ПЕСНАРИЦА НА МАКЕДОНСКИ НАРОДНИ ПЕСНИ

Не плачи мило либе, не жали
       (Параходот)

Параходот ми пристигна
збогум либе подај рака
не плачи мило либе, не жалај
јас пак ќе се вратам.

Очите ти насолзени,
устето ти насмејано
не плачи мило либе, не жалај
јас пак ќе се вратам.

Ја земи си бело крпче,
избриши си црни очи
не плачи мило либе, не жалај
јас пак ќе се вратам.


Не прибирај мајко стројници

Не прибирај мила мајко стројници
а, а мила мајко ле,
јас си имам мила мамо
либе комшивче.

Комшивче ле мила мамо, комшивче
а, а мила мајко ле
едно лично лудо младо
терзивче.

Не дели ме мила мамо од него
а, а мила мајко ле
боса ќе бегам мамо
по него
а, а мила мајко ле
животот го давам мамо за него.


Не раѓај мајко, лична Македонијо

Не раѓај мајко, лична Македонијо,
Не раѓај ќерки убави.
Твоите ќерки, мајко Македонијо,
Тиран ти граба на сила.

Ти раѓај само, мајко Македонијо,
Ти раѓај само синови.
Знаме да развеат по Македонија,
Народ да зберат, поробен.

Твоите синој, по горја, планини,
Крв си пролеват за тебе.
Момите лични, убави прикажани,
Венат си млади аргатки.

Не си го продавај Кољо чифликот

Не си го продавај Кољо чифликот
мама не ме дава Кољо за тебе. [2х]
По меани одиш Кољо, рујно вино пиеш,
дома рано не си одиш да спиеш. [2х]

Колку ти чини Кољо чифликот,
толку ми чини Кољо лицето. [2х]
По меани одиш Кољо, рујно вино пиеш,
дома рано не си одиш да спиеш. [2х]

Не си го продавај Кољо трлото,
мама не ме дава Кољо за тебе. [2х]
По меани одиш Кољо, рујно вино пиеш,
дома рано не си одиш да спиеш. [2х]

Колку ти чини Кољо трлото,
толку ми чини Кољо грлото. [2х]
По меани одиш Кољо, рујно вино пиеш,
дома рано не си одиш да спиеш. [2х]


Не стој Доне, Донке

Не стој Доне, Донке
не гледај ме [2х]
од гледање Донке фајде нема.

Рефрен:
Не стој Доне, Донке [2х]
не гледај ме, еј.
Не стој Доне, Донке
не гледај ме
од гледање Донке фајде нема.

Дани дуни, дани дунини [3х]
фајде нема.

Кога појдов Донке во Битола
во Битола Донке за Солуна. [2х]

Рефрен
Не стој Доне, Донке [2х]
не гледај ме, еј.
Не стој Доне, Донке
не гледај ме
од гледање Донке фајде нема.

Сите моми Донке ги заљубив
само тебе Донке те засакав.

Рефрен
Не стој Доне, Донке [2х]
не гледај ме, еј.
Не стој Доне, Донке
не гледај ме
од гледање Донке фајде нема.

Отфрли си Донке ал шамија
да ти видам бело лице.

Рефрен
Не стој Доне, Донке [2х]
не гледај ме, еј.
Не стој Доне, Донке
не гледај ме
од гледање Донке фајде нема.


Невесто лична калешо

Невесто лична калеша,
синоќа ти лафот чиневме
тебе млада да оставиме.

Девере, најмал девере
каква ми мана најдовте
мене млада да оставите?

Невесто лична калешо,
девет години, в' десетта,
каму ти лулка до тебе
и в' лулка машко детенце?

Девере, најмал девере,
девет години, в' десетта,
постела не сум послала,
со момче не сум легнала.

Дека што пие, там спие,
дење и ноќе не иде,
името ми е невеста,
на срце сум си девојка.

Немам мило, немам драго

Немам мило, немам драго,
нит пак сакам ти да знајш,
како бродот без кормило,
јас ќе скитам по светот.

Ќе си скитам јас езера,
без надежи, без љубов,
дури јас не си го најдам,
денес мојот студен гроб.

По полиња, по горите,
кај ќе стигнам, ќе спијам,
ќе се влечкам по тревите
и по полските цвеќа.

