БИЗНИС ВЕСТИ, НОВОСТИ, ИНФОРМАЦИИ...

 

 

Ова се новите монети од 10 и 50 денари.

Инаку, монетите ќе ги заменуваат постепено книжните банкноти, поради поголеми трошоци за нивно печатење и расипливост. Нивното пуштање во оптек нема врска со инфлацијата, паѓање на вредноста на денарот или зголемување на паричната маса во оптек... Ако беше така ќе се печатеа банкноти со голема номинална вредност (во апоени од 10.000, 50.000, 100.000 денари...) како на времето во Југославија, а не монети од 10 и 50 денари...

 

 

 

МЕПСО го блокира увозот на струја за ЕВН Македонија, обвинуваат Австријците. Во официјалната писмена комуникација со државната компанија за пренос, ЕВН на двапати била одбиена да увезе струја по пониска цена од онаа што ја продаваат државните електрани.

Според новиот закон за енергетика, ЕВН Македонија смее да набави струја на отворениот пазар, доколку ја најде по пониска цена.

ЕВН Македонија во моментов најде електрична енергија по пониска цена од онаа што ја нуди ЕЛЕМ. Во интерес на компанијата и потрошувачите ние ја прифаќаме пониската понуда, но сме оневозможени да увезуваме поради за нас нејасни причини, велат од ЕВН Македонија.

Во МЕПСО, пак тврдат дека нема никаков проблем. Но, морале да ги консултираат регулаторите.

Добивме позитивно мислење од регулаторната комисија за енергетика, и најверојатно веќе в четврток ЕВН Македонија ќе ги добие кодовите и ќе може да си увезе струја, велат во МЕПСО.

И Регулаторната комисија за енергетика потврди дека ЕВН Македонија може сам да си купи струја доколку ја најде по поевтина цена од онаа по која што ја продава ЕЛЕМ.