РАКОМЕТ - новости

Рекордна победа на прилепскиот ракометен прволигаш
"Пиварите" со 57 голови за 60 минути

Ракометарите на прилепскиот прволигаш Златен даб го истурија својот бес по неочекуваниот пораз во Куманово, нивни прв сезонава, врз фенерџијата Младост. Младиот ресенски состав замина со мрежа наполнета до врв, примајќи 57 голови за 60 минути, што е рекордно постигнување на прилепчани во сите конк*ренции во кои се имаат натпреварувано. Прилепските ракометари важат за главни кандидати за експресно враќање во Суперлигата, но на последните две гостувања потфрлија. И додека за нерешениот исход против Повардарие беше барано алиби во грубата игра на домаќините, за поразот во дербито во Куманово нема оправдување. Затоа избраниците на Петрески и на Нешкоски одиграа максимално мотивирано во 10. коло и го изрешетаа голот на последнопласираниот тим во лигата, победувајќи со 57:18

ПОДГОТОВКИ НА ЖЕНСКАТА РАКОМЕТНА РЕПРЕЗЕНТАЦИЈА
Радуловиќ ќе мирува до ЕП

Повредата на Валентина Радуловиќ, заработена на утринскиот тренинг во вторникот, не е толку страшна за да и биде загрозен настапот на претстојното Европско првенство, но до неговиот почеток во вторник, најверојатно, ќе мора да мирува. Капитенката доби удар во десното колено од Јулија Портјанко во дуел-игра и во прв момент се стравуваше да не се настрадани лигаментите, но лекарскиот преглед укажа само на истегнување.
- Не е толку сериозно, во прашање е само истегнување, но Вале доби препорака да мирува барем два дена. Потоа ќе и биде извршен уште еден лекарски преглед. Се уште не сум решил дали ќе игра на последниот контролен меч со Шпанија в недела. Можеби, ќе биде попаметно да добие поштеда за да не ризикуваме ништо - оцени селекторот Владимир Глигоров.
Со исклучок на Радуловиќ, репрезентацијата вчера тренираше во комплетен состав, што не беше случај претходниот ден. Во работата повторно се вклучи и Наталија Тодоровска, која уште од турнирот во Унгарија, одигран викендов, се жалеше на температура, а Драгана Пецевска ја санираше повредата на вратот.

Ракометарите ремизираа со Естонија

Најдобрите македонски ракометари успеаа само да ремизираат 28:28, во реванш натпреварот со Естонија, во квалификацискиот циклус за пласман на Европското првенство што во 2010 ќе се одржи во Австрија.

Во првото полувреме не ни одеше баш најдобро, а Естонците го искористија тоа и успеаа да ни парираат со 15:15 на крајот од првиот дел.

Второто полувреме Естонците повторно стартуваа многу поорганизирано од нашите ракометари, поведоа и со 19:17 во првите 10. минути од вториот дел.

Во 16-та минута од второто полувреме дојдовме во водство од 20:22 и одржувавме предност од два гола до 26. минута, кога Естонците изедначија на 25:25.

На крајот 28:28, Естонците успееја да ни освојат значаен бод во квалификацискиот циклус за пласман на Европското првенство што во 2010 ќе се одржи во Австрија.


Ova e Katastrofa sto se desava so nasite sportisti vo bilo koj Sport!!!! Za nisto ne ne biva edna estonija nemoze da ja pobedime vo gosti! Sega ke sanjame EP!

igraa odlicno, i da ne vlezese Veselinka i dobiese 2-3 smesni gola, moze i ke pobedevme

"Натпреварот против Германија, беше тежок и неизвесен"

- da be , vo prvite 10 min...

Македонија ја совлада Саудиска Арабија

Македонските ракометни репрезентативци ја победија селекцијата на Саудиска Арабија со 27:20, во првиот меч на божиќниот турнир на три нации, што викендов се одржува во Скопје.

За разлика од дуелот со истиот противник на минатонеделниот турнир „Жолт куп“ во Швајцарија, кога нашиот тим победи само со еден гол разлика, во салата „Борис Трајковски“ вечерва многу полесен триумф над репрезентацијата што исто така ќе учествува на претстојното Светско првенство.

