Дали е потребен штрајк во образованието

Премиерот Груевски и синдикалецот Цветановски почнаа преговори . Засега нема решение што СОНК ќе го мотивира да го прекине штрајкот – но двете страни мрднале од  почетните позиции – вели Цветановски.

Додека во владата се преговара во училиштата не стивнуваат притисоците штрајкот да прекине. Во скопска Кисела Вода во училиштето Невена Георгиева – Дуња, директорката под притисок на градоначалникот Џорџе Арсов ги собра наставниците за да ги убеди да го прекинат штрајкот и од утре да почна со настава.

По неколкучасовните убедувања преставничката на СОНК од Дуња, Илинка Бежовска, призна дека се вршат притисоци да се прекине со штрајкот.

Наставниците бегаат од камерата – директорката од Дуња по половина час рапортираше пред градоначалникот на Кисела Вода, Џорџе Арсов.

Претходно од кабинетот на градоначалникот Арсов излезе и друга група директорки – вознемирени и расплакани и тие замолија да не ги прашуваме ништо. И директорката на Кирил Пејчиновиќ, во Кисела Вода денеска успеа да собере половина колектив за да ги убеди да прекинат со штрајкот.

Врз наставниците  од Пејчиновиќ се вршел невиден притисок –тврдат дека партиски луѓе им се јавувале по телефон со зборовите – ќе видите дали од септември ќе ви дадеме часови. Силниот притисок и денеска го коментираше првиот синдикалец Цветановски.

Силниот притисок на власта со закани  врз наставниците дека ако не престанат со штрајкот  ќе останат без работа успеаа во Штип каде од утре ќе се учи – исти најави има и во три скопски училишта – Вера Циривири – Трена, Јохан Хајнрих Песталоци и 11 Октомври. За притисоците на власта врз синдикатот детали утре ќе дознае и преставникот од интернационалата за образование кој доцна вечерва доаѓа во Скопје.

На ден пред најавениот штрајк со глад на раководството на СОНК премиерот Груевски го викна Дојчин Цветановски во владата. "Мрднавме од почетните позиции" вели лидерот на СОНК. Во меѓувреме власта на терен преку градоначалниците, директорите и партиски активисти продолжува со обидот да го загуши штрајкот. На СОНК на помош, вечерва им доаѓа претставникот од интернационалата за образование од Брисел.

Новинар: Милка Смилевска

...taka beshe vo Dunja, Pejcinovikj, Kuzman-Pitu, sekade. Vo nedela,vo neraboten den. Nov vid- demonkratija... 

Gradonacalnikot e politicka licnost i nego mnogumina ne mu se lutat. Lugjeto  se razocarani od podracnata, inspektorot, direktorite dovcerashnite  kolegi, nekoi od niv do vcera bea sindikalni lideri vo svoite ucilishta. Zarem direktorskata fotelja ima tolku golema cena? kade kje se vratat ovie "kolegi" po izminuvanjeto na mandatot? Imaat li tie lice?Do kogo kje sednat, koj kje trpi takva smrdea? Treba li da ostanat na celo na instituciite kade decata se ucat na demokratija, na detski prava? Koj kje gi pocituva nivnite naredbi? ako malku imaat covecka doblest, treba da zaminat, ne samo od foteljata, od obrazovanieto vopshto. takvite truli "jabolka" rasipaa se shto beshe covecko..ucitelsko...Do koga premierot, vladata site institucii kje go trpat ova? Kade e antikorupciskata komisija?