Кандидати за претседател

   Отсуство на вистински кандидати или тактизирање пред политичкиот противник. Три месеци пред официјалниот старт на кампањата партиите велат рано е, неизвесно е кои им се фаворитите за првата фотелја во државата и во општините.

Во меѓувреме медиумите шпекулираат, а јавноста е преплавена од анкети за рејтинзи. Последната на „Форум“, личностите за иден претседател избрани според јавно или тајно изразените желби да се биде татко на нацијата и според новинарските брифери.

Керим прв, Бошкоски по него, тука се и Селмани, Ставревски но и Црвенковски, кој иако јавно рече дека нема да учествува, не се знае, може во име на народот, како минатиот пат повторно да влета во трката.

Прв пат, вели Чашуле, ако не урнати веќе има пукнатини во етничките бариери. Десет проценти од анкетираните македонци би гласале за Имер Селмани.

ВМРО-ДПМНЕ ужива доверба од 29 проценти, СДСМ и ДУИ дружно на втората позиција со 11 проценти, а ДПА со скромни три проценти поддршка.

„Објективно, претседателот на ВМРО-ДПМНЕ и премиер, не може во опозицијата да најде, да го наречеме, партнер со кого би оделе и ја барале довербата од македонските граѓани“, вели Слободан Чашуле, „Форум“.

За ДУИ резултатите се реални, но жалат за лошиот рејтинг на опозицијата.

„Не е наша вина што опозицијата не е толку активна во процесот на демократизацијата“, рече Тахир Хани, ДУИ.

СДСМ не ги коментира податоците, велат ќе има многу анкети, зачудени се зошто Црвенковски е ставен на листата.

Не коментира официјално ни ВМРО-ДПМНЕ, иако од податоците се задоволни. Не откриваат ни дали за претседател типуваат на партиска или непартиска личност.

„Оној момент кога ВМРО-ДПМНЕ ќе го истакне својот кандидат, ќе бидете информирани“, изјави Александар Бичиклиски, ВМРО-ДПМНЕ.

Без коментар се и дали доколку се одлучи дека Ставревски би бил попотребен во економијата, можна комбинација би бил собранискиот спикер.

Изменето од kultuzin - 13.Декември.2008 во 10:56

Внеси реплика	страница 12 3 15 >
Tweet