Насилството врз жената во семејството

pa ne te udrila po glaa da ja goltnes 

море фатам го истепам..

Zenite se specijalizirani za psihicka tortura

..do koga kje s ebrojat zrtvite...koi vekje plakjaat i so svojot zivot...
Насилник до смрт ја претепал сопругата
ТЕТОВО - Маж под дејство на алкохол со тупаници ја претепал сопругата до смрт во тетовското село Јегуновце. Педесет и едногодишната Марија Т. едвај смогнала сили да се оттргне од тупаниците на сопругот и да го пријави случајот во полиција. Но, штом пристигнале полицајците во домот, таа се струполила на подот и починала. Безуспешни биле обидите да се спаси нејзиниот живот. Насилникот кој го истурил својот бес врз сопругата, е приведен и против него ќе биде поднесена кривична пријава.

Расправијата меѓу сопружниците се случила завчеравечер околу 23 часот. Во еден момент тетовецот Никола Т. (53), кој бил под дејство на алкохол, ја нападнал сопругата со тупаници, нанесувајќи и повеќе удари. Кога успеала да к*ртули од нападите, веднаш повикала полиција и го пријавила случајот. Кога пристигнале полицајците, малтретираната жена ги пречекала и ги однела дома. Во еден момент, влегувајќи во една од собите, Марија се струполила на подот и починала. Полицајците се обиделе да и' помогнат, а притрчале и соседите, од кои една била лекарка. Сепак, не успеале да ја спасат.

По направениот увид, телото на починатата е предадено на обдукција, а од куќата се одземени сите предмети за кои постоело сомневање дека можеби се употребени при физичкото насилство. Од полициски извори се дознава дека меѓу сопружниците имало чести несогласувања, предизвикани од преголемата и зачестена употреба на алкохол од страна на сопругот, но досега не била поднесена пријава за семејно насилство.

Од СВР-Тетово укажуваат дека од почетокот на годинава се регистрирани 28 случаи на семејно насилство, а за 32 лица се поднесени кривични пријави. Во 22 случаја на жртвите им биле нанесени телесни повреди, а доста често насилниците им се заканувале и со оружје. Најчеста жртва на ваквите малтретирања се жените, но не се ретки и психичките и физичките тортури врз децата. Семејната хармонија најчесто била нарушувана од насилници кои биле под дејство на алкохол, но како причина за насилството се наведуваат и нарушени семејни односи, љубомора, нерасчистени имотноправни односи и разни пороци. Во последно време, семејствата се' повеќе се притиснати од финансиски проблеми кои, исто така, се една од причините за малтретирањата.

Во Гостиварскиот регион за десет месеци се поднесени шест кривични пријави во кои жртви биле пет жени и едно дете. Меѓутоа, забележани се уште 25 случаи на семејно насилство кои поминале само со писмени или усни предупредувања.

Според сознанијата на Здружението за еманципација, солидарност и еднаквост на жените на Македонија – ЕСЕ, насилството се' уште се крие,а податоците сведочат дека дури секоја петта малтретирана жена го пријавува случајот во полиција. Според нивните укажувања, пријавените случаи се само 20 отсто од вкупната бројка на жртви на семејно насилство.

„Најчести форми низ кои се манифестира физичкото насилство се шлаканиците (87,5 отсто), заканите за употреба на физичка сила (70,1), зграпчувањето и туркањето (63,9 отсто). Најретко се застапени најтешките форми на насилство - горење или попарување (2,5 отсто) и употреба на нож или пиштол (9,9 отсто)“, велат во ЕСЕ, повикувајќи се на минатогодишното истражување „Живот во сенка”. Стравот, губењето на самодовербата, депресијата и несоницата се најчестите последици од насилничкото однесување врз жените.

Ја силувал неподвижната баба

Д.П. (56) од скопската населба Драчево во саботата ја силувал мајката на неговата сопруга во нејзиниот дом. Гнасниот чин го видела неговата ќерка, по што случајот бил пријавен во полициската станица во населбата Драчево.
Д.П. околу 18 часот дошол во куќата на неговата баба Е.Д. (71), која била неподвижна и лежела во кревет, и ја силувал. Додека го вршел гнасниот чин, во куќата дошла неговата ќерка која кога видела што се случува, веднаш со трчање отишла дома и и раскажала на нејзината мајка Л.П (43) дека татко и ја силува бабата.
Запрепастена од тоа што го слушнала, Л.П. веднаш случајот го пријавила во полиција, по што Д.П. бил приведен и против него ќе следи соодветна кривична пријава.


Ви се верува ли вакво нешто? Навистина не можам да поверувам до каде може а отиде човечкиот мозок, па уште и ќерка му го видела.Старашно