На туѓ грб...

... и сто стапа се малку... Ама не ми беше тоа муабетот...

Една работа одамна веќе ми прави впечаток во дискусиите на форумов, но се почесто ја забележувам и по разните религиозни веб-страници, блогови и слично...
Тоа е "негативната кампања" при проповедањето на сопствената вера.
Што значи тоа? Промовирање на сопствената вера, не преку доблестите и вредностите на истата, не преку презентирање на нејзиното учење и нејзините квалитети, а преку омаловажување и негирање на верата (или соодветно практикувањето на истата) на другите.
Неодамна кога се отвори страницата на исламскиот центар - главните содржини беа околу Исус и како тоа муслиманите повеќе се придржуваат до него отколку Христијаните, како и задолжителните содржини во кои се критикува Христијанството, Јудеизмот итн.
На страницата на Премин, иако не се доминантни, сепак може да се најдат неколку текстови кои се критика упатена кон другите религии (конкретно има за хиндуизмот!?!).
На страницата која наскоро тука беше промовирана како школа по веронаука - има цела една секција насловена како "Осврт на...", но сосема слободно може да се нарече "Не на православието". Кажи речи повеќе од половината од содржините на овој веб-сајт не се насочени кон промовирање на нивните вредности, туку кон негирање на туѓите.

Се прашувам - зарем не може да се проповеда сопствената вера, без да се напаѓа туѓата? Неколкупати сум го поставил тука тоа прашање и обично одговорот кој го добивам е дека во име на вистината мора со сите средства да се бори (оној кој ја презентира својата верзија на вистината).
Не мислам дека е тоа точно. Лично - мислам дека е тоа прашање на недостаток на самодоверба и недостаток на вера, недостаток на убедување. Не можам поинаку да си ја протолкувам неспособноста да се промовираат вредностите и квалитетите на едно учење или религија, освен како страв дека ако случајно се остави другиот да постои, тоа може да е погубно за нашето сопствено убедување.
Зарем толку малку веруваме? Зарем толку слаба ни е верата и убеденоста во она во кое веруваме? Зарем таа наша вера нема ништо квалитетно, убаво, позитивно за кое може да се зборува?
Дали мора на туѓ грб да го изодуваме патот?

Зарем не мислите дека ако ги презентирате позитивните работи, ќе имате далеку поубав успех во промовирањето на сопствените погледи, отколку ако презентирате негативности за другите?
Дури на форумов - наликува на избори - посочете ги мааните на другиот и избегнете по секоја цена да зборувате за сопствената изборна програма. Да, точно, тоа замајува одреден број избирачи... но... тоа се избирачите кои на секои четири години гласаат за различна партија. Тоа не се вистински поборници за каузата зад која стои партијата или идејата.
Исто е и во религијата. Со тоа што на некого ќе му кажете - не чини православието (протестантизмот, исламот, кришна, хинду...), вие не му кажувате всушност што чини и каде и како да се насочи.
Зарем не е полесно, поубаво, а и почисто, да се презентира она заради кое вреди вашата сопствена вера? Без воопшто да се напаѓа другиот.
Кога ќе го прочитаме она заради кое ВИЕ верувате?! Навистина е разочарувачки да се мисли дека некој верува во одредена идеја, само затоа што не му се допаѓа идејата на другиот.
Повелете, коментирајте... но внимавајте со делата свои да не ја потврдите уште толку оваа моја теза.

Брате Зидарски,
во порполност го делам твоето мислење.

Нешто како една мала исповест:

На форумот ме замолија да влезам затоа што некои неразбирајќи ги некои работи зборуваат многу лошо за една тема од Православието.

Искрено до тогаш, а и сега не се многу променило моето мислење за овие форуми. А тоа е самопромоција и јавно покажување на својата гордост и неретко глупост.

Кога ми ги зборуваа тие работи се сетив на св.Григориј Палама кој бил исихаст и потрполно повлечен во моливата. Пет дена пребивал на непрестајна молитва во својата келија а само сабота и Недела заради светата Литургија и Причеста и утехата на браката доаѓал во манастирот и бил во соборот на браката. но кога се појавила една многу опасна ерес и напад на Православието имал видение и пошол во светот да го брани во што и успеал, фала му на Бога.

И си реков кога тој можел да го жтрвува својот непоколеблив мир за Верата, колку повеќе јас никаквиот, и се вклучив.

Потоа откако видов што се случува ( сликата која ја опишуваш ти) сакав да се исклучам , но пак заради молбата на некои останува иако ми одзема многу време да читам глупости и следам лечење на нечии фрустрации (секој кој се најде овде да ми прости).

И што можам јас да видам?

Гордост,
нељубов,
осудување,
навредување,
потценување,
цинизам,
напаѓање,
надади како начин на одбрани...

и ве молам да не одам понатаму да не си ја тровам душата а и вас да не ве соблазнувам но ќе ве прашам сите сега.

кажете ми според Светото Писмо овие„дарови“ од Светиот Дух ли се или од паднатиот дух?

Отсуство на љубов и елементарна почит и толеранција...

Не брате, така не се брани својата вера. Вератата се брани пред се преку делата, а најголемото христијанско дело е љубовта.

ве молам простете ми на мене грешниот затоа што јас сум првиот кој не ја исполнуваа оваа заповед Божја и ги прекршувам правилата на форумот, а нека ми простат посебно модератотите за сите мои глупости.

Тоа е моето мислење.

zidarski напиша: ... и сто стапа се малку...

Па да, понекогаш и сто стапа помагаат. Џабе ли јадевме ќотек од родителите?

Апсолутно се сложувам со сите погоре, а особено со Опитен. Сметам дека доколку би ги смириле страстите и почнеме да зборуваме со почит еден кон друг, ќе се расветлат работите, и оние кои читаат наместо да бидат збунети, ќе можат да си одберат по кој пат да тргнат.

Нападот воопшто не е добар пристап на некој христијанин, а само делата ја проповедаат верата.

Јас воедно би сакала да побарам прошка за секоја моја грешка кон некој член од форумов и ви благодарам што сеуште ме трпите.

Господ напомош и да не помилува

Блу - ти ја разбирам маката... но со начинот на кој го поставуваш тоа тука - само го потврдуваш тоа што го велам.
Православен - за да можеш да пишеш нешто против другите, треба првин да знаеш самиот зошто си за твоето. Ако не си во состојба да ја "проповедаш" својата вера без да користиш напад врз другите како џокер - недоволно си ја разбираш верата тогаш.
Златник - ако веруваш во нешто (дури и да се декларираш како атеист, сепак веруваш во одредени вредности, квалитети, критериуми за живеење) - зошто не го промовираш тоа? Дали негирањето на туѓата вера ќе ти помогне во твојата по некаков начин? Дали ќе те издигне како човек и ќе ти помогне да бидеш подобар во секој еден поглед? Не верувам...
Опитен, иако си во право со текстот... сепак да те прашам - дали навистина верата има потреба од "одбрана" или има потреба од зацврстување? Одбраната е насочена кон оние кои однадвор ја напаѓаат... пред тоа да се случи, потребно е оние одвнатре да знаат што тоа бранат.

Не, а затоа што на прикриен начин го напаѓаш Исламот и мислиш дека ќе помине затоа што не е направено директно.
Имаш други теми за овој разговор.

Спирос - само еден пост те дели од бан.