Ваши предлози до владата

Антикорупциската комисија побара од осуммина функционери и службени лица да се откажат од истовремено членување во повеќе управни или надзорни одбори на јавни претпријатија, фондови, агенции или комисии. Кај Косана Николиќ-Мазнева, Наташа Стојмановска, Петар Есмеров, Иво Котевски, Маја Парнаџиева, Славче Трпески, Рухи Бакиу и Владимир Цветиновски, Комисијата утврдила судир на интереси, односно кумулација на функции, што е спротивно на Законот за спречувањето на корупцијата, бидејќи функцијата пратеник е неспоива со која било друга функција или членство во какви било одбори.

 

Експертите се децидни дека партиската припадност и пријателството со првите луѓе во Владата и владејачката партија е основниот критериум, според кој се именуваат членовите на управните одбори во јавните претпријатија. Затоа тие се неефикасни, работат со загуби и ги штитат личните и партиските интереси, а не интересите на граѓаните. Главните причини за партизација и акумулација на членствата во УО во исти луѓе е потребата од поголема контрола врз јавните претпријатија, полесно владеење и еден вид награда преку хонорарот што им се исплаќа за членството.