Бугарски фалсификати за Македонскиот народ!!

Невидена бугарска пропаганда

Костадин Сарагинов, Скопје, правнук на Панко Брашнаров

Во анализата на бугарската политика кон Република Македонија а изготвена од страна на група бугарски дипломати, историчари, професори и други, се препорачува како Македонија да се натера да води добрососедска политика. Сега и од Бугарија не можеме да очекуваме безусловна поддршка за влез во НАТО и ЕУ. Иако Бугарија ја призна Македонија под нејзиното уставно име усилбите на Бугарија взаемно да се празнуваат македонските државни празници на Македонија, ја изнесуваат бугарската теза за две држави - еден народ.

На Интернет се води невидена пропаганда со која на многу македонски дејци им се припишува бугарско потекло. Во врска со ова би го изнел следниот пример за присвојување на националноста на Панко Брашнаров. Во свидетелство за завршено трикласно бугарско училиште бр. 291 од 16 мај 1901 година стои само: момчето Панко Брашнаро,в родом од гр. Велес, на возраст од 19 години, не пишува што е по националност. Во свидетелството на Панко Брашнаров за завршено трикласно педагошко училиште од 23 јуни 1902 година стои по народност Блгарин-поданик турски.

Во свидетелство за завршен Виши педагошки к*рс во Пловдив издадено 24 јуни 1915 година стои: Панко Брашнаров роден 27 јули 1883 во Велес, околија Велешка (Македонија) по народност Блгарин - поданик српски.

Во свидетелство издадено од Светиот Синод на бугарската црква Но. 5827 од 27 август 1915 година стои Панко Брашнаров од гр. Велес-Македонија. Од изнесеното може да се види дека бугарската пропаганда трае перманентно но само се менува према дневно-политичките потреби.

Притисокот за бришење македонскиот идентитет и македонскиот јазик не е од вчера. Во далечната 1901 година во почетокот на своето учителствување Панко Брашнаров се судрил со политиката на бугарската Егзархија, во училиштата наставата да се изведува на бугарски јазик и нејзиното упорно настојување за бугаризација на Македонија. Од 1901 до 1911 година Панко Брашнаров во многу села во Македонија и во Велес предава исклучиво на македонски народен јазик, при што останувал и без егзистенција затоа што Егзархијаа партиципирала само на егзархиските училишта. А за улогата за јазикот и неговата нераскинлива врска со македонскиот народ далекувидиот Крсте П. Мисирков уште во 1903 година ја искажал во делото „За македонските работи“.

Борбата за македонскиот јазик не застанува тука и таа доаѓа до израз кога Президиумот на АСНОМ бил доследен за основање на Телеграфска агенција за Македонија (ТАМ). Панко посебно внимание посветувал за правилно информирање на јавноста, посебно за информирање на странската јавност за состојбите во Македонија преку тоа и за афирмација на македонската националност и државност во меѓународниот простор. Истовремено Блаже Конески, Веселинка Малинска со група соработници работат на создавањето на македонскиот литературен јазик, кое се реализира во јуни 1945 година.

Се здобивме со македонска држава, со македонски јазик но надворешниот притисок трае до ден денес и е уште пожесток.

Се прашувам на кој начин ние се бориме против овие притисоци однадвор, каков е нашиот став и против одговор?

Со досегашниот став на „статус кво“ и веќе излитената фраза „да ја сочуваме оазата на мирот“ се откажавме од македонското малцинство во соседните земји. Потоа под притисок на многубројни надворешни „доброчинители“ го сменивме знамето, дел од историјата и што ти не.

Во услови на се' поизразена кохабитација на релација Влада-Претседател а уште поизразен антагонизам во односите на ВМРО-ДПМНЕ и СДСМ се ослабува внатрешната кохезија на Македонија што многу вешто го користи надворешниот фактор да ја одвраќа Македонија што подалеку од патот кон НАТО и ЕУ. Ни се поставуваат се' повеќе нови и нови услови и сме исправени пред една апорема.

Не сум стручен да предложам политичко решение за овие проблеми но верувам дека кај секој кој одлучува за овие прашања ќе проработи патриотизмот и во интерес на државата ќе се надминат меѓу партиските разлики и ќе се дојде до единствен цврст став.

Премиерот Никола Груевски се зафати со активности со цел да ја измени инфериорната положба на Македонија во врска со спорот за името. За таа цел ја информираше севкупната светска јавност за проблемите на Република Македонија. За првпат досега меѓу другото го отвори прашањето за Егејците и МПЦ а со тоа храбро чепна во осиното гнездо на соседите.

Дали е сега време или невреме да се отвора прашањето за Егејците и МПЦ, ќе покаже времето. Затоа што се' што не е кажано и напишано и изнесено во јавноста како и да не постоело. А вистината сепак, еден ден ќе излезе на виделина.