МУЗИЧКИ ВЕСТИ

 

 

 

 

Горан Танески и Горазд Чаповски, креативното јадро на групата Мизар, и по 25 години не престануваат со создавање музика. На истекот од годината кога култниот состав ја прославува 25-годишнината од своето постоење, тие повторно се во студио, каде што го финализираат својот нов материјал, кој, според нивните зборови, треба да биде уште едно ремек-дело.

Исто како и претходните четири албумски изданија, со кои остави значаен белег на македонската музичка сцена, но и на просторот на некогашната заедничка држава, и овој пат Мизар ќе се обиде да постави нови стандарди. Со новиот материјал групата нема да скршнува во некои други музички води, туку напротив, ќе се враќа кон своите корени, со звукот од раните осумдесетти години на минатиот век, кога ја почнува својата кариера.

“Тоа што моментално го подготвуваме ќе биде еден вид продолжение на нашата досегашна работа. За разлика од претходниот албум, со овој се навраќаме на стариот традиционален звук на Мизар од пред дваесетина години. Повторно го користиме византиско-црковното пеење, што беше наш заштитен знак, додека, пак, музичкиот дел ќе биде многу поагресивен и поентузијастички“ - објаснува гитаристот Горан Чаповски.

Засилување со црковен хор

Материјалот за новиот албум, кој ќе биде насловен “Детето и белото море“, речиси е комплетно снимен, а сега се прават финалните доработки. Тоа што е најинтересно е дека, покрај стандардната постава на групата, како вокално засилување е и црковниот хор Хармосин, во кој членуваат повеќе домашни хорски и црковни пејачи.

“Хорот Хармосин е најсоодветен за тоа што го правиме. Пеењето на момците одлично се вклопува во нашиот концепт. Едноставно тоа е хор што добро знае што ни треба нам“ - додава Чаповски.

Токму хорот ги дава потребната тежина и специфика на византискиот призвук, дополнет со моќните гитарско-ритмички делници. Секако тука повторно се и мрачните звуци што Мизар секогаш ги користи како подлога во своите песни.

Доколку се оди според планот, албумот ќе биде завршен до крајот на годинава, а како најава за неговото излегување, на 19. декември во Културно-информативниот центар во Скопје ќе биде промовиран и спотот за пилот-синглот Бело море. Спотот е во режија на Томи Алексов, човекот што долги години работи со Мизар и е потпишан како режисер на спотот за песната Ходен же, кој е снимен во средината на осумдесеттите години на минатиот век.

Прослава наредната година

По претставувањето на првиот видеозапис, мизаровци ќе се посветат на концертно промовирање на новото издание. Иако годинава тие прославуваат четврт век од оформувањето на групата, сепак, главниот славенички настан ќе се случи напролет, кога планираат да направат голем концерт во Скопје.

“Не е точно дека годинава ние како група не ја одбележавме 25-годишнината. Имавме повеќе настапи низ државава и надвор, а еве веќе го снимивме нашиот нов албум. Но ветуваме дека наредната година, ако даде Господ, некаде напролет, ќе направиме голем спектакуларен концерт, на кој ќе се појават сите музичари што некогаш биле дел од Мизар“ – вели Горазд Чаповски.

Се на се, новиот албум на Мизар ќе биде повод за многу нивни обожаватели, кои долги години чекаа, да ја чујат својата омилена група во изворна форма. Можеби ова нема да биде ново откровение, но затоа, пак, ќе биде ново продолжение.

 

 

 

 

 

Robbie Williams пробал да се убие додека бил на дрога

Robbie Williams се почесто се појавува во медиумите не поради музиката туку поради неговото бизарно однесување. По приказната за опседнатоста со вонземјаните, стигнува приказната дека сакал да се убие додека бил под дејство на дрога. Пејачот призна дека  пред да се занимава со музика бил под дрога.Тој призна дека бил проблематичен адолесцент и дека еднаш пробал да се убие пред својата мајка. Robbie по земањето на дрогата една вечер се вратил дома и помислил дека фудбалерите излегуваат од телевизорот.Одлучил да се избоди со нож.Среќа, мајка му излегла од собата  и го прашала што прави.„Ништо само да се избодам.Дали си за филџан чај?„-рекол Robbie. Пејачот овааа приказна ја раскажал на неговиот блог.

 

Секси Hilary Duff

Новиот спот на Хилари Даф  во Америка е забранет  зошто бил многу провокативен. Спотот е за новиот сингл Reach Out и содржи екплицитни детали и елементи па затоа забрането е прикажувањето.   Хилари Даф издаде три албуми, Metamorphosis, Hilary Duff и Dignity, а проба  да биде и  глумица.Може да ја видите и во актуелниот филм „War Inc„ каде што глуми со србинот Сергеј Трифуновиќ како нејзино момче.