Бентли во Македонија

Бентли во Порше Македонија


Како дел од патувачкото шоу на Бентли, во Македонија беа донесени четири модели за тест возења на можните клиенти




Иако отсуствуваа класичните претпоставки за заљубеност на прв поглед, бидејќи ниту е пролет, ниту е зимска идила, Порше Македонија вчера и денес им овозможи на македонските автомобилски сладокусци да ги запознаат четирите модели на Бентли и да ги разбудат своите емоции. Оваа промоција е дел од таканареченото Бентли роуд шоу, кое продефилира низ земјите од Источна Европа и откако ги посети нашите соседни земји, од кои дел се во ЕУ, финишира со настанот во Македонија.

Меѓу моделите донесени од Бентли Виена беа новиот "флаинг спар", потоа Континентал ГТ, ГТ кабриолет и ГТ спид. Дополнително, меѓу двата дена за возење, се одржа и вечерна промоција на "флаинг спар". Зад воланот на моделите на Бентли можеше да се седне само на лична покана од организаторот, кој со сите гости и потенцијални клиенти контактираше претходно за да ги дознае нивните преференции.

Сите модели беа со автоматска трансмисија, со шест степени на менувачот, кој може да се вози и мануелно на самата рачка од менувачот или командувајќи го од самиот волан. Цената за најевтиниот модел на Бентли во Македонија се очекува да биде 156.000 евра, и тоа без давачките за транспорт и царина, но затоа со многу луксуз во секој агол и на секој допир.

извор:вечер