Дали е потребен штрајк во образованието

Владата и СОНК ги завршија преговорите. Штрајкот заврши, просветарите на хартија добија дел од тоа што го бараа. Кажано со спортски речник - натпреварот заврши нерешено. Но, само навидум. Кога ќе се сумираат резултатите, произлегува дека СОНК „закла вол за кременадла“. Синдикатот доби малку, но изгуби многу. Она што останува како горчлив вкус по Пировата синдикална победа е фактот дека членството ја изгуби вербата во слободата на здружување. Се увери дека правата што ги гарантира уставот, воопшто не се загарантирани во македонската политичка практика и дека таа само декларативно се повикува на тој устав. По овој политички опструиран штрајк, членството на СОНК, но и граѓаните во земјава неповратно изгубија верба дека во земјава е можна каква било форма на синдикално организирање и дејствување, па дури и формално.

По притисоците со кои власта претходно го скрши штрајкот на СОНК, прашање е дали некој во иднина воопшто ќе помисли, а камоли да се дрзне да ги бара своите синдикални права преку пасивен протест со чмаење на работните места, а уште помалку преку активен штрајк. Во оваа земја таа приказна заврши. Дојчин Цветановски може краткорочно да се гордее на својот мал синдикален учинок, кој заврши како „решение на почек“ ,но долгорочно треба да биде загрижен за „тестаментот“ што му остана на синдикалното здружување во Македонија. Особено, треба да биде загрижен за тортурата што ја доживеа наставничкиот кадар за време на штрајот, како и за архивата од податоци за ученици, родители и наставници, која може да биде злоупотребена од власта за спектар од реваншистички постапки. Меѓу битката за демократијата и за хранарината, настрадаа правата. За жал, тие не може да бидат надоместени со никаков колективен договор.

Анета Тодевска

... revanshisticki postapki zasega  kje nema. Premierot  Gruevski MORA da gi iscisti tie "siledgii za ednokratna upotreba" , mora da si gi ispere racete od niv. Samo taka kje ja povrati stabilnosta na raznishanata od kataklizmickite zemjotresi doverba shto ja imashe kaj  narod. Prikaznite deka SDSMovcite se krivi ne palat, ne bea SDSMovci tie shto pretea, shto ucenuvaa. SDSMovcite bea angazirani na nastava, tie rabotea, tie bea shtajkbreheri.

Терор, понижување и лицемерство


Заврши штрајкот на просветните работници. Заради сите заткулисни работи, заради достоинство на наставниците, треба да се проговори отворено со поинаква информација до јавноста од онаа што ја пласира Владата.СОНК настапи со три барања- потпишување на колективните договори, зголемување на надоместокот за храна и превоз и трансформирање на работниот однос од определено на неопределено време на околу 8.000 привремено ангажирани наставници. Штрајкот почна со ентузијазам и единство, но единството траеше многу кратко. ВМРО-ДПМНЕ почна да ги користи сите можни и невозможни форми на притисоци, уцени од најдолен вид и невидени притисоци кон сите учесници во штрајкот.

 Гневот на партиските јуришници од општините, кои патем немаат никаков контакт со образованието, најнапред го почувствуваа врз себе наставниците примени на определено време со уцена за губење на работните места. Потоа на ред дојдоа партиски определените наставници од ВМРО-ДПМНЕ, кои беа повикани на партиска дисциплина, а по нив, директорите на кои јасно им беше ставено до знаење дека ќе бидат разрешени и казнети ако не го скршат штрајкот. Почнаа да се прават и тајни списоци за отпуштања наставници. Директорите, сироти, загрижени за своите фотелји, потпомогнати од партиските јуришници на ВМРО-ДПМНЕ почнаа невиден притисок и терор врз наставниците, спротивно на сите европски повелби и правила на штрајк, спротивно на уставно загарантираното право за недавање услуги во услови на штрајкување.

Ова беше јасно соопштено и од страна на претставникот на Европската интернационала на синдикатите. Каде постои штрајк со работење? Кој воопшто ќе се осврне на штрајкувачи што работат, даваат услуга? А оваа форма на штрајк упорно ја заговараше Владата, директорите и злоупотребени родители. Се дојде до таму што лекции од раководење на директорите почнаа да им делат и некои ученици што едновремено се членови на Унијата на млади сили на ВМРО-ДПМНЕ. Како родителите беа инструирани да вршат невиден притисок, се виде од медиумскиот прилог за случајот во Македонска Каменица. Ужас.Како поминуваше времето, растеше очајот кај наставниците. Ги искараа и ги исподелија. Компактни и сложни колективи престанаа да бидат тоа. Ја свртеа јавноста против нив, ги сатанизираа. Уживале големи права. И ова е најголемата придобивка што Владата ја оствари од овој штрајк. И премиерот преку медиумите повикува партиите да не вршат партиски притисок врз штрајкувачите. Лицемерство или што?

Потпишаниот колективен договор не ја содржи одредбата за минимална загарантирана плата што беше основниот проблем во преговорите и со СДСМ. Каде е сега таа одредба? Се реши ли проблемот? Ни од далеку. Правниот дел на колективниот договор кој се потпиша не бил спорен никогаш. Хранарините ќе се зголемеле во јули, 2009? Па од јануари 2009 почнува новиот концепт со бруто-плати каде што хранарината и превозот се вградени во висината на бруто-платата. Со познатата еквилибристика, најнапред во новата пресметка на бруто-платата ќе се намали хранарината и превозот, а потоа во јули ќе се доведат на сегашно ниво.

 И тоа ќе биде прикажано како покачување. Впрочем, ќе видиме. И СДСМ не дозволи зголемување, не се амнестираме, затоа бевме казнети. Но барем беше еднаков пристапот кон сите буџетски корисници, а не за едни да се биде мајка, а за други маќеа. Наставниците нека го споредат двојното зголемување од 10 отсто на платата, и зголемената потрошувачка кошница и нека заклучат кога се живееше подобро. Со минимално покачување на платите од 10 отсто во времето на СДСМ и без инфлација, или сега, под сегашните услови?

Проф. д-р Тале Герамитчиоски

Posledicite od "ubavinite" shto im gi obezbedi vladata na SDSM i gospodinot Tale Geramitciovski gi cuvstvuvaat i sega. Vo toa vreme prosvetarite bea narekuvani "mecki zashtiteni so zakon"

Tie za svoite "storeni ubavi" go dobija zasluzenot. Ke pocekame da vidime shto kje dobijat segashnite "blagodeliteli"