кате болен лежам, ајде де
ти не дојде Кате да ме видиш.
Шуќур Господ Кате те донесе, ајде де
понадица Кате да ми донесиш.

Понадица Кате да ми донесиш, ајде де
среде лето Кате жолта дуња.
Среде лето Кате жолта дуна, ајде де
среде зима Кате лубеница.

Поткрени го Кате перничево, ајде де
сврти ми го Кате кон езеро.
Да го видам Кате езероно, ајде де
како бијат Кате, далги, далги.

Како бијат Кате, далги далги, ајде де
така бијат Кате моево срце.
Така бијат Кате моево срце, ајде де
моево срце Кате за твоето.


Три години либе се сакавме

Три години либе се сакавме
лоша дума либе не рековме. [x2]
Сека вечер либе ти ми велеше:
ќе те земам либе за невеста. [x2]

Пуста да е либе таа печалба
таа двајца либе не раздели. [x2]
Пет години либе пројдоа
сите си дојдоа, тебе те нема. [x2]

Кажи, кажи либе што ти сторив
Та што мене млада заборави? [x2]
Не сум те бре либе заборавило
земја ми е лице покрила. [x2]


Три години се љубевме

Три години се љубевме
лоша дума не рековме. [x2]

Зар не ти е жал бре либе, аман ли за мене,
јас да умрам сè заради тебе? [x2]

Твојта мајка песни пее
А пак мојта солзи лее. [x2]

Зар не ти е жал бре либе, аман ли за мене,
јас да умрам сè заради тебе? [x2]

Тебе ти чукат тапаните
А пак мене камбаните. [x2]

Зар не ти е жал бе либе, аман ли за мене,
јас да умрам сè заради тебе? [x2]

Тебе те носат на венчило
А пак мене на носило. [x2]

Зар не ти е жално либе, аман ли за мене,
јас да умрам сè заради тебе? [x2]


Три години сејмен шетав

Три години сејмен шетав
низ вашето пусто село.
Тебе дома не те најдов
да сториме здраво-живо.

Да је речеш на золва ти
дал' го чуват аманетот?
Аманетот три годишен
две јаб'лка ѓулави.

Две јаболка ѓулави
ни од сонце огреани.
Ни од с'нце огреани,
ни од роса поросени.