Абрамович го купува Љубаниште?

“На пролет може да се очекува вистински инвестициски бум во Охрид и почеток на изградба на шест луксузни хотели и аква- парк на површина од 60.000 квадратни метри, како и   изградба на голф игралишта на 30.000 кавдратни метри”, вели градоначалникот Александар Петрески.

Овој интерес е посебно зголемен, по најавата за реконструкција и модернизација на охридскиот аеродром.
Пред десетина дена во посета на Охрид и охридскиот градоначаланик биле турски бизнисмени, кои биле заинтересирани за купување на недвижности и изградба на аква-парк. Меѓу нив биле и претставници на турските компании од Анкара и Истанбул: “Омко”, “Мурал” и “Нова”, кои веќе имаат изградено неколку аква-паркови. Тие биле спремни веднаш да инвестираат 50 милиони евра и до наредната сезона да го изградат аква-паркот.

Според урбанистичкиот план, аква-парк би се градел во близина на Горица на површина од 30.000 квадратни метри.

Меѓу заинтересираните се споменуваат светскиот синџир хотели “Хилтон” и австриската компанија “Соравија”.

Постои зголемен интерес и од хрватски од бугарски инвеститори да градат на овие локации. Во локалната самоуправа велат дека на конк*рост можат и би било добро да се јават и домашните инвеститори.

На локацијата, пак, околу “Андон Дуков” се заинтересирани во изграадба на хотели и нови туристички капацитети да инвестираат руски и израелски компании.

Конзорциум, пак, на фирми од Словенија се заинтересирани да изградат голф игралишта на оваа локација.

Дали постоечката инфраструктура ќе може да го следи ваквиот инвестициски бум во Охрид, кој се најавува веќе од пролет?

Градоначалникот одговара потврдно.
“Комплетната инфраструктура, снабдувањето со електрична енергија, водоводот и канализацијата, сообраќајот се проектирани за град од 150 илјади жители, а Охрид има 60 илјади жители. Тоа подразбира дека новата инфраструктура која се гради во изминативе  две години во потполност ќе ги задоволи барањата на инвеститорите”, вели Петрески.