Има ли вонземјани?

Вонземјани во Србија?!

Жителите на селото Рибаре во близината на српскиот град Шабац се уверени дека деновиве ги посетиле вонземјани или дека биле сведоци на некоја невидена природна сила, која со татнежи фрлала ќерамиди од поедини куќи и целосно ги срамнила со земја полињата пченка.

Блиската средба со „вонземјаните“ ја доживеале само неколкумина мештани, за кои луѓето велат дека се сериозни и оти никогаш не би измислиле такво нешто.

„Бев во дворот кога почна татнежот. Имав чувство дека земјата се распаѓа. Никогаш нема да го заборавам звукот, што беше неприроден. Нозете ми се пресекоа од страв. Беше темница, врнеше дожд, а пред и по тоа ништо не се слушна. Ништо не видов, само слушав татнеж. Утредента го најдов моето поле со пченка срамнето со земја“, раскажува еден од жителите на Рибаре.

И други селани зборуваат за страшниот звук, кој потсетувал на уривање на авион. Кога звукот стивнал, небото се зацрвенило.

Необјаснивиот инцидент траел само неколку секунди, а погодил само неколку куќи.

Мештаните се согласни дека тоа не е било само големо невреме, бидејќи би биле погодени сите куќи и сите полиња. Тие се сомневаат дека ова е работа на натприродна сила, вонземјани ....