Епилогот беше најавен уште при водството од 11:6 во 20-та минута, а победата речиси потврдена со убедливите плус осум гола на полувреме, кога беше 17:9.

Во продолжението селекторот Илија Темелковски можеше да тестира повеќе различни тактички варијанти.

Последната контрола на формата и на подготвеноста пред мундијалот во Хрватска што почнува наредниот викенд, македонскиот национален состав ќе ја има утре вечер против селекцијата на Црна Гора.

Саудиска Арабија и Црна Гора в недела ѓе го затворат овој мини-турнир во Скопје.

На пат со позитивни мисли

Машката сениорска репрезентација на Македонија денеска заминува за Хрватска каде што в сабота ќе го одигра првиот натпревар на Светското првенство против селекцијата на Тунис. Ракометарите денеска патуваат за Вараждин каде ќе претстојуваат до следниот четврток.
По десет години Македонија одново е на Светското првенство, а вчера репрезентацијата беше во центарот на вниманието. Денот почна со приемот кај премиерот на Македонија, Никола Груевски. Продолжи со прием од поглаварот на македонската православна црква, г. г. Стефан, а последниот прием беше во Агенцијата за млади и спорт.
Сите приеми завршија со прес-конференцијата која се одржа во РФМ, а на неа говореа селекторот Темелковски, како и ракометарите Кире Лазаров и Ванчо Димовски.
"Сите сме свесни за тоа колку е голем предизвикот што го носи самото учество на Светското првенство во Хрватска. Затоа и подготовките беа засилени во овој период. Сакаме колку е можно поподготвени да настапиме на Мундијалот и да се прикажеме во најдобро светло. Задоволен сум од сработеното и од она што го видов на контролните натпревари досега, како и од мотивираноста која беше на максимално високо ниво".



Во минатиот период имаше доволно време за да се видат квалитетите на сите ривали од првата рунда, а од сето ова може да се заклучи дека ќе треба да се одигра максимално во текот на целиот шампионат.
"Во Вараждин не чека силна група во која ќе мораме да дадеме максимум доколку сакаме да постигнеме успех. Мораме против сите да одиграме на ниво и очекувам да стигнеме до добар резултат. Ќе одиме чекор по чекор на првенството. Тунис е нашиот прв противник. Има добар тим, кој с$ почесто прима европски стил на игра. Ракометарите настапуваат претежно во Франција, но ние се подготвуваме за нив и се надевам дека сите ќе можат да дадат 100 посто на теренот".
Ракометарите на тренинг минаа повеќе од 25 дена. За овој период имаа можност да одиграат и пет контролни средби. Сето тоа беше доволно за да се види каков е квалитетот на нашата селекција, а може да се заклучи дека сите ракометари се подготвени за игра.
"Атмосферата во репрезентацијата е одлична. Здравствениот билтен е добар и сите 16 ракометари се подготвени за настап. Ме радува фактот што на контролните средби со Саудиска Арабија и Црна Гора во тимот ги имавме и Ванчо Димовски и Раде Стојановиќ кои се многу важни за репрезентацијата. Тие се подготвени за настап и нам тоа ќе ни користи максимално", заврши Темелковски.
На изјавите на селекторот се надоврза и капитенот Кире Лазаров, кој кажа дека не треба да има кревање во воздух предвреме туку мора да се оди смирено и чекор по чекор на сите натпревари.
"Некако се прави еуфорија пред овој настап на првенството. Тоа е добро, но мораме да бидеме внимателни. Се гледа дека сме единствени и максимално сложни. Сепак, мораме да ја спуштиме топката на земја и смирено да ги дочекаме натпреварите кои ни претстојат. Ние сме нови на ова натпреварување и немаме доволно искуство. Затоа мораме да бидеме внимателни. Мораме да одиме чекор по чекор и да играме добро. Едно е да играме контролни, а друго ваков тип средби и затоа мораме да бидеме максимално организирани пред секој дуел", коментираше Лазаров.