Учебници-многу скапи, бесплатни...

Излезе новиот учебник по математика за шесто одделение. До сега во употреба беше ланскиот, но ни беше наложено да го купиме новиот, иако веќе првото полугодие завршува. (300 денари е учебникот а 250 раб. листови).

И што да видиме, луѓе мои...ИСТ УЧЕБНИК-ПОИНАКОВ ФОРМАТ. Да не ја речам онаа безобразна поговорка

Ама ист, ист човече, ист редослед, исти дефиниции................

Излезе и новиот по биологија. Моравме и него да го купиме (не заборавете дека на почеток на годинава родителите секако мораа да купат од ланските книги). Овој демек со прилог ЦД. Забележав дека иако поинаков по сликичките, растенијата и поделбите на царствата останале исти....

Пристапот на образованието кај нас не е хируршки, туку месарски - лекциите се неразбирливи, мора да памтиме некорисни бројки и информации, се пожалија учениците на вчерашната трибина „Наставните планови и програми - применливост на знаењата“ во организација на партијата за Демократска обнова на Македонија (ДОМ). Наставниците нагласија дека наставната програма е премногу сложена и дека учебниците се исполнети со податоци што учениците мора да ги учат напамет, без да размислуваат логички. Велат дека Бирото за развој на образованието никогаш не ги вклучува нивните забелешки, иако тие од искуство знаат што треба да содржи програмата. Наставниците додаваат дека крајниот збор секогаш го имаат универзитетски професори.

- Бирото за развој на образованието никогаш во моето дваесетгодишно искуство како наставник не ме прашало дали програмата е добра. Наставните планови и програми не се прават за три месеци, како кај нас - рече Олгица Велковиќ, професорка во средно училиште од Куманово.Претседателката на ДОМ, Лилјана Поповска, констатира дека многу ретко и' се посветува внимание на програмата, а таа е најважна во образовниот процес.

- Не ни требаат „бубалици“, кои учат голи информации, туку луѓе со знаење. Ако наставната програма не е добра, недостатоците ќе се провлекува во сите степени на едукацијата. Потребно е на децата да им се кажува суштината на работите - рече Поповска.Како пример за пренатрупаност со информации таа ги посочи учебниците по историја и по македонски јазик за петто одделение.

- Не може петтоодделенецот да ја научи сета структура на македонскиот јазик во една година, тоа ќе предизвика хаос во главата на детето. Погледнете ја историјата, па кој може да ги запамети сите години? - се запраша Поповска. Од Бирото сметаат дека програмите се едноставни и јасни.

- Не сме ние единствени фактори, тука се директорите на училиштата и издавачките куќи. Има стандарди за учебници, кои издавачките куќи не ги почитуваат. Самите директори и наставници не треба да избираат несоодветните учебници. Во нашите планови се води грижа да не се преоптоварат децата, но признаваме дека во некои учебници го има и тоа - објаснија претставници на Бирото.

Анета Тодевска- Dnevnik

 ... Tragikomicno e shto istite ucebnici na koi se zalat nastavnicite so mali promeni vo ilustraciite se pak staveni na listata na izbranite. Istite avtori za koj se debatira i konstatira ne samo shto gi preizdavaat svoite "kritikuvani" ucebnici tuku im e dadena moznost da "doisfrustriraat" i drugi ucenici. Pa taka avtori koi bile specijalisti za nastavnite predmeti za ucenicite od V-VIII odd, napishaa ucebnici i za ucenicite od I-III, a se shpekulira deka nivnite rakopisi se gotovi i za ostanatite oddelenija.

Kontrola na kvalitet nema i ocigledno za dolgo vreme kje nema. Ni ostanuva edinstveno da se molime da se prezasitat od zarabotkata i belkim ednash kje recat dosta. Inaku ...kje se debatira, kje se diskutira...konstatira ama pak rabotite kje si tecat...Kucinjata laat-karvanot si vrvi!