Ќе се качам на Венера,
на најсветлата ѕвезда,
ќе ѝ кажам јас на неа,
што сум патил по светот.

Ќе се качам в' парахода
и ќе викнам с' голем глас:
„Збогум мила, збогом драга,
јас ќе одам далеку“.


Немој ме, мила мамо, луто да колниш

Немој ме, мила мамо, луто да колниш,
Оти сум станал мамо, младо спаивче.

Ја, спремај ми го мамо брзото коњче,
Јас ќе си одам мамо, Благино село.

Ако е Блага, мамо болна легнала,
Јас ќе се сторам мамо, младо докторче,
И ќе ја лечам мамо, без пари.

Ако е Блага, мамо за друг свршена,
Јас ќе се сторам мамо, младо касапче,
И ќе ја сечам мамо, парче по парче.


Нешто ќе те прашам сине

Нешто ќе те прашам сине
право да ми кажеш.
Право да ми кажеш сине,
без да ме излажеш.

Зошто сине болен лежиш,
време три години?
Време три години,
па и шест месеци?

Штом ме прашаш стара мајко,
право ќе ти кажам.
Право ќе ти кажам мајко,
без да те излажам.

Кога си бев стара мајко,
на млади години,
арамија шетав мајко
по бојски планини.

На пат сретнав стара мајко,
момче и девојче.
В раце си држеа стара мајко,
едно машко дете.

Јас им реков стара мајко,
оган да запалат.
Оган да запалат стара мајко,
дете да испечат.

Кога го печеа мајко
мене ме гледаа.
Кога го јадеа мајко,
мене ме колнеа.

Зато сум ти стара мајко
толку болен, лежам.
Време три години,
па и шест месеци.

Никнало, никнало, цвеќе шарено

Никнало, никнало,
Цвеќе шарено,
Пред моми, пред моминото
Пенџерче.

Дење го, дење го
Моме вадело,
Ноќе го, ноќе го
Момче крадело.

Дејгиди, дејгиди,
Момче будало,
Не знаеш, не знаеш,
Моме да љубиш,
Тук' знаеш, тук' знаеш
Цвеќе да крадеш.

Цвеќето, цвеќето
Е за мирисање,
Момето, момето
Е за љубување.


Нико, Нико меанџико

Нико, Нико мори, меанџико,
чини есап Нико да ми платиш,
што ти служев, Нико, три години,
сум решило Нико да се женам.

Еј Стојане, море измеќаре,
ако сакаш Стојан да се жениш,
јас си имам Стојан, измеќарки,
која сакаш Стојан, таа земи.

Нико, Нико мори, меанџико,
татко ми оставил проклетија,
да не земам, Нико, јас девојка,
тук' да земам, Нико, јас вдовица.

Еј Стојане, море, млад Стојане,
ако сакаш, Стојан, ти вдовица,
ако сакаш, Стојан, ти вдовица,
седи овде, Стојан, земај мене.

Од Битола до Вевчани

Од Битола до Вевчани сè сардисано [2х]
ура, ура Ставре војвода.
Го сардиса млад Ставре Ушекутков [2х]
ура, ура Ставре војвода.

Ставре имат машко срце не се предават [2х]
ура, ура Ставре војвода.
Ставре има бердан пушка не се предава [2х]
ура, ура Ставре војвода.

Прва бомба што ми фрли в конопиштата [2x]
ура, ура Ставре војвода.
Па ми удри десет души од аскерот [2х]
ура, ура Ставре војвода.

Сврти пушка во градата Ставре војвода [2х]
ура, ура сам се убива.
Ура, ура за Македонија.


Од врв Пирин Планина

Од врв Пирин Планина
очаен глас се слуша,
Македонија плачи. [2х]

Проклета и триклета
да бидиш ти Европо,
блуднице Вавилонска. [2х]

Французи, Англичани,
Италијанци и Немци,
сакаат да сме под ропство. [2х]

Од рода сум Славјанка,
земја со злато полна,
зато завижџет толку. [2х]


Од кога е зора зазорила

Од кога е, мила моја мајчице,
зора зазорила, мила моја мајчице,
зора зазорила.

Од тогаш е, мила моја мајчице,
војска заврвела, мила моја мајчице,
војска заврвела.

