За смирението

Понизност е кога некој ќе ти каже да направиш нешто, ти тоа го правиш, може во себе си да ропташ, да се буниш, триста помисли и осуди да ти поминат во главата - но ти го правиш без приговор!

Смирение е кога некој ќе ти каже да направиш нешто, ти тоа го правиш, плачеш и се молиш, и се радуваш и радуваш и радуваш што ти се простени еден грам гревови од тонската сканија гревови што ја имаш во себе.

Смирениот човек се смирува пред сите. Не само пред духовниот отец, или шефот од работа. Туку баш пред сите - пред секој еден човек, сметајќи се себеси за недостоен дури и за работата што му кажале да ја изврши. Во смирениот човек пребива чистата молитва. Смирениот човек пред браќата и сестрите (читај: пред сите) се смета за последен.

Сево ова старец Тадеј најубаво го објаснува: „Мени је све једно“.

За да му биде некому СВЕ ЈЕДНО, тој мора да е ненормален.

deshad напиша: За да му биде некому СВЕ ЈЕДНО, тој мора да е ненормален.

maria_magdalena напиша: Vo zivotot ima mnogu slucki koi ne mozeme da gi promenime sami. Nase e da se molime-Bog da gi promeni, ako saka, ako ne-da gi prifatime.   Zar ne?

Единствено нешто за кое ревносно смирениот човек се моли - е Господ него самиот да го промени на добро, затоа што самиот тој смета дека секој негов грев допринесува за лошите случки во светот. Познато е дека човекот со своето однесување влијае на природата, но исто така познато е дека ако човек се освети себеси, тогаш и тие околу него, гледајќи го неговиот пример, се трудат да го подражаваат.
Смирениот човек сметајќи се себеси несвет, Го моли Бога да Му се смилува за секој грев, особено за тоа што не може на другите да им даде личен добар пример.

Majkl напиша: ... Потоа старецот се поклонил пред нив и рекол: „Му благодарам на мојот Бог, оти гледам дека Светиот Дух почива на вас.“ ? Ја надоместил ли аввата штетата давајќи зеленчук и овошје од својата градина или пари? Побарал ли прошка од Бога за растенијата што ги уништил? ...

И како да бидам смирен, кога ми ги вадиш зборовите од уста, грррр...
Кога веќе се работело за тоа дека самиот човек сакал да се увери во смиреноста на свештениците, логично би било тој на некој начин да им ја надомести штетата. Или со повторно засејување и одгледување на нови растенија, или со исплата на вредноста на истите растнија, за да можат овие да си купат од друг производител храна за да преживеат. Или да го замолил својот бог да направи чудо (да ги врати назад растенијата, или други сами да никнат, или ...)!
Смиреност!
Наместо старозаветното „око за око, заб за заб“, Христос вели „ ако некој те удри по едниот образ, ти заврти му го другиот“. Зошто дошло до оваа промена?
Погоре беше спомнат примерот со монасите и градинарските плодови. Што ќе правел, дали исто така ќе бил смирен едниот монах, ако странецот го повредил другиот монах? Требало ли да биде смирен ако овој се обидел да го убие?
Во контекст на ова, го земам нај екстремниот пример, за да се свати апсурдноста на ова учење! Што треба да правиме, дали треба да бидеме смирени, кротки (како што се вели во едно од блаженствата во Мат.5:3-11), ако некој ни’ повреди (или убие) едно дете? Треба ли да дозволиме (и да му го дадеме) и другото дете?
Не заборавајте, човекот пред се е емотивно суштество. Тоа секако подразбира негово однесување зависно од ситуацијата во која се наоѓа. Тој (човекот) незнае како ќе реагира во одредена прилика. Отпосле можеби разумот ќе му говори дека тоа не било добро, но кој може да ја контролира човековата природа? Да, некои донекаде (но не и целосно) можат да го сторат тоа, но тоа бара многу жртви, многу одрекувања, многу труд ... и зошто? Да докажат пред некого дека се смирени? Ако речам дека дури ни Исус не бил имун во контролирањето на своите емоции во некои ситуации, ќе поверувате во тоа? Но за ова во друга прилика.

makarios напиша:

        


Изменето од Zlatnik - 28.Октомври.2008 во 15:02

Марија... чепкаш кај што не треба... за мене барем...
Месеци и месеци поминавме во снимање на таа емисија и не знам колку месеци уште во дено-ноќно монтирање...
Еве, за тебе (во емисијата беше скратена малку):

Господи, дај ми мирно да го примам
она што денов денешен ми го носи
и целосно да и се предадам на Твојата Света волја.
Упати ме и помогни ми во секој миг од денов:
каков било глас да добијам,
научи ме мирно и со цврста вера
да восприемам дека се е по Твојата Света волја.
Управувај со моите мисли, со моите сетила
и со сите мои дела и зборови.
Не допуштај во непредвиден случај
да заборавам дека се од Тебе доаѓа.
Научи ме добро да се однесувам
спрема родителите и спрема ближните,
никого да не го разгневам или да го оскрбам.

Господи, дај ми сили да ја поднесам
Тежината на денот денешен
и се што во него ќе ми се случи.
Управувај со мојата волја и научи ме
да се молам, да верувам, да се надевам,
да поднесувам, да простувам и да љубам.

Господи, дај ми да бидам орудие на Твојот мир,
та таму кај што има омраза да сеам љубов,
кај што има осуда - простување,
кај што има раздор - слога,
кај што има очај - надеж,
кај што има темнина - светлост,
кај што има жалост - радост.

0 Божествен Учителу,
нека не бидам утешуван, туку
јас други да тешам;
нека не ме трпат мене, туку
јас да имам трпение за сите;
не мене да ме љубат, туку
јас сите да ги љубам.
Зашто кога простуваме, тогаш
и нам ни се простува;
кога даваме, тогаш добиваме;
а кога умираме, тогаш се рагаме за живот вечен.

Свет Духу, помошник биди ми
денов денешен да Му Го посветам
на мојот Господ и Спасител.

Господи Исусе, Сине Божји,
поарно е да не се живее
одошто да се живее без Тебе или против Тебе.
Ти благодарам, Боже,
за дарот на овој ден и за секое добро
за коешто ќе ми помогнеш денеска да го сторам.
Избави ме, милостив Боже,
од желбата за самоугодување,
и удостој ме во секој миг да бидам подготвен
заради Тебе и заради ближниот свој
да се откажам од себеси,
зашто за таа служба и Си ми го дал животот.
Помогни ми од себе да го отфрлам
сето она што не е Твое,
а она што е Твое да го примам
во длабока вера, надеж и љубов.
Дај ми ревност со која постојано ќе Ти служам:
да ја поставам правдата над користа,
да го поставам чинењето на благочестиви дела
над минливите задоволства,
да ги поставам другите над себеси
за да ја исполнам Твојата заповед на љубовта.
Стори светлоста на Твојата убавина, добрина
и љубов да заблескаат во мојава душа. Амин.