Сабјите им светат, мила моја мајчице,
како јасно сонце, мила моја мајчице,
како јасно сонце.

Бајрактар им беше, мила моја мајчице,
мојто верно либе, мила моја мајчице,
мојто верно либе.

Ќе се борат, мила моја мајчице,
за Македонија, мила моја мајчице,
за Македонија.


Изменето од Miki_P - 08.Декември.2008 во 18:05

Одоздола иде, бабо

Одоздола иде, бабо мори,
одоздола иде,
одоздола иде, бабо мори,
едно лудо младо.

Бела коња јава, бабо мори,
бела коња вјава,
бела коња вјава, бабо мори,
со пушка на рамо.

Право, право оди, бабо мори,
право, право оди,
право, право оди, бабо мори,
на нашата порта.


Ожени ме мамо, женет да одам

Ожени ме мамо, женет да одам,
Пуста беќарштина, веќе не се трпи.

Ожени ме мамо за наш'то комшивче,
За наш'то комшивче, личното Мариче.

Кога низ двор шета, босо по налани,
Тенка снага крши, срцето ми гори.

За нашето комшивче, личното Мариче,
јас не можам мамо, по неа изгорев.

Дење сал' гледам, ноќе ја сонувам,
ноќе ја сонувам, сон не ме фаќа.


Оздола идет еден млад војвода

Оздола идат еден млад војвода,
по него одат седум, осум души,
нане мила нане, седум, осум души. [2x]
На рамо ми носат пушки малихери,
на гради ми носат чифте патрондаши,
на глава ми носет црни фес капчина,
нане мила нане, црни фес шапчиња. [2x]

Право ми тргет горе за Рашанец,
првиот ми беше Аргир Маринче,
вториот ми беше тој Васил Зимов,
нане мила нане, тој Васил Зимов. [2x]

Третиот ми беше Стеван к*ртела,
четвртиот ми беше Јанко Димитров,
нане мила нане, Јанко Димитров. [2x]

Бог да го убие Вељан од Речица, [2x]
нане мила нане, Вељан од Речица
што ги предаде седум осум души
Седум осум души, сè млади момчина
се млади момчиња, сите Македонци
нане мила нане, сите Македонци. [2x]

Ој девојче, девојче

Ој девојче, девојче,
ти тетовско јаболче.
Покажи белото лице,
сакам да го видам јас.

Море момче, бре будало,
убаво јабанџиче.
На фурна бело симитче
зарем не си видел ти?

Ој девојче, девојче,
ти тетовско јаболче.
Покажи црните очи,
сакам да ги видам јас.

Море момче, бре будало,
убаво јабанџиче.
В' чаршија црните веѓи
зарем не си видел ти?

Ој девојче, девојче,
ти тетовско јаболче.
Покажи т'нката снага,
сакам да ја видам јас.

Море момче, бре будало,
убаво јабанџиче.
В' градина т'нка топола
зарем не си видел ти?


Ој Јано, Јано

Ој Јано, Јано, убава Јано
од едната страна Јано
сонце ме грее,
од другата страна Јано
јасна месечина.

Какво фајде Јано мори
што сме си богати,
кога од срцето Јано
ти порода немаш?

Ој Јано, Јано, убава Јано
дали е од Бога Јано,
или е од чинка
дали е од тебе Јано,
или е од мене?

Мене ме е мајка лудо,
лудо проколнала,
мајка проколнала Стојан,
клела, говорила.

Ој Јано, Јано, леле мила ќерко
лика спроти тебе Јано
друга да не родиш,
оти ноќе плачеш ќерко,
а дење си спиеш.

Ти на мајка мила Јано
многу починуеш,
од срцето рода Јано
ти да не си имаш.


Ој кажи, кажи моме Калино

Ој кажи, кажи моме Калино,
што ти се јаде?
Мене ми се јаде печена погача,
од мома замесена.

Ој кажи, кажи моме Калино,
што ти се јаде?
Мене ми се јаде печена кокошка,
оште непроносила.

Ој кажи, кажи моме Калино,
што ти се пие?
Мене ми се пие тригодишно вино,
три пари преточено.

Ој като зема дренова тојага,
оште неокастрена,
три пати ќе удра, един пат ќе броја,
па да видим' што ти се